Икенче кечкенәләр төркемендә белем бирү эшчәнлеге "Көзге урманнга сәяхәт"
план-конспект занятия по развитию речи (младшая группа) на тему

       Икенче кечкенәләр төркемендә белем бирү эшчәнлеге “Көзге урманга сәяхәт”

Максат:.  Табигатьтәге  матурлыкны күрә һәм аңлый белергә өйрәтү.

Тәрбия бурычы: Табигатькә, әйләнә–тирә күренешләргә карата сакчыллык сыйфатлары, күзәтүчәнлек, игътибарлык тәрбияләү.

Үстерү   бурычы: Балаларның сүз байлыгын үстерү һәм активлаштыру. Кара-каршы сөйләшү күнекмәләре бирү, диалогиг сөйләмнәрен үстерү.

Белем бирү бурычы: Табигатьтәге урман җәнлекләрнең исемнәрен ,ничек йөрүләрен күрсәтә белергә өйрәтү.

Төп белем бирү өлкәсе: Танып белү.

Интеграль белем бирү өлкәләре: Социаль–комуникатив үсеш, танып белү, сөйләм үсеше, физик үсеш, музыка.

 Методик алымнар һәм чаралар: ИКТ презентация,мактау, бәяләү   

Алдан эшләнгән эшләр:      

Урманда яшәүче хайваннар төшерелгән альбом карау, аларның исемнәрен искә төшерү.

Җиһазлау: Кәгазьдән ясалган ике кәрзин, алмалар, гөмбәләр рәсемнәре, салфеткалар, җилемнәр, 2 мальберт тактасы, ясалма агач төпләре, инеш, ауган агач,мультимедиа

Эшчәнлек төзелеше:

1. Психологик көйләү.

2. Үстерешле диалог.

3. Балалар сөйләме.

4. Презентация

5.  Хәрәкәтле уен

6. Продуктив эшчәнлек: Кәрзингә алма, гөмбә ябештерү.

7. “Көз” җырын җырлау.

8. Йомгаклау

                                          Эшчәнлек барышы.

Тәрбияче : Исәнмесез балалар. Мин Гөлчәчәк булам.

-- Ә син кем? (Гөлчәчәк балалар белән танышып чыга.)

Тәрбияче :  Балалар урамда нинди ел фасылы?

Балалар:  Көз

Тәрбияче :  Дөрес!  Ә сез аны кайдан белдегез?

Балалар:  Яңгырлар ява, кояш аз җылыта, яфраклар саргая , коела, көннәр салкыная, кояш аз җылыта,кошлар кошлар җылы якка китә.

Тәрбияче: Әйе балалар! Кырларга , болыннарга , урманнарга  көз килде. Көз килде дә бөтен җирне сары төскә буяды. Әйдәгез көзге урманга барыйк, анда нәрсәләр яши, шуларны карыйк. Юлда барганда безгә төрле киртәләр очрар, без аларны бергәләп узарбыз. Балалар монда агач төпләре ята, без аны менә шулай әйләнеп узарбыз. Ә монда агач кәүсәсе ауган, аны аякларны өскә күтәреп атлап чыгарбыз. Монда кечкенә генә инеш бар, аны ике аякта сикереп чыгарбыз. Менә килептә җиттек, Ай-яй нинди матур көзге урман.

 ( Экранда көзге урман рәсеме, аю, бүре, төлке, тиен, куян рәсемнәре күрсәтелә.)

Балаларга сораулар бирелә: Бу нәрсә?, Аю ничек йөри?, бүре ничек йөри?, төлке ничек йөри?, тиен ничек сикерә?, куян ничек сикерә?.

(балалар йөреп күрсәтәләр).

Тәрбияче: Әфәрин балалар. Инде бераз ял итик, бармак уены уйныйк.

                               Керпе урманда йөреп,

                               Бик күп гөмбәләр тапты.

                               Ак гөмбә, каен гөмбәсе,

                               Майлы гөмбә, әтәч гөмбәсе,

                               Кара гөмбә.

                               Ничә була барысы?

                               Әйдәгез санап карыйк

                               Бер гөмбә, ике гөмбә,

                               Өч гөмбә, дүрт гөмбә,

                                Биш     гөмбә.

                                Ничә булды барысы?

Балалар җавабы.

Тәрбияче: Балалар ишетәсезме нәрсәдер кыштырдый? (керпе керә, елый).

 Бу нәрсә?

Балалар җавабы.

Тәрбияче: Керпе син нигә елыйсың?

Керпе: Мин кышка әзерләнәм, ләкин урманда  бер  алма да , бер гөмбә дә тапмадым.

Тәрбияче: Елама керпе, без сиңа балалар белән ярдәм итәрбез. Балалар керпегә ярдәм итәбезме?

Балалар җавабы.

Тәрбияче: Әйдәгез кызлар гөмбә җыялар  ә малайлар алма җыялар.

Керпе тагын елый.

Тәрбияче: Нигә тагын елыйсың?

Керпе: Монда  бар да буталган, аларны араларга кирәк.

Тәрбияче: Елама керпе. Балалар әйдәгез ярдәм итик.

Малайлар бу кәрзингә гөмбә сала, ә кызлар бу кәрзингә алма сала. (алма һәм гөмбә ябештерәләр).

Керпе: Рәхмәт әйтә,

(Яшен яшнәгән, яңгыр яуган тавыш ишетелә).

Тәрбияче: Яшен яшни, яңгыр яварга җыена. Ә безнең кулчатырыбызда юк.

Керпе: Кайгырмагыз миндә бар. (керпе кулчатырын алып килә. Балалар  кулчатыр  астына  качалар, «Көз» турында матур җыр җырлыйлар).

                                 Көз килде, көз килде, алтын көз килде.

                                 Сап-сары яфраклар җиргә сибелде.

                                 Тып-тып сибәли, яңгыр безне иркәли.

                                 Тып-тып сибәли, яңгыр безне иркәли.

                                Күрегез, күрегез, көмеш тамчылар.

                                 Күрегез, күрегез, җиргә тамалар.

                                 Тып-тып сибәли, яңгыр безне иркәли.

                                 Тып-тып сибәли, яңгыр безне иркәли.

Тәрбияче: Балалар  безгә төркемебезгә кайтырга вакыт , әйдәгез керпе белән саубуллашабыз. Сау бул керпе.