План по самообразованию
материал по развитию речи на тему

Казан шәһәре Совет районы

  «48нче катнаш төрдәге балалар бакчасы»ның

югары категорияле татар теле тәрбиячесе Кашапова Гүзәл Нургали кызының 2018-2023  елга  үзбелемне үстерү буенча эш планы

Методик тема:

   «Балаларның сөйләм телен үстерү, камилләштерү эшен Федераль Дәүләт белем бирү һәм һөнәри стандартларга  яраклаштырып тормышка ашыру»  

Үзбелемне үстерү планын төзү этаплары.

1.Үзбелемне үстерү өстендә эш алып барганда, беренчеләрдән булып, сайланган теманың ни өчен алынуын нигезләп күрсәтү.

2.Әлеге тема  ни дәрәҗәдә  балалар бакчасында өйрәтелүче программаның төп максаты һәм бурычларына туры килә һәм аларны тулыландыруда булыша.

3.Нинди программа һәм методик кулланмаларга нигезләнеп сайлана, нинди методик рекомендацияләр исәпкә алына.

4.Бу теманы тормышка ашыруда (НОД һәм шәхси эш вакытында) нинди эш формалары сайлана.

Үзбелемне үстерү максаты һәм бурычлары

Максат: Уен – ситуацияләр, күргәзмәлелек, сюжетлы – рольле уеннар, хәрәкәтле , җыр – биюле  уеннар  кулланып тел өйрәнү, аралашу теләге тудыру.

Балаларның  сөйләмен  көнкүрешкә, җәмгыятькә кагылышлы сүзләр исәбенә баету, сүз һәм сүзтезмәләрне төрле ситуацияләрдә кулланышка кертү.

Балаларда халык әсәрләре аша кешелеклелек, ярдәмчеллек хисләре, ягымлылык тәрбияләу; нәниләрнең зиһеннәрен арттыру, фикерләу сәләтен устеру, сөйләмен камилләштеру.

Балаларның уенчыклар, аларның үзлекләре, кулланылышы турындагы белемнәрен ныгыту, сөйләм телен үстерү, предметларның мөһим сыйфатларын билгеләү; күзәтүчәнлек, ихтирамлылык, активлык тәрбияләү.

Бурычлар: Сөйләмне аралашу чарасы буларак камилләштерү, сөйләм күнекмәләренә өйрәтү.

Мөстәкыйль  фикер йөртергә, җавап бирергә күнектерү, балада үзенең сөйләменә карата кызыксыну һәм сизгерлек  уяту.

Сөйләм әдәбе (сорау, гозер, мөрәҗәгать  иту, рәхмәт әйтү, исәнләшү, саубуллашу) кагыйдәләрен камилләштерү.

Теманың актуальлеге:

Чал гасырлар арасында

Йолдыз булып янасы бар –

Юл бирегез нарасыйга, -

Аның ерак барасы бар,

Үзенә юл ярасы бар!

                                         Р. Әхмәтҗанов “ Сабый елы”

         Тәрбия-белем бирү процессына яңа технологияләрне кертеп жибәрү бүген көн тәртибенә куелган мәсьәлә. Тәрбиячедән бик күп көч тәлап ителә: үз эшеңне яхшы белү, балаларны яратудан тыш, аларның фикерләү сәләтен үстерү, белем алу-танып белү эшчәнлеген оештыру, рухи һәм физик үсешен тәэмин итү, җәмгыятькә бөтен яктан да камил булган шәхес тәрбияләү . Ә моның өчен тәрбиячегә үз шәхесенә тәнкыйть күзлегеннән карау, яңалыкка омтылу, заман сулышын тоеп, белемне өзлексез камилләштерү, укыту-тәрбия процессына иҗади якын килеп эшләү сорала. Бүгенге мәктәпкәчә яшьтәге балалар мәгълүмати технологияләр белән бик иртә таныша, шуңа күрә дә хәзерге педагоглар кызыксындыру, аларның игътибарын җәлеп итү өчен заманча технологияләрне урынлы һәм нәтиҗәле куллана белергә тиеш.
Көтелгән нәтиҗәләр:
-балаларның белем дәрәҗәсен күтәрү, әдәби, матур сөйләм, эстетик үзаң, дөняга карашларын үстерү; сүз байлыгын камилләштерү.                               -педагогик эшчәнлекнең нәтиҗәлелеген арттыру, сыйфатын үстерү;
-эшчәнлектә куллануда уңышлы дип табылган дидактик, электрон уеннарны системага салып, тел өйрәтүче тәрбиячеләргә тәкъдим итү;
- эш тәҗрибәсе белән уртаклашу максатыннан методик кулланма чыгарганда үз темамны тәкъдим итү.                                                                                                       -“Сәләтле бәләкәч”, “Идел – Йорт” кебек конкурсларда катнашу.                       -ата- аналарны бердәм иҗади эшчәнлеккә тарту.

Үзбелемне күтәрү чыганаклары:
-Методик әсбаплар, кулланмалар, программалар, махсус әдәбият, интернет-ресурс, видео, аудиоязмалар, конференция, семинар-практикумнар, методик берләшмәләр, педагогик киңәшмәләр, ачык шөгыльләр, мастер-класс, курслар, эш тәҗрибәсе уртаклашу чаралары.
Үзбелемне күтәрү төрләре:
- индивидуаль планнар аша индивидуаль эшчәнлек;
-төркемләп, ягъни балалар бакчасы, шәһәр, республика күләмендәге методик берләшмәләрдә, педагогик киңәшмәләрдә, семинар-практикумнарда, конкурсларда катнашу.
-интернет аша үз сайтымда һәм башка сайтларда башка педагоглар белән аралашу.

Метод һәм алымнар:

-Сюжетлы – рольле уеннар.

-Театральләштерү, сәхнәләштерү.

-Хәрәкәтле уеннар.

-Бармак уеннары.

-Сүзле уеннар.

Эш формалары:

-Белем бирү эшчәнлеге;

-балалар иҗаты күргәзмәсе оештыру;

-әкиятләрне сәхнәләштерү;

-мастер- классларда катнашу;

-методик әсбапларда статялар бастыру;

-конкурсларда катнашу.

Нәтиҗәләр:

-Балаларда әдәби, матур сөйләм, эстетик үзаң, дөняга карашларын үстерү; сүз байлыгын камилләштерү.

-“Сәләтле бәләкәч”, “Идел – Йорт” кебек конкурсларда катнашу.

-Ата- аналарны бердәм иҗади эшчәнлеккә тарту.

1. Әзерлек этабы (01.09.18- 31.12 18)
2. Төп этап (09.01.19-30.05.23)

а) (09.01.19-30.05.19)

б) (01.09.19-30.05.20)

в) (01.09.20 -30.05.21)

г) (01.09.21-30.05.22)

д) (01.09.22-30.05.23)

3.Йомгаклау этабы (01.09.23-30.12.23)

1.Әзерлек этабы. 01.09.18- 31.12. 18

Диагностика

Әдәбият исемлеге.

• Закирова К.В.  Уйный-уйный үсәбез.-Казан:Тат.кит.нәшр.,2010.
• Зиннурова Ф.М. Үз илемдә, үз телемдә.-Казан: Мәгариф,2009.
• Ф.Ю.Юсупов, З.Ф.Камалова, Р.А.Бурганова “Гөлбакча” /балалар бакчалары өчен хрестоматия/ Казан-1990
• Закирова К.В., Мортазина Л.Р.  Әй уйныйбыз, уйныйбыз.- Казан: "Идел-пресс" нәшр., 2013.
• Закирова К.В., Мортазина Л.Р.  Балачак- уйнап - көлеп үсәр чак.- Казан: "Идел-пресс" нәшр., 2012.
• Зарипова З.М. Исаева Р.С.Үстерешле уеннар.-Казан: "Идел-пресс" нәшр., 2013.
•  Р. Ягъфәров “Уен – күңел бәйрәме”.
• Закирова К.В.  Иң матур сүз.- Казан: "Идел-пресс" нәшр., 2013.