сценарий "каз омэсе"
материал (средняя группа)

МБДОУ – Теләче 1№ балалар бакчасы

Теләче муниципаль районы

Тема: “Каз өмәсе” милли чара сценарие

Дәүләтшина Раилә Наил кызы

Теләче районы, Теләче авылы

Теләче, 2021

“Каз өмәсе”

Зал матур итеп татарча бизәлгән. Зал буш – 2 бала керә. Балалар милли киемдә.

1 бала: Килеп җитте каз өмәсе                                                                                                                                                                  Күңелле  бәйрәм.                                                                                                                                                                            Һәр өйдә шатлык һәм бәхет -                                                                                                                                                    Мин йөзләрдән күрәм.                                                                                                                                                                                     Яшьләр бии тыпырдап,                                                                                                                                                     Сыгыла идәннәр.                                                                                                                                                                                                       Бу бәйрәмдә табыла ярлар,                                                                                                                                                                   Табыла сөйгәннәр.

2 бала: Кайсы гына урамыңда                                                                                                                                                                                Югалды гармун көе                                                                                                                                                                                                                                            Җырлары белән дан тоткан                                                                                                                                                                                                                                   Сөекле Теләче җире.                                                                                                                                                                                                                   Әллә бердә җырламасмы?                                                                                                                                                                                    Тальян гармун көйләре,                                                                                                                                               Күңелдә генә калырмы,                                                                                                                                                                                                                                       Күңелле каз өмәләре? (утыралар)

Залга әби белән бабай керәләр.

Әби: Атасы, әллә казларны эшкәртеп алабызмы?

Бабай: Үзеңә генә авырга туры килер бит, карчык?

Әби: Мин кызларга хәбәр җибәргән идем. Әнә килеп тә җиттеләр инде ахрысы. (Кызлар керә, бабай чыгып китә)

Кыз: Әби, син безгә хәбәр җибәргән идең, без килеп җиттек.

Әби: И, рәхмәт яугырлары, әйдәгез түрдән үтегез.  (Кызлар утыралар, бабай казлар алып керә, кызларга өләшә. Кызлар җырлый – җырлый каз йолкыйлар)

Җыр: “Ай былбылым” (эш беткәч биеп алалар).

Бию: “Каз канаты”

Әби: И, балакайларым, рәхмәт сезгә. Сез бик уңганнар, булганнар икәнсез. Бәхетле, тәүфыйклы булып үсегез.

Бабай: Бигрәк чиста – пөхтә эшләгәнсез, кызлар. (Китәләр)

(Егетләр җырлап килеп, ишек шакыйлар):

Кызлар: Егетләр килде, - дип шаулаша башлыйлар.

Егетләр: Кызлар, безне кертегез әле?

Кызлар: Кертәбезме, кызлар? Кертәбез. (Керәләр, кара – каршы басып җырлыйлар)

Җыр: “Алын алырсыз микән?”.

Егетләр: Челтәр элдем читәнгә,                                                                                                                                                                                                                                 Җилфер – җилфер итәргә.                                                                                                                                                                     Без килмәдек буш китәргә,                                                                                                                                                                                                               Килдек алып китәргә.                                                                                                                                                                                                                                                                                                          

Кызлар: Алын алырсыз микән,                                                                                                                                                                                                                                                                                         Гөлен алырсыз микән?                                                                                                                                                                                   Урталарга чыгып сайлап,                                                                                                                                                                                                                                                  Кемне алырсыз микән?                                                                                                                                                                                                                                                                                                                                                                                                                                        

Егетләр: Алларын да алырбыз,                                                                                                                                                                                      Гөлләрен дә алырбыз.                                                                                                                                                                                                                              Күңелебезгә кем ошаса,                                                                                                                                                                                    Шуны сайлап алырбыз.

Бию: “Парлы бию” (Парлашып бииләр)

Кызлыр: Егетләр,әйдәгез, “Кулъяулык” уенын уйныйбыз)

Уен: “Кулъяулык”. (Түгәрәккә басып, көй уйнаганда бер – берсенә биеп кулъяулыкны бирәләр, көй туктаганда кулъяулык кемдә кала, шуңа җәза бирелә)

1. Шигырь: Атлар чаба урамнан                                                                                                                                                                                                Чабулый чаналары.                                                                                                                                                                                                                        Җилдерәләрме белеп,                                                                                                                                                                                                                       Белмичә чабалармы.                                                                                                                                                                Каз өмәсе ич бездә,                                                                                                                                                                                         Карда каз түшкәләре.                                                                                                                                                                                                                                                                               Саклаган бәбкәләрем,                                                                                                                                                                                            Исемә төшкәләрме.

2. Җыр: “Бөрлегәнем”

3. Бию: “Питрәч каласы” көенә такмак әйтеп торалар:                                                                                                                                                                                                                              1.Биесәнә, биесәнә,                                                2.Биесәнә, биесәнә,                                                                                                                               Биюләрең күңелле.                                                    Биюләрең килешә.                                                                                                                                                                                                     Син күңелле биегәнгә,                                               Синең кебек зифа, матур,                                                                                                                           Такмак әйтәм түгелме.                                              Теләгенә ирешә.

Балалар утыралар, шигырьләр сөйлиләр.

1. Инештә казлар көтүе,                                                                                                                                                                                                                                Аңла иде телләрен.                                                                                                                                                                                                                                                                                                                             Бәлки моңаллар булыр,                                                                                                                                                                                                                 Санап калган көннәрен.

2. Эйтәләр күк, җанкайларым;                                                                                                                                                                                                                                         “Очыйк”, - дип чит җирләргә.                                                                                                                                                                                     Очар кошларга ияреп,                                                                                                                                                                                                                                     Яз кайтырбыз илләргә.

3. Әнкәләре әйтә сыман:                                                                                                                                                                                                                                                                                                                                “Без йорт кошлары олан,                                                                                                                                                                                                 Гомерләр кыска булсада,                                                                                                                                                                      Илдән аерма, балам”.

4. Инештә казлар көтүе,                                                                                                                                                                                Телләрен аңлар булам.                                                                                                                                                                                                         Уйга чумган казларымны,                                                                                                                                                                    Мин өйгә куам.

5. Җиргә иңәме җырлар,                                                                                                                                                                                                            Һаваларга ашамы?                                                                                                                                                                                                              Тальян тавышларына,                                                                                                                                                                                                             Казлар каңгылдашамы?

Җыр: “Каз өмәсе”.

Шигырь: Үзе нәни бәбкә күк,                                                                                                                                                  Әвеш – тәвеш атлый.                                                                                                                                                                                                                       Кулына чыбык тотып,                                                                                                                                                                       Энем бәбкә саклый.                                                                                                                                                                                Безнең бәбкәләр янына -                                                                                                                                                                                                                                                                                               Чит бәбкәләр килсә,                                                                                                                                                                                                                                                                                                                                                               Уңга – сулга чыбыгын селтәп                                                                                                                                                                                                                                                                    Куркыткандай итә.                                                                                                                                                                                                                     Файдага ярый бит хәзер!                                                                                                                                                                                                                                                           Йоклап кына ятмый.                                                                                                                                                                                                                                                                                                                          Бәбкәне энем, энемне -                                                                                                                                                                                                                       Дәү әнисе саклый.          

Тәрбияче: Балалар сез казлар турында нинди табышмаклар беләсезме икән? Тыңлагыз әле.                                                                                                                 – Суда коенып алды, өсте коры калды. (каз)                                                                                                                                                                                                                                         - Кечкенә генә җиңгәчәй, аксый – аксый суга бара. (үрдәк)                                                                                                                                                                                                                                         - Суда йөзә, күктә оча, җирдә йөри, ит белән сыйлый. (каз)

Тәрбияче: Дөрес, балалар, ә нинди мәкальләр беләсез?                                                                                                                                                                     - Ялгыз казнын тавышы чыкмый.                                                                                                                                                                      – Эш беткәч, уйнарга ярый.                                                                                                                                                                                                                                                                                                         – Тирләп эшләсәң, тәмләп ашарсың.

_  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  

Җыр – уен: “Канат сату”, “Каз канаты”. (Балалар кара – каршы басалар, кызларда канат)

Кыз: Бәбкә, син бик матур,                                                                                                                                                                                                                   Тотып карыйсым килә.                                                                                                                                                                                                                                                                                                Сары йомшак йоныңны,                                                                                                                                                                                        Сулап тарыйсым килә.

Бәбкә: Пип – пип. Минем өстем бик чиста,                                                                                                                                                                                                                 Мин пөхтәлекне яратам.                                                                                                                                                                                                               Җил тузгытса тунымны,                                                                                                                                                                                                                        Дулкыннарда таратам.

Кыз: Аякларыңа юк мени,                                                                                                                                                                                  Бармакларың шәп – шәрә.                                                                                                                           Тәпиләрең кып – кызыл,                                                                                                                                                                                              Тырнакларың кап – кара.

Бәбкә: Ботинкаларың матур,                                                                                                                                                                                                                                    Миңа бирер идеңме?                                                                                                                                                                                             Тәпиләрем туңганда,                                                                                                                                                                                                    Киеп йөрер идем мин.

Кыз: Ботинкаларым яңа,                                                                                                                                                                                                                                                                     Кисәң сиңа бирәмен.                                                                                                                                                                                                                                         Аякларым өшесә,                                                                                                                                                                                                                                                                                                                           Киез итек киярмен.

Бәбкә: Карлар эреп, су китсә,                                                                                                                                                                                                                                           Белмим нәрсә киярсең?                                                                                                                                                                                                 Чебиләсә аягың,                                                                                                                                                                                                                                                 Белмим ничек чыдарсың?

Шигырь: Алтын сары яфракларны                                                                                                                                                                                                Җилләр саный,                                                                                                                                                                                                                                               Иртә – кичен суык бабай                                                                                                                                                                                                                          Бармагын яный.

Әнә инде юлга чыккан                                                                                                                                                                               Торналар да.                                                                                                                                                                                                    Бер үк сүзне кабатлыйлар                                                                                                                                                                                                                                         Гүя, бар да.

Суык бабай арттан җитеп,                                                                                                                                                                                                                                                    Харап булмыйк!                                                                                                                                                                                                                                                                                                                                                              Оча торыйк, бара торыйк,                                                                                                                                                                                                                                                            Тор – рыйк, тор – рыйк!

Күрәмсез, дусларым, көз килде тышта,                                                                                                           Озак тормас, килер ак тунлы кышта.                                                                                                                                                                                                                                                  Китә башлады инде бездән кошлар,                                                                                                                                                                                                                                                                      Алар бездән ерак җирләрдә кышлар.

_  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  

Кар төшсә җиргә иренеп,                                                                                                                                                                                                                                                                                                                                                                                                                                                                 Теләр – теләмәс кенә.                                                                                                                                                                                                                                                                                                                                                                     Җил йөри кураеп өреп,                                                                                                                                                                                                                                   Көйләр – көйләмәс кенә.

Болытлар иске толыптай,                                                                                                                                                                                Асылынган, салынган.                                                                                                                                                                                                                                                                                             Күк бүген алама тунын,                                                                                                                                                                                                                                                                                                                                  Катлый – катлый ябынган.

Бер карала, бер агара,                                                                                                                                                                                                                                                       Юллар тора алмашып.                                                                                                                                                                                                                      Кыш килә җирнең өстеннән,                                                                                                                                                                                         Курыкмый дөп – дөп басып.

_  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  _  

Әби: без яшь чакта, балалар, бишле уенын уйный идек. Әйдәгез әле, бишле уйнап күрсәтегез.

Бию: “Бишле бию” уены.

Бабай: Әбиегез әле сезнең яхшы биюче дә. Яле, карчык, биеп күрсәт әле, карт сәякләрең азрак язылып китәр.

Әби белән бабай бииләр. Балалар кул чабып торалар.

Бала: Кояш йөри сүрелеп кенә,                                                                                                                                                                                                                                        Болытка төренеп кенә.                                                                                                                                                                                                                                                                                                                            Кыяр – кыймас әйләнгәләп,                                                                                                                                                                                                                                                                                                        Кар ява иренеп кенә.                                                                                                                                                                                                                                                                                                                                                                                                                                                                                                                                                                                        Бу әле кышның малае,                                                                                                                                                              Бу беренче кар әле.                                                                                                                                                                                      Ак сакаллы, җил – буранлы,                                                                                                                                                                                                      Кыш бабае бар әле.

Җыр: “Туган тел”.

Тәрбияче: Тәмамлый.

Тәмам.