разработка урока "Состерни кожурери"
методическая разработка

Тыва дыл кичээлинин план-конспектизи

Ай, хуну___________

Кичээлдин темазы: Состерни кожурери.

Кичээлдин хевири: катаптаашкын кичээли

Сорулгазы:

1.Өөреникчилернин состерни слогтарга чарып билирин, состерни кожуреринге алган билиглерин катаптап, быжыглаар;

2.Өөреникчилерниң словарьлыг курлавырын байыдар база аас чугаазын, кичээнгейин, чүвени сактып алырын сайзырадыр;

3.Өөреникчилерни  тыва дылынга, торээн чуртунга ынак болурунга, дириг амытаннарга ынак болуп, оларны камнап, кадагалап чоруурунга кижизидер.

Планнаттынган туңнелдер:

Эртемниң туңнелдери:

Уруглар состерни шын кожуруп, слогтаарын катаптап, быжыглап алыр; кичээлдиң темазын өөренип катаптап  тургаш бодунуң аас чугаазын сайзырадып алыр.

Ниити өөредилгениң туңнелдери:

Ажылдап кылдынган методика (арга)-биле өөреникчи кичээлдиң өөредиглиг сорулгазы-биле таныжып алыр;  эртемниң үндезинниг билиин шиңгээдип алыр ( состерни кожурери, слогтарга чарары);

Амы-хууда ѳѳреникчиниң түңнелдери:

Кичээлдиң дерилгези:

Өөредилге ному арын  55-56, аттыг чуруктар, презентация.

Кичээлдиң чорудуу:

Организастыг кезээ. (2мин)

Башкы:

Шупту дорт чараштыр туруптар. Аалчыларывыс, башкыларывыс-биле мендилежип аалынар уруглар.   Шулук «Экии дээр мен»  

                                                               Эрткен, душкен улус чонга

                                                               «Экии» деп сос чылыг, чымчак

                                                               Эжим-оорум, башкыларым

                                                                Экии-ле бе! Экии! Экии!

- Оожум олуруптунар, уруглар.Богун силернин тыва дыл кичээлин мен эрттирер мен. Мени Чочагай Торлуковна  дээр. Мен  Ак-Чыраа ортумак школазынын эге класс башкызы-дыр мен. Силернин-биле бо кичээлде кады демниг ажылдаарывыска бузуреп, шупту кичээлге идепкейлиг эки ажылдаарынарны кузедим, уруглар.

 Даштын чылдын кайы уезил? Чуу деп айыл уруглар? Кандыг байырлал чоокшулап орарыл? Чуу чылы тонуп турар чувел уруглар? Ам чуу чылы унерил?  

  Катаптаашкын.

Ребустар-биле ажыл.

-Ребустарны тып корунерем, уруглар. (ребустар тыптырар)

Слогтарга чарып корунерем. Бо состернин аразында кожуруп болбас состер бар-дыр бе? Эр-хейлер!

Кичээлде кандыг темага катаптаашкын кылыр–дыр бис, кым билип каапты?

Богун бистиң кичээливисте аалдап келген башкылардан аңгыда уш хаванчыгаштар база келген. Чуу деп тоолдан-дыр уруглар.? Бо тоолду кым коргенил азы дыннааныл? Олар силерниң,кайы хире өөренип турарыңарны, кичээл үезинде кайы хире кичээнгейлииңерни сонуургап, хынаар сорулгалыг мергежилгелер белеткеп алгаш келген. Ооң мергежилгелерин кылырынга белен бис бе, уруглар?(уруглар  харыыны бээр)

1-ги даалга Ниф-Нифтин даалгазы

        Созуглелди номчунар.

      Хаван азырап турар бис. Хаванны акым хунде  ийи  азы уш  катап чемгерип турар. Ол тараа чиир. Оон-даа оске чуулдерни чем артынчыларын чиир. Хаван азырал амытан. Хаван чедиден он ийи  чедир оолдар  торуур. . Мен хаваннарымга ынак мен. Чемгереринге дузалажып турар мен. 

- Чунун дугайында созуглел-дир , уруглар?  Силернин аранарда бажынында хаван азырап турар ог-буле бар бе?

Хаваннын ажык-дузазын чугаалап корунерем.

Созуглел чуден тургустунарыл? Каш домак бар-дыр? Домак чулерден тургустунарыл? Бир дугаар домакты номчуур. Бирги домакта каш сос барыл? Бирги домакта 1 дугаар состу номчунар. Слогтап корунерем, каш слог бар-дыр? Каш ажык ун барыл Каш ажык эвес уннер бар-дыр? Слогту кандыг уннер тургузар-дыр уруглар?  

2-ги даалга: Наф-Нафтын даалгазы

Состерни кожуреринге кандыг дурумнер билир силер, сактып корээлинерем,тест-биле ажылдаптаалынар, уруглар.

Тест. Дурумде состерни тып уламчыла.

1. Состерни бир одуругдан оске одуругже _______  аайы-биле кожурер.

2. ______   _______  одуругга арттырып-даа, дараазында одуругже кожуруп-даа болбас.

3. Ажык уну чангыс слог бооп чоруур состерни  _______  _________.

4. Кожа турар узун ажык уннерни ______  ________ .

5.Кожуруп болбас состерни тывар.

Хар, чааптар, кыш, сонга, ажыл, сайлык, дун, харлыг.

- Эр-хейлер Наф-Нафтын даалгазын куусеттивис.

3-ку даалга: Нуф-Нуфтун даалгазы.

Состерде частырыгларны тывар: эм, эм-чи, эмч-илер, ту-дуг, туду-гжу, ужудук-чу, са-ан, са-анчы, чолаа-чы, сан-акчы, сан.

Ниф-Ниф, Нуф-Нуф,Наф-Нафтын даалгаларын дыка эки куусеттинер, эр-хейлер, ам бичии  дыштанып алыылынар.

Физминутка (сула шимчээшкин)     Балыктар дег эштиил

                                                              Пагалар дег шураал

                                                              Аът ышкаш маннаал

                                                              Ары ышкаш ужал

                                                              Бомбук ышкаш самнап

                                                              Боолденип ойнаал

Быжыглаашкын.  Ном-биле ажыл. А) Мергежилге 135 ар 55 бердинген кым ыыткыр номчуптарыл уруглар.

   Чуну канчаар-дыр бис? Самбырага бир оореникчи кылыр, артканнары кыдырааштарынга. Картартыр парлаан состерни слогтарга чарып аданар. Кожурер кылдыр кезектерге чарып бижиир.

Богунгу ай, хуну бижиир. Декабрьнын он дорду. Класска ажыл.

Б) Чурук-биле ажыл

-Чурукта чуну коруп тур силер?  (Азиянын тову деп тураскаал)

- Ол тураскаал кайда турар ийик уруглар? Корген силер бе?

Шын-дыр, эр-хейлер! Ол тураскаал Кызыл хоорайда Улуг-Хемнин эриинде турар. Азиянын тову Тыва деп коргузуп турар тураскаал-дыр. Ол тураскаалда чуу деп бижип каан ийик уруглар? Каш ангы дылда, кандыг дылдарда бижээнил?

Азиянын тову деп орус, тыва, англи дылда бижээн.Ам ынчангаш Тывавыска тураскаадып «Тывавысты хогжудерде» деп шулукту чугаалаптаалынарам, уруглар.

                                              Тывавысты хогжудерде,

                                              Дылывысты утпаалынар.

                                              Бижикке-даа, чугаага-даа

                                              Бир-даа чазыг кылбаалынар!

Карточка-биле ажыл (эжеш ажыл)

1-ги карточка: ажыл, помидор, уя,сааттыг.

2-ги карточка: класс, редиска, агаар, чааттыг.

Тывызык-биле ажыл. Тывызыкты номчааш, харыызын тывынар.карартыр парлаан состерни кожурер кылдыр чарынар.

   Хар чааптар, удуп каар.

Хаарыктап кыштаар.

Час келир, оттуп кээр.

Чаа хевээр унуп кээр.

Туңнел. Рефлексия

Кичээл солун болду бе?

- Чүнү билип алдыңар?

1.Кичээлге чаңгыс-даа айтырыгга торулбайн ажылдадым, эки билип алдым дээр улус ногаан тогерикти көдүрер.

2.Кичээлге арай оожум ажылдадым, келир кичээлде эки ажылдаар мен дээр улус кызыл тогерикти көдүрер.

Бажыңга онаалга.

Мергежилге 134 ар.54.

Бот анализ

Кичээлдин темазы: Состерни кожурери.

Кичээлдин хевири: катаптаашкын кичээли

Сорулгазы:

1.Өөреникчилернин состерни слогтарга чарып билирин, состерни кожуреринге алган билиглерин катаптап, быжыглаар;

2.Өөреникчилерниң словарьлыг курлавырын байыдар база аас чугаазын, кичээнгейин, чүвени сактып алырын сайзырадыр;

3.Өөреникчилерни  тыва дылынга, торээн чуртунга ынак болурунга, дириг амытаннарга ынак болуп, оларны камнап, кадагалап чоруурунга кижизидер.

Планнаттынган туңнелдер:

Эртемниң туңнелдери:

Уруглар состерни шын кожуруп, слогтаарын катаптап, быжыглап алыр; кичээлдиң темазын өөренип катаптап  тургаш бодунуң аас чугаазын сайзырадып алыр.

Ниити өөредилгениң туңнелдери:

Ажылдап кылдынган методика (арга)-биле өөреникчи кичээлдиң өөредиглиг сорулгазы-биле таныжып алыр;  эртемниң үндезинниг билиин шиңгээдип алыр ( состерни кожурери, слогтарга чарары);

Амы-хууда ѳѳреникчиниң түңнелдери:

 Бот-башкарныры, мөзү-бүдүш болгаш этикалыг уг-шигни тывары.

Дерилгеге ооредилге ному,чуруктар, презентация, карточкалар, тест,ребустар.