И туган тел, и матур тел...
материал (подготовительная группа)
Предварительный просмотр:
Татарстан Республикасы Түбән Кама муниципаль районы башкарма комитеты мәктәпкәчә мәгариф идарәсе муниципаль бюджет учреждениесе
“Гомумүстерелешле 68нче балалар бакчасы”
И туган тел, и матур тел...
Әдәби-музыкаль күңел ачу кичәсе
(мәктәпкә әзерлек төркеме балалары өчен)
Әзерләде: Шигапова З.Ф.
Максат: балаларның туган ягына, теленә, якыннарына карата уңай хисләр тәрбияләү; күңел ачу кичәләренә карата балаларның кызыксынуларын уяту; эмоциональлекләрен үстерү; бәйрәмнәрдә шәхси чыгыш ясау теләкләрен арттыру; балаларның артистлык сәләтен үстерү; программа җырларын, биюләрен, уеннарын, шигырьләрен ныгыту.
Методик алымнар: уен, күрсәтмә, сүзле, практик.
Алдан эшләнелгән эш: әңгәмә үткәрү; сурәтләр карау; шәхси номерлар әзерләү; шигырьләр, биюләр, җырлар өйрәнү; репитиция үткәрү.
Җиһазлар: залны бәйрәмчә бизәү, аудиоязмалар, фонограммалар, баян, ноутбук, синтезатор, Г.Тукай портреты, иллюстрацияләр.
Файдаланылган әдәбият: К.В.Закирова “Иң матур сүз”, “Күңел ачыйк бергәләп”, Р.Р.Газизов “Балалар бакчасы”, “Мәгариф” журналлары, Насыйри Каюм. Сайланма әсәрләр. 4 томда, 3 том.
Берәү башка телне өйрәнмәкче
булса, башта үз телен белсен.
Каюм Насыйри
Сәхнә бәйрәмчә бизәлгән. Түрдә Габдулла Тукай портреты. Ул чәчәкләр һәм гөлләр белән бизәлә. Каршы як стенада “Китап – белем чишмәсе” китаплар күргәзмәсе. Проектор, интерактив такта куелган. Салмак кына бер көй яңгырый. Сәхнә уртасына алып баручы чыга.
Алып баручы: Исәнмесез, кадерле балалар, хөрмәтле кунаклар! Бүген без сезнең белән Габдулла Тукай иҗатына багышланган “Туган телем – иркә гөлем” дип аталган бәйрәм иртәсенә җыелдык. Үзебезнең ана теленә булган мәхәббәтебезне, олы ихтирам хисләребезне җырлар-биюләр, шигырьләр, уеннар аша белдерербез. Ә хәзер бәйрәмне башлап җибәрик.
Бала: Габдулла Тукай “Бәйрәм бүген” шигыре.
Бар күңеллелек бөтен дөньяда, бар бер ямь бүген.
Нәрсәдән бу? Мин беләм: бәйрәм бүген, бәйрәм бүген!
Бар мөкатдәс хис белән һәрбер кеше хәйран бүген;
Уйный сазым да минем бәйрәм көен: бәйрәм бүген!
Яр башыннан тыңладым мин бер суның дулкыннарын:
Сөйләшәләр үзара: “Бәйрәм бүген, бәйрәм бүген!”
Тыңладым әкрен генә искәндә бәйрәм көн җилен:
Анысы да сөйли тагын: “Бәйрәм бүген, бәйрәм бүген!”
Алып баручы: Рәхмәт, туган телдә бик матур сөйләшәсең.
Җыр булырлык сүзләр биргән
Матур телем – туган телем!
Рәхмәт сиңа, туган телем,
Киңдер сиңа күңелем түре!
Төркем балалары башкаруында “Тукай абый” җыры яңгырый.
Алып баручы: Әйе, сөекле Тукаебызны беркайчан да истән чыгармыйбыз. Аны яратабыз, зурлыйбыз. Шигырьләрен, әкиятләрен укып яшәргә өйрәнәбез.
Бала: Габдулла Тукай “Бишек җыруы” шигыре.
Алып баручы: Туган тел һәр кешегә газиз. Без кайда гына яшәсәк тә, туган телебез белән горурланабыз. Үз халкыңның улы-кызы булу өчен аның гореф-гадәтләрен, җыр-моңнарын, әкиятләрен ана сөте белән сеңдереп үсү кирәк.
Төркем балалары башкаруында
“Зәңгәр чәчәк” җырлы-биюле уены яңгырый.
Алып баручы: Арттырмый да, киметми дә, шуны бел –
Татар теле – энҗе, мәрҗән тулы тел.
Моңлы тел ул, нурлы тел ул – Туган тел –
Баш очында кояш булып тора гел.
Бала: Габдулла Тукай “Ялкау маэмай” шигыре.
Алып баручы: Ал да булаек әле,
Гөл дә булаек әле.
Без җырламый, кем җырласын,
Без дә җырлаек әле.
Ике бала: “Әйт әле, күбәләк” җыры башкарыла.
Алып баручы: Иң җылы хисләр, иң матур сүзләр шушы татар җыры аша күңелебезгә тизрәк үтеп керә.
Бала: Г.Тукай “Ласточка” шигыре.
Алып баручы: Ә сез, балалар Г.Тукайның нинди әсәрләрен беләсез?
Төркем балалары башкаруында “Шүрәле” җыры яңгырый.
Алып баручы: Зирәклегегезне тикшереп карыйк әле.
Төркем балалары табышмаклары: Г.Тукай “Ел фасыллары” шигыре.
Алып баручы: Җыр – биюсез бер бәйрәм дә
Узмый, шуны белегез.
Балаларыбыз да бик булган,
Җырлы уен карап китегез.
Төркем балалары башкаруында “Куш кулым” җырлы-биюле уен яңгырый.
Алып баручы: Туган җирем – Идел буе,
Һәр телнең бар туган иле.
Туган җирем кебек назлы,
Җырдай моңлы татар теле.
И телем синдә нәфислек
Чишмәсе кибәрмени?
Гасырлар сиңа тимәде,
Дәверләр тиярмени.
Бала: Г.Тукай “Җир йокысы” шигыре.
Алып баручы: Әй, кояшкай, зәп-зәңгәр күк,
Безгә карап, көләсеңме?
Сайрар кошлар, саф чишмәләр,
Безнең биюне күрәсезме?
Төркем балары башкаруында “Сөлге” биюе.
Алып баручы: Нинди таныш моңлы көй бу?
Тукай җыры “Туган тел”.
Истән бер дә чыкмый торган
Халык көе “Туган тел”.
Катнашкан балаларның, кунакларның барысы да басып “И туган тел” җырын башкаралар, бәйрәм шуның белән төгәлләнә.
По теме: методические разработки, презентации и конспекты
"Дөньяда иң-иң матур тел, ул минем туган телем"
Халкыбызның борынгы гореф гадәтләре, йолалары, уеннары, әкиятләре аша нәниләр күңелендә туган телгә карата ярату, мәхәббәт уяту. Халык әкиятләре аша балаларны кечкенәдән инсафлы, тәрбияле,кешелекле, ә...
«Дөньяда иң –иң матур тел, ул минем туган телем» воспитатель татарского языка Сагдеева Х.З, муз. руководитель Мавлетшина Л.Р.
Максат һәм бурычларГади диалогта катнаша белү, татарча дөрес итеп сөйләшә алу мөмкинлекләрен камилләштерү. Ана телен ярату, ихтирам иту тойгылары тәрбияләү. Туган жир, туган ил, туган телне ярату, өйр...
И туган тел, и матур тел....
Туган тел! Һәркем өчен газиз сүз бу. Чөнки тел – тормыш чыганагы, белем чишмәсе....
Круглый стол с родителями на тему: “ И туган тел, и матур тел...”
Бүгенге коннәрдә татар халкы өчен иң зур проблема телебезнең югала бару. Бигрәк тә безнең Яшел Үзән шәһәрендә зур проблема булып тора....
