Халык ашлары аша балаларга аш-су эшләренең әһәмиятен өйрәтү, аларда гамәли күнекмәләр булдыру
классный час (старшая группа)

Хәерле көн, хөрмәтле татар теле тәрбиячеләре. Минем бүгенге чыгышымның темасы- “Халык ашлары аша балаларга аш-су эшләренең әһәмиятен өйрәтү, аларда гамәли күнекмәләр булдыру”.

Минем эшнең төп максаты: Балаларның үз милләтенең милли үзенчәлекләре белән таныштыру, үз халкының традицияләренә карата хөрмәт һәм мәхәббәт уяту.

Бурычлар: 1. Балаларны халкыбызның гореф-гадәтләре, рухи хәзинәсе, милли ашлары белән таныштыру;

2. Идел буе халыкларының асылын чагылдырган милли ашларына карата кызыксыну уяту. Башка халыкларның мәдәни традицияләренә хөрмәт тәрбияләү;

3. Татар халыкашларын тирәнтен өйрәнүгә кызыксыну уяту, хезмәткә һәм аш-су әзерләүгә ихтирамлы караш уяту;

4. Татар халык ашы- кыстыбый ясау тәртибе белән таныштыру, эшләү күнекмәләрен үстерү. (2 слайд)

Мин бүген сезнең игътибарга зурлар төркемендә үткәрелгән дәреснең бер өлешен күрсәтәм.

Балага милли тәрбия бирүнең башлангычы  гаиләдән килсә, балалар бакчасында милли тәрбия процессы  аеруча  катлаулы. Без тәрбия бирүдә халыкның милли традицияләренә нигезләнгәндә генә үзенең тәрбияви һәм белем бирү бурычларын уңышлы хәл итә алабыз. Тәрбия планының төп максаты – тормышка һәр яктан әзерлекле, камил, үз милләтенең, халкының киләчәген кайгыртучы шәхес тәрбияләү( 3 слайд). Балаларда милли мәдәният турында бербөтен күзаллау булдыру – туган телеңне белү һәм шул телдә аралашу; халык авыз иҗатын: әкиятләр, мәкаль-әйтемнәр, табышмаклар, бишек җырларын белү; шигырьләр, җырлар өйрәнү; туган як табигатен, милли халык уеннарын, аш-суларын белү дигән сүз. Балалар бакчасыннан ук, балаларда үз милләтенә карата хөрмәт уята алсак, киләчәктә ул балада башка милләт халкына, аларның мәдәниятенә уңай мөнәсәбәттә булган толерант шәхес тәрбияләп булачак. ( 4 слайд)

Шул исәптән, мин үткәргән шогелемдә төп бурычым итеп- балаларда милли гореф-гадәтләр белән генә таныштырып үтү түгел, ә милли гамәли эш үрнәгендә тәкъдим итү, төрле формаларын күрсәтү. Безнең шөгелебезнең төп бурычы да- балаларны халык ашлары белән таныштыру иде, һәм шул исәптән татар халкының милли ашы- кыстыбыйны үз күзләре белән күреп, үз куллары белән ясап, инде әзер продуктны тәмләп карау иде. (5 сл)

Эш процессында без булган белемнәрнәребезне сорау-җавап алымнарын кулланып , логик биремнәр үтәп – ныгыттык, һәм алда вак моторикага нигезләнеп проектик (гамәли ) эш алып бардык.

Алда әйтеп киттем инде, балалар үз кузләре белән күреп, үз куллары белән ясам, әзер продуктны тәмләп карадылар.  Һәм шушы вакытта гына аң-белем, ихтыяҗ, кызыксынлаучанлык арта, балаларның күбрәк исендә кала. Безнең максат- бу балалар милли аш- кыстыбый дип кенә түгел, ә балаларга үзләренең эш тәҗрибәсе аркылы белем, тәрбия бирү иде.

Хәзер без сезнең ихтибарыгызга әлеге шогелнең бер өлешен күрсәтеп китәбез.