Сочинение "Минең тыуған төйәгем"
творческая работа учащихся (3 класс) по теме

                                                                                                        Ватан ул ҡыҙым,тыуған ил,

                                                                                                        Бына беҙ торған урын.

                                                                                                        Был ерҙә ғүмер кисергән

                                                                                                        Атай-бабайҙар борон.

                                                                                                                                          (Рәшит Ниғмәти)

Һәр кемдең,ҙурмы ул,бәләкәйме,тыуған өйө була.Ниндәй генә булһа ла,кешегә ул бик яҡын.Бөтә нәмә лә,ошо өйҙән башлана....

 Минең тыуған ерем,республикам-Башҡортостан.Ә тыуған илем-Бөйөк Рәсәй.Мин үҙем Учалы ҡалаһынан,исемем Динара.Тыуған төйәгемде ныҡ яратам! Ваҡытым булған һайын интернет селтәре аша әхирәттәрем менән аралашам,ғорурланып тыуған яғымда төшкән фотоларҙы ла ҡуям.

 Әлбиттә берәү ҙә бындай матурлыҡҡа битараф ҡалмай,ә Себерҙә йәшәгән Гүзәл апайым ахырҙа ҡунаҡҡа килергә баҙнат итте.

 Нимә һуң ул тыуған ер? Ул-бай,ысын күңелдән яратҡан ер; матур,йомарт,күп халыҡ йәшәгән ил.

Был һүҙҙәр- иң изге,ҡәҙерле һүҙҙәр.Минеңсә тыуған илен һөйгән,ихтирам иткән һәр кеше был  һүҙҙәрҙе белергә тейеш.

 Йыл һайын,ҡайһы бер класташтарым,ғаиләләре менән сит яҡта ял итә.Минең ул яҡтарҙа булғаным юҡ.Әммә бөтәһе лә 10-15 көн самаһы эсендә-мине,ҡалабыҙҙы һағынып ҡайталар.Тимәк,тыуған яғыбыҙ-бөтәһенә лә яҡын!

 Уҡытыусыбыҙ һөйләүенсә,Башҡортостаныбыҙҙы икенсе Швейцария менән сағыштыралар.Сөнки Швейцарияның тәбиғәте лә беҙҙең тәбиғәт кеүек бик матур икән!

 Ниңәлер беҙгә, ҡайҙалыр йөрөргә

 Әгәр тыуған яҡтарым- гөрләп сәскәгә күмелһә?

  Ысынлап та,Башҡортостан ифрат ҙур,бәрәкәтле ер.Тәбиғәт уға ниҙәр генә бүләк итмәгән!  Шифалы ҡымыҙын эсеп,кем генә төҙәлмәгән.Бөтә донъяға билдәле нескә билле бал ҡорттарының ҡайһы ғына халыҡтың табынын биҙәмәй.

 Уның иң ҙур ер аҫты байлығы булған нефтте ҡара алтынға тиңләйҙәр.Башҡортостан-игенле,күмерле,нефтле ил.

 Башҡортостан-ғәжәйеп төбәк.Бында асыҡ йөҙлө,тырыш кешеләр йәшәй.

  Мин бик шатмын шундай ерҙә йәшәүемә һәм бәхетлемен тыуған еремдә!