Ада-иелерниң үлегери
статья на тему

                         Ада-иелерниң үлегери.

                                 Акша –эрге –чагырганың болгаш төлевир кылырының

                                 эң-не кол хөреңгизи.     (Ирма 17х.)

Миллионерни өстүрерде,чүден эгелээрил?

*Кажан магазин барып: список чок,артыкка бараан садып алдыңар?

*Хенертен бодуңарга аар өртектиг эт садып алгаш,”мен садып албайн ,кым садып алыр боор” азы” мен аңаа төлептиг мен” деп боданыр

*азы “акша чок”,”шупту чүвеге камналгалыг боор!”Кичээнгейлиг карактары-биле көрүп турар ажы-төлүңер! Бо-ла бүгүже кичээнгей салбайн ажы-төлүңерни канчаар акшаны чарыырын өөредип турар силер?

    Бодунуң кылып билбес чүвезинге өөредири болдунмас,ынчангаш ажы-төлүңерге боттарыңарның билииңерни болгаш кылып билир чүүлдериңерни дамчыдарда,олардан бичии-даа бол билиглиг болур ужурлуг силер.

*Уругну камналгага өөредирде,баштай бодунуң чарып турары болгаш өг-бүле бюджединиң төлевирлерин азы өрелерин төлээр ужурлуг.

*Урууңарга азы оглуңарга копилка белекке бээр бодап тур силер бе?

Баштай бодуңар банкыга счёт ажыткаш,ажылдап алган акшаңарның

каш кезиин элээн каш айлар тургузунда сугарын кызыдып көрүңерем.

Мындыг өөредиглиг чүүлдерни кылып тургаш,оон үлегерлеп өөретсе чугула.

Оглуңарны азы урууңарны акша пирамидазындан камгалап алыксап тур силер бе?

             Эгезинде багай эвес турган...Чок,оон дараазында “МММ”-че акшаны салгаш,куруг калыр- шын эвес харыы-дыр.

Шын харыы:пирамида дугайында хөйнү билип алыры.

Сайзырап турар ниитилел-уругну долгандыр турар кижилер,ол кезээде бар.А ол чүү чүвеге өөредирил?

Мындыг болур:уруг авазын өттүнүп,хөй-ле чараш хептер садып алгаш,авазы ышкаш,ачазын кончуур,”акша чемге безин чедишпес”  деп хыйланыр.

  База мындыг: ачазы дыштаныр хүн санында-ла эш-өөрү-биле барга хүнзээр.

Авазы чем садар акша дилээрге,ол “ чем садар акшаны эрткен неделяда берген мен,кайнаар чарыптың? “ деп хыйланырын оглу өөренип көрүп турар.

Оон  өскээр база болур: ачазы шаңнал акша алган, өг-бүле столга олурупкаш, кайнаар чарыырын шупту шиитпирлээр.

*Авазы садыг баарда, холодильникти ажыткаш,  садар чемнериниң списогун тургузуп алыр.

*Кежээниң-не ачазы компьютер баарынга олурупкаш, санаашкыннар кылып ,

каш акша артканын санаар.

Сайзырап турар ниитилелге чурттары –биле өзүп орар уругну угаанныы-биле чурттаарынга өөредир.

Тускай өөредири:

*Уруг-биле тускай финансовый оюннар ойнаар.

*Акша дугайында кинолар,мультфильмнер көөр,оларның дугайында сайгарып, чугаалажыр.

*Акша дугайында номнар номчуур.

*Акша –биле хамаарышкан айтырыгларны тода ,чедимчелиг харыылап бээр.

*Акша-биле башкарар тускай онаалгаларны бээр.

*Чоорту бодунуң киирип алган орулгаларынга база чарыгдалдарынга харыысалгалыг болур.(уланчылыг)

1-ги категорияның эге класс башкызы Ооржак Ульяна Эрес-ооловна