Бармаҡтарға гимнастика-пальчиковая гимнастика
методическая разработка

Бармаҡ уйындары

Солтанова Рузилә Хәмзә ҡыҙы

Баш бармаҡ.

Мин – баш бармаҡ,

Баш бармаҡ.

Һәр эште мин башлайым.

Өй эсен дә тиҙ генә

Йыйыштырып ташлайым.

      Һуҡ бармаҡ .

Мин – һуҡ бармаҡ,

Һуҡ башмаҡ.

Һуҡ, тигәндә   һуҡмайым.

Кескәйҙәрҙе илатҡанды

Һис кенә яратмайым.

   Урта бармаҡ.

Урта бармаҡ мин үҙем,

Һәр эштә лә мин түҙем:

Сүп утайым, һыу һибәм,

Керҙәрем, ана, кибә.

Сығанаҡ бармаҡ.

Сағанаҡ тип аталам,

Сығып китәм туғайға.

Сығып тугел, осоп китәм

Атланып буҙтурғайға.

Сәтәкәй бармаҡ.

Минең исемем- сәтәкәй,

Үҙем бигерәк бәләкәй.

Ҡаймаҡ ялап, һөт эсәм,

Ҡасан инде ҙур үҫәм?

Бармаҡтар менән уйындар

Уң  ҡулымда – биш бармаҡ,

Һул ҡулымда- биш бармаҡ.

Ике ҡулда- ун бармаҡ.

Бына минең ҙур тубым,

Бына бәләкәй тубым.

Туптарымды һанайым:

Бер, ике, өс, дүрт ...

***********

Бармактарым бик эшсән,

Бейергә, һикерергә

Ялҡауланмайҙар һис тә.

**********

Бик тыңлаусан ҡулдарым:

Юғарыға күтәрәм,

Түбәнгә лә төшөрәм,

Кәрәк икән- тиҙ генә

Ике яҡҡа айырам.

Ике ҡулдың бармаҡтарын

Бер-береһенә терәйем.

Араларынан үткәреп

Киҫештереп ҡарайым.

Бармаҡтарым арыһа-

Ҡулды һалам өҫтәлгә.

Йоҡлаһындар,

Шаулама!

Бесәй.

Урта, сығанаҡ бармаҡты

Баш бармаҡҡа терәнем.

Килеп сыҡты моронсоҡ-

Осло ғына йоморсоҡ.

Сәтәкәйҙе, һуҡ бармаҡты

Өҫкә табан күтәрҙем-

Килеп сыҡты ҡолаҡтар.

Үәт! Тылсымлы бармаҡтар!

Бармаҡтарҙа - хәрәкәт, хәрәкәттә - бәрәкәт.

Эт.

Ҡулымды һырты менән

Туп-тура итеп ҡуйҙым.

Бармаҡтарын бер-береһенә

Ныҡлы итеп терәнем.

Баш бармаҡты күтәрҙем.

Сәтәкәйҙе- бәләкәйҙе

Аҫҡа, өҫкә йөрөттөм.

Килеп сыҡты бит Аҡбай,

Йорт- ҡураны ул һаҡлай.

Ҡуян

Ҡулдарымды күтәреп

Бармаҡтарын турайтам.

Сәтәкәйҙе эскә бөгөп,

Сығанаҡты эскә бөгөп

Баш бармаҡ менән ҡыҫам.

Килеп сыҡты ҡуянҡай,

Исеме лә Шаянҡай.

Бер- ике һелкетәм-

Ҡуянҡайҙы бейетәм.

Төлкө

Ике ҡулым дуҫлашҡан-

Бер-береһенә терәлгән.

Сәтәкәйҙәр, һуҡ бармаҡтар

Эскә табан бөгөлгән.

Баш бармаҡтар- ҡолаҡтар

Һәр тауышты тыңлайҙар.

Бер- ике һелкетәм-

Бармаҡтарҙы уйнатам.

Сыйырсыҡ ояһы

Бармаҡтарҙы ауыш итеп

Бер- береһенә терәнем.

Баш бармаҡтарҙы бөгөп

Ҡош ояһы яһаным.

Ағастар

Һул ҡулымдың һыртына

Һалдым уңымдың усын.

Килеп сыҡты ағастар:

Имән, йүкә, ҡайындар.

Бармаҡтарым- ботактар,

Ботактарҙа- япраҡтар.

Наҙлы елдәр иҫһендәр,

Күкрәп үҫһен урмандар.