"КӨЗГЕ МАҖАРА" Сценарий осеннего развлечения для старшей группы (на татарском языке).
календарно-тематическое планирование (старшая группа) по теме

                                            КӨЗГЕ    МАҖАРА

Бабалар бакчасының олылар төркеме өчен көз турында күңел ачу кичәсе.

Кабак : Мин – кабак, кояш баласы,

Үсәм җирдә тәгәрәп.

Үзем таза, үзем матур,

Битләрем дә түгәрәк!

Кәбестә : Бар әле тегендәрәк!

Мин дә таза, бик матур,

Күлмәкләрем йөз дә ун.

Тик минем файдам күбрәк:

Минем хәрбер яфрагым

Витаминнарга байрак!

Кишер: Кара әле син моңа:

“Яфрак” диеп мактана.

Минем зур яфрагым юк,

Ә каротиным бик күп!

Күз күрүен яхшыртам,

Башны әйбәт эшләтәм!

Суган: Я, нәрсә мактанасыз?!

Яшәп кара сугансыз!

Суык тисә – мин кирәк,

Ашка сал мине күбрәк,

Салатка сал, бәлешкә.

Сугансыз булмый хич тә!

Кыяр: Мин барын онытмагыз!

Ничек инде кыярсыз?!

Салат яса, болай да

Ашасагыз зур файда!

Сарымсак: Әй, сөйләшеп тормагыз.

Яле, миңа карагыз:

Мин бәләкәй булсам да,

Тормыйсыз тырнагыма.

Бик күп файда китерәм:

Микробларны үтерәм!

Бәрәңге : Сез юкка талашасыз,

Яшәп карагыз минсез!

Бәрәңге ул – иң кирәк,

Мин бит -  “икенче икмәк”!

Карачкы: Я, булды, тавышыгыз

Башыма каба!

Йөри белсәм, качар идем

Күрше бакчага.

Мактанчык яшелчәләр

Тынгы бирмиләр.

Кычкырып сөйләшәләр,

Һич оялмыйлар!

Бер бакчада яшисез,

Тату булыгыз.

Ә сез түтәлгә сыймыйсыз!

Килешләрегез!

Ничек кенә боларны

Дуслаштырырга?...

Ә, белдем! Балалардан

Ярдәм сорарга!

Әй, балалар, сез кайда?

Килегез тизрәк монда!

Балалар Карачкыны әйләндереп алалар.

Балалар: Без монда, без монда

                 Үзебезнең бакчада!

Карачкы:  Тату яшисезме анда?

Балалар: Бик тату!

Карачкы:  Дусларыгыз күпме?

Балалар: Бик күп!

Карачкы: Мактанчыклар бармы?

Балалар: Юк!

Карачкы:  Ах, нинди матур бакча!

                 Мин дә яшәр идем анда.

Алып баручы: Безнең төркем балалары

                         Бик дус яшиләр.

                         Кулга-кул тотынышып

                         Матур итеп җырлыйлар!

Җыр “Уң ягымда дустым бар”.

Бәрәңге: Минем дә сезнең бакчада

               Яшисем килә.

Кыяр: Минем дә матур җырлар

Җырлыйсым килә!

Алып баручы: Әйдәгез, бәрәңге, кыяр

                         Безнең бакчага.

                         Балалар өйрәтерләр сезне

                         Тату яшәргә.

Кәбестә: Эй, җырлаган булалар,

                 Ә бе-е-ез

                 Оста итеп биибез!

Кәбестә белән Кабак бииләр, аларга башка балалар кушылалар.

Кабак: Сезнең белән бию күңелле икән.

            Дусларың күп булганда

             Бик яхшы икән!

А.Б. Әлбәттә, яхшы. Әйдәгез сез дә безнең бакчага.

Суган: Сарымсак белән Суган

            Бик тә уңган, бик булган.

            Бик тиз йөгерәбез,

            Гел беренче булабыз!

А.Б. Безнең балалар белән ярышып карагыз.

Уен: Суган, Сарымсак һәм ике бала кәрзиннәргә яшелчәләр җыялар. Кем күбрәк?

А.Б. Күрдегезме, безнең балалар нинди җитез. Киләсезме безнең бакчага?

Сарымсак белән Суган: Әйе!

Кишер: Мин уйнарга яратам.

А.Б. Кишер, бергәләп уйнаганда бигрәк күңелле була. Әйдә, безгә кушыл!

 Карачкы белән уен: балалар түгәрәк буенча баралар, музыка үзгәргәч, Карачкының аяклары арасыннан чыгалар.