День родного языка
классный час (4 класс) на тему

Меркушева Валентина Валериановна, учитель начальных классов филиала МБОУ «Порошевская ООШ» «Пятигорская ООШ»

Посиделкаэз        

«Ай да ми коми-пермяккез!»

Слайд

 1вед. Бур лун, дона гőссез! Пым привет тiянлő, миян му вылiсь     олiссез! Корам  тiянőс асланым  вежалун вылő.

Слайд

2 вед. Кинлő гажтőм, кинлő шог,

            Миян вежалун вылő лок.

            И вашőтас шогсő дыв

            Коми гора сьыланкыв.

(Сьыланкыв «Пőлян»)  Босьта ме бöра пöлянöс

1вед. Мийő, коми-пермяккес, медвынаőсь, медгажаőсь,                 гостеприимнőйőсь, простőйőсь, скромнőйőсь.

2 вед. Дона ёрттэз, некőр эд вунőтő ассиныт дона коми кывсő, роднöй коми крайсő, берегитő сiйő, донтő и гордитчő асланыт отирőн, ны твореннёэзőн.

1 вед. Талун ми őксим эта залоő не весь. Бытшőмжыка őтамőдőс тőдамő, вермасьыштам сьылőмын, йőктőмын, знаннёэз тőдőмын. Судитны миянőс пондас строгőй да справедливőй жюри. А őнi, дона маммез и баббез, бытшőм челядёккез, делитчам кык команда вылő.

2 вед. Быд командаын лоасő ыджыт йőз и нылőн чадоэз.  Дона гőссез,  тi тожő од пондő весь пукавны. «Шогалő» асланыт команда понда и мыччалő асьнытő  уджын, кőдő ми  сетам тiянлő.

1 вед. А онi чулőтам конкурссэз.  И первőй конкурс то кытшőм: колő сетны ним аслат командалő. Эд вунőтчő, что ми коми-пермяккез.

          (Конкурс 1 «Командалőн ним»)

Слайд

2 вед. Чулőтам мőдiк конкурс, кőда шусьő «Менам любимőй удж». Висьтасям асланым хобби йылiсь, мый ми любитам керны медбура.

        (Чулöтчö  конкурс 2 «Менам люба удж»)

Слайд

1 вед. Коми кылыс őддьőн богат шусяннэзőн да нерсяннэзőн. Но-ко, орсыштам, őтлаын гőссезкőт сералыштам. Тiянлő колő гижны гижőт вылő нерсяннэсő да шусяннэсő, а сыбőрын видзőтам, кинлőн унажык и интереснőйжыкőсь.

          (Командаэз уджалőны)

2 вед. Пока мőддэс уджалőны, чулőтам кад гőссезкőт. Тőдő загадкаэз. (В. Климов небогись «Кытчő  тiйő мунатő?»)

1 вед.  Кад чулалiс. Пожалуйста, кывзам орсiссезőс.

      (Конкурс 3 «Нерсяннэз да шусяннэз», командаэз нерсьőны)

2 вед.  и 1 вед. Мый  тi, нывкаэз тőждiсят,

                           Вайте лучше сьыламő.

                           Мымда томнаным гуляйтам,

                           Сымда и адззыламő.

Слайд

2 вед. Кынымкő минута бőртi тiянлő ковсяс сьывны коми – пермяцкőй частушкаэз: кин унажык,  дружнőйжык, бытшőмжыка сьылас, сiя и  одзő петас.

1 вед. А тi, дона болельщиккез, весь эд пукалő,

            команданытлő отсалő.  

           (Чулőтам 4 конкурс «Частушка») (сьылöны)

Слайд

1 вед. А мымда коми – пермяккезлőн пословицаэз да поговоркаэз! Сьőлőм радмő! Дона, гőсиньőйез, тiйő тőдат нiйő? Вот őнi и тőдмалам тiянлiсь знаннёэсő.  Ми пондöтам, а ті кончитö (Командаэз отвечайтőны).  (Слайд)

 (Чулőтчő конкурс «Пословица и поговорка»)

1вед. Быдмő миян деревняыс,

           Вежő ассис чужőмбан.

 Отир дружнőя уджалő,

 Тыртő шудöн бур олан.

2 вед. Кин кужő шоччисьны,

          Дыржык оз пőрисьмы.

          Сiя оз тőд, мый сэтшőм шогőт.

1 вед. Боевőйőсь мийő быдмам,

           Уна песня тőдамő.

           Коми крайсő ми любитам,

          Каждőйőс сьылőтамő.

Слайд

2 вед. А őнi тiян понда, дона участниккез, мőдiк конкурс, кőда       шусьő «Сьылыштам комиőн». Сьőрсьőн – бőрсьőн пондам сьывны коми сьыланкыввез. Командаэз думайтыштő, мый тi пондат сьывны. (Вермат гижны гижőт вылő ассиныт песняэсő, медбы не вунőтны).

1 вед. Пондам сьывны мийő сьыланкыввез,

            Да гажőтчыны ёна.

            Огő пондő ми тőждiсьны,

            Кőть и овсьő всякöя.

         (Чулőтчő конкурс «Сьылыштам комиőн»)

1 вед. Ой, кытшőм чожőсь! Мымда сьыланкыв тi тőдат! Не весь сэк тi коми-пермяккез!

2 вед. Шудсö ачыс керő мортыс.

       Песнясянь чаналő яг.

       И радейтны кужő гортсő

       Кыдз и пыр коми-пермяк.

Слайд

1 вед. Учöт челядь веселитчő,

            Но-ко, Настя, кругő пет!

           Бőрйы, кин тэныт гленитчő,

           Сылő тэ киоктő сет.

2 вед. Őнi сыкőт сьыв да йőкты,

           Тра – та-та, тра- та-та!

          Мыдзан кőр, мőдiкőс тшőкты,

          Сiдз жő йőктыны бура.

1 вед.  А őнi видзőтам, кыдз тi кужат йőктыны.

      (Командаэз йőктőны, мунö конкурс «Ай да ме, коми – пермяк!», а эта коста жюри керő итоггез)

2 вед.- Сетам кыв жюрилő.

2 вед. Но вот и лőнис гажа шумыс,

          и кад тэрмőтő мунны гортő.

          И сысянь ми тэрмасям шуны:

         Ыджыт аттьő, дона ёрттэз!

1 вед. Аттьő, кин гажőтiс йőзсő!

           Адззисьлытőдз жő, бытшőм гőссез!

           Эшő мőдiгод сьылам – орсам,

           Вились гажőтам Кама дорсő!

(Быдőнныс сьылőны сьыланкыв «Паськыт гажа улица»)