Турэлхи хэлэн. Темэ: Эрын гурбан наадан
план-конспект урока (2 класс)

Темэ: Эрын гурбан наадан

Зорилго: Эрын гурбан наадантай танилсуулха, эхин мэдэсэ үгэхэ. Ажабайдалай үйлэ- ябаса болон тэрэниие уран зохёол соо зураглан харуулһаниие ойлгуулха. Хүүгэдэй хэлэлгэ хүгжөөхэ. Һанажа абалга, познавательна мэдэсэ үргэдхэхэ. Уншалгын шанар нарижуулха.

Хэшээлэй ябаса

1. Эмхидхэлэй үе.
2. Хэшээлэй темэ болон зорилгонуудтай танилсалга.

Мүнөө хэшээлдээ буряад арадай дунда дэлгэрһэн эрын гурбан наадан тухай хөөрэлдэхэбди. Ц. Номтоевай «Бүхэ барилдаан», «Һур харбаан», «Мори урилдаан» гэһэн шүлэгүүдтэй танилсахабди.

3. Эрын гурбан наадан тухай хөөрэлдөөн.

Ц. Номтоевай «Бүхэ барилдаан тухай», «Һур харбаан тухай», «Мори урилдаан тухай» гэһэн статьянууд дээрэ үндэһэлэн, эрын гурбан наадан тухай хөөрэлдөө үнгэргэхэ. Багша эрын гурбан наадан урда сагһаа мүнөө болотор буряад зоной дунда үнгэргэдэг гэжэ хөөрэхэдөө, ажабайдалай үйлэ-ябаса тухай хөөрэхэ болоно.

4. Шэнэ темэ.

1. Бэеэ даанги уншалга.

Һурагшадые гурбан бүлэгтэ хубаагаад, «Бүхэ барилдаан», «Һур харбаан», «Мори урилдаан» гэһэн шүлэгүүдые уншаха.

2. Бүлэг бүхэнһөө нэгэ һурагша уншажа үгэнэ.

- Хэн шүлэг уран гоёор уншажа үгэхэб?

  3.  Шүлэгүүдэй удхаар юрэнхы хөөрэлдөөн.

Бүлэг бүхэндэ ами аминдань асуудал табиха.

- «Бүхэ барилдаан» гэжэ шүлэг соо «маряалсана», «дэгээжэ унагаана» гэһэн үгэнүүдые юун гэжэ ойлгонобта? (Һрагшад үйлөөр харуулжа үгэнэ.)

- Гурбан бадагуудай алиниинь ном соо үгтэһэн зурагта тааранаб? Тэрэ бадаг уншаад үгэгты.

- «Һур харбаан» гэжэ шүлэг соо «мэргэшүүл зэһэбэ», «можо эхилбэ», «баралаашад мэргэнээ магтана» гэһэн үгэнүүдые юун гэжэ ойлгонобта?

- «Мори урилдаан» гэжэ шүлэг соо «гүйгөөшэнүүд хангагдаа», «урилдаха газар һунгагдаа», «угтаха мужа ологдоо» гэһэн үгэнүүдые юун гэжэ ойлгонобта?

- Юундэ энэ наадануудые эрын гурбан наадан гэнэб?

5. Бэхижүүлгэ

1. Иллюстрациин анализ.

Зурагуудые анхаралтайгаар харагты, шүлэгэй ямар үгэнүүдтэ таараха байнаб, олоод уншагты.

2. Шүлэгүүдые һэлгээд уншуулха.

Мүнөө уран уншалгада бэлдэнгээ, шүлэгүүдые бүлэг бүлэгөөрөө һэлгээд уншая.

3. Урда гаргаад, уран уншалга үнгэргэхэ

6. Хэшээлэй дүн гаргалга.
7. Гэрэй даабари.