Р. Батулланың “Нурбәк” әкиятен драмалаштыру.
план-конспект занятия по развитию речи (младшая группа)

Татарстан Республикасы Түбән Кама муниципаль районы

“83-нче санлы гомуми устерелешле балалар бакчасы”

муниципаль бюджет мәктәпкәчә белем учреждениясе

Р. Батулланың “Нурбәк” әкиятен драмалаштыру.

(83-нче балалар бакчасында узган “Русча да яхшы бел,

 татарча да яхшы бел” семинарында шөгыль күрсәтү конспекты)

Төзеде: тәрбияче Минибаева Г.А.

Түбән Кама

2020

Эшчәнлек барышы

 (Язма тыңлау: Язмада тәрбияченең ашыкмыйча гына әкият сөйләвен тыңлау.

Аудиозма: Бер авылда, бер өйдә яшәгән ли Нүрбәк, әтисе һәм әнисе белән. Ике яшьлек Нурбәк әтисенә әйтә:

— Әти! Бака күрәсем килә, ди. Бака кайда тора ул?, - ди Нүрбэк

Әтисе Нурбәккә әйтә: — Бака су буенда була ул,— ди.

— Су буена барыйк, — ди Нурбәк.

Аудиозма: Әтисе белән Нурбәк су буена төшеп барганда, аларга тыкрык башында бер оя Каз очрады. – аудиоязма сөйли.

— Ка-как-ка-ка-ка-как, — ди Казлар.

— Әти, Казлар ни әйтә ул? — ди Нурбәк.

— «Нурбәк, кая барасың?» — дип сорыйлар Казлар, — ди әтисе.

— Бака карарга барам,— ди Нурбәк. 

— Ка-ка-ка-как, Бакага бездән сәлам әйт! — диләр Казлар.

Аудиозма:  Тыкрык уртасына җиткәч, Нурбәк белән әтисенә Бозау очрады.

— Му-у-у! — ди Бозау.

— Әти, Бозау ни әйтә ул? — ди Нурбәк.

— «Ну-ур-бә-әк, кая барасы-ың?» — дип сорый Бозау., ди әтисе

— Су буена, Бака карарга-а! — ди Нурбәк.

— Бакага миннән сәлам ә-әйт! — ди Бозау.

Аудиозма: Нурбәк белән әтисе су буена төшеп җитте. Су буенда, сөзәк ярда бик матур, ямь-яшел бер Бака утыра. Үзенчә сайрап утыра.

— Курыйк-курыйк, бака-ка, курыйк-курыйк, бака-ка!

— Әти, Бака нәрсә әйтә ул? — ди Нурбәк.

— «Исән-саумы, Нурбәк!» — дип сорый Бака,— ди әтисе.

— Исәнме, Бака! — ди Нурбәк.

— Бака-бака, Бакакай, Казлар сиңа сәлам әйтте.

— Бик рәхмәт, Нурбәк, — ди Бака.— Үзең дә Казларга миннән сәлам әйт.

— Бозау да сиңа сәлам әйтте, — ди Нурбәк.

— Бик рәхмәт, бик рәхмәт, — ди Бака.— Миннән дә Бозауга сәлам әйт.

Аудиозма:  Нурбәк белән әтисе Бака белән саубуллашып кайтып китә. Кайта торгач, алар Бозау янына җитә.

 — Бозау, яшел Бака сиңа сәлам әйтте! — ди Нурбәк.

— Рәхмә-әт, — ди Бозау.

Аудиозма:  Казлар янына җиткәч, Нурбәк:

 — Казлар, яшел Бака сезгә сәлам әйтте, — ди.

 — Ка-как-ка-как, рәхмәт, — диләр Казлар.

Тэрбияче:  –  Балалар, казлар ничек кычкыра?

Балалар: (Ка-как). 

Тәрбияче:- Бозау ни әйтә?

Балалар: (Му-у-у). –

Тәрбияче:- Бака ничек сайрый?

Балалар: (Курыйк-курыйк, бака-ка). 

Тәрбияче:– Балалар, ни өчен бака казларга, бозауга сәлам әйтеп җибәргән? Балалар: (Казлар да, бозау да бакага сәлам әйткәннәр).

Тәрбияче: Дөрес,  җәнлекләр дә, кошлар да, кешеләр дә бер-берсен шулай сәламлиләр, бер-берсенә сәламәтлек телиләр.

– Балалар, әйдәгез сез дә бакага сәлам әйтегез!

Балалар: (Сәлам, бака!).

 (Балаларны активлаштыру).

 Тәрбияче:– Балалар, бака да сезне сәламли: курыйк-курыйк, бака-ка!

Тәрбияче: – Әйдәгез, бозауга сәлам әйтегез!

Балалар:(Сәлам, бозау!).

 (Балаларны активлаштыру).

Тәрбияче:– Бозау да сезне сәламли, ул: -му-у-у! – ди. – Казларны да сәламләгез әле!

Балалар:(Сәлам, казлар!). (Балаларны активлаштыру).

Тәрбияче: – Казлар да сезне сәламлиләр: ка-как – диләр.

- Шулай итеп, бака да бозау да, казлар да сезгә исән-сау булып үсүегезне телиләр. – Исән-сау булыгыз, акыллы балалар булып үсегез!