утренник на 8 марта на черкесском языке
методическая разработка (старшая группа)

КъафэкIэ цIыкIухэр къыщIохьэ   залым

Вед.1   

Сыт дунейр  зыгъэунэхунур,

Дыгъэр  пшэхэм къуалъэфам,

Сыт гущIыхьэр зыгъэхуабэр

Борэн щIыIэхэр къеуам?

Сыт мэкъамэ дахэу къэIур

Хуэдэу псыхьэлыгъуэ жэм.

Ар анэм и гуфIэ макъырщ

Ар анэм и псалъэ   макъырщ.

Вед.2 

Нобэ гъатхэпэ мазэм   дунейпсом

Бзылъхугъэу тетым я   махуэм дывохъуэхъу.

Узыншагъэр   фиIэу   унагъуэ насыпрэ быным къыват дэрэжэгъумрэ фыщымыщIэу:

Дахагъэмрэ  гу къыдэжымрэ фи бэу

Куэдрэ фыпсэуну!

Лианэ.   Удз гъэгъар  къызоч сегугъуу, мамэ къыхуэсхьыну

                ЦIыхубз псоми я махуэшхуэм, Мамэ  згъэгуфIэну.

                Удзым и мэм сэ сепэму, сыкъырокIуэ гъуэгум

                КъысфIощI   псори сэ къызэплъу, удз гъэгъам къехъуапсэу.

                Мамэ удзыр сэ естынущ, си хъуэхъу дахэри  жесIэнущ

                Сэ сыхуейщ си мамэр гуфIэу,   куэдрэ схуэпсэуну!

А.Ислъам.  Уэ си анэу, си псэм хуэдэ, си псэм хуэдэу узолъагъу

                     Лъагъуныгъэу сэ пхузиIэм, си щхьэр ину сегъэлъагъу.

Щамиль. Анэр лъапIэщ, анэр гуапэщ

                  Ар сиIэхукIэ си дунейщ.

Мединэ.   Си анэ си анэ! нэм нэхърэ нэхъ лъапIэ

                   Уэрщ дыгъэм нэхъ лъап1э,уэрщ дыгъэм нэхъ гуапэр.

Алина.      Зи щIыхьыр бгы лъагэ, уи тыгъэщ си анэ

                   Пшыхь IэфI сабиигъуэр, щIалэгъуэм и гугъэр

                   Гъэ куэд зыф!элъ щыгъэр.

Аринэ.     ГумэщIагъэу анэм пхэлъыр, зиIэ псоми – гу зэхащIэ

                  ЩIыгум, уэгум, уэращ анэ ину фIыщIэ.

Алана.   Анэм имыIэ уасэ, анэр хуагъадэр псэм

               Анэрщ зыгъафIэр щIылъэр, анэрщ щIэзгъэк!ыр лъэр.

Гъэсак1уэ: Анэ! Теткъым мы дунейм а псалъэм нэхъ   IэфIрэ нэхъ дахэрэ.

                    Анэ! Уэращ быным и псэр, уэращ абыхэм я дунейр сыт щыгъуи къэзгъэунэхур.

Анэм и быным хуиIэ лъагъуныгъэм нэхъ гуащIэ, нэхъ лъагъукIэ пэж щыIкъым.

Анэм теухуа псалъэжьхэр:

Анэ бгъафэрэ хъурыфэ джэдыгурэ.

Анэр нэщи, адэр лъэпкъщ.

Анэ шыпхъу анэ пэлъытэщ.

С.Амир   Си анэ, си анэ лъап!э,  си гъащIэ псом и къежьапIэ

                 Къару мыухыр  зи  гуащ1э, жэщ мыжей куэдыр  зыщыщIэ

                Дунейр тхубогъэбжьыфIэ, уэ удиIэхукIэ дыщIалэщ

                 Адэжь  лъахэр  ди гущэщ, сызэрохъуэхъур  аращи

                Уи узыншагъэр мыщащэу, ену къытхуэхъу  уэ псалъэгъу.

Дж.Амир   Сэ сыхуейщ, си анэ, куэдрэ упсэуну

                   УимыIэу гукъанэ, ди япэ уэ уитыну

                   Сэ слъэкIамэ, мамэ, дыщэкIэ узлэнт

                  Дахэу и мэкъамэр, уэрэд  пхуэзусынт.

Уэрэд: «Мами нани я уэрэд»

Теплъэгъуэ цIыкIу

Алим   Пщэджыжь къэс емышу, IуэхурыщIэщ нанэ,

              Ар цIыхуфIщ къэмышу, зым хуимыщI гукъанэ

              ЖиIэу псалъэ гуауэ, зы цIыху зэхихакъым

               Тхъэусыхэрейуи, зыми илъэгъуакъым

              ЦIыху дэхьамэ пщIантIэм, псалъэ IэфIкIэ пожьэр

              ДегъэтIысхьэ жьантIэм, ирыскъыкIи IуощIэр.

Ридэд    Сэ си нанэ дыщэ, сэ си нанэ лъапIэ

                Уэ гуапэ псоми уранэхъгуапэщ

Сэ си нанэ Iущ, си нанэ щабэ

СэркIэ уогъагъэ, уэ махуэ къэс

ЗэхэзмыщIыкIыр уэ къызжоIэф

Зы тIэкIy сыщыуами гу лъыботэр

Си нанэ дыщэ, си нанэ IэфI

Уэ гуащIэ псоми сыткIи уатокIуэф

Дарина    КъысфIащами Даринэ

                  Нанэ сри- Динэщ, езы нанэ си нэщ

                  Срищхьэбаринэщ

                  Нанэ срищыгъэщ, сэ езыр си дыгъэщ

                  Зэзэмызэ сыгъми, къысфIимыщ гъыринэ

                   Нанэ сриIэфIмэ, сэ езыр си фощ

                   Нанэ дыщэ сэрэ, фIыщэу дыздопсэу.

УЭРЭД «Си нанэ»

Зэпсалъэныгъэ: «Си къаз уи деж нэкIуа?»

ДжэгукIэхэр;» ПыIэр нэхъ щIэх къэзыщтэ»

Гъэсак1уэ: Ирегъагъэ жыгхэр, ирегуфIэ дыгъэр

Фи жьэгу мафIэр мыужьыхыу

Узыншагъэ быдэ фиIэу куэдрэ дунейм фытырет.

ДиIэщ дэ адыгэхэм псалъэжь: «Анэр нэм хуэдэщ, адэр дэм хуэдэщ». АтIэ дэри дывгъэхъумэ ди анэхэр, нап1эм нэр зэрихъумэм хуэдэу

Тхьэм фигъэпсэухэ!