Игра как метод экологического воспитания детей дошкольного возраста
методическая разработка (средняя группа) на тему

 Балалар бакчасында балаларга экологик тәрбия бирүдә төрле уеннар куллану.

Максат: Уен аша туган табигатьне яратырга, тирә- юньдәге матурлыкны күрә һәм саклый белергә өйрәтү; үсемлекләргә, җәнлекләргә, кошларга сакчыл караш тәрбияләү.

1. “ Ясап бетер!” Бала ясалып бетмәгән рәсемне ясап бетерергә тиеш. Мәсәлән,күбәләкнен мыекларын, агачның яфракларын, кошның канатларын, төлкенең койрыгын, чәчәкнең таҗларын, кояшның нурларын.
2. “Нинди кош ничек сайрый?” Балаларга кошлар сурәтләнгән рәсемнәр таратыла, кошлар тавышы тыңлана. Балалар  кош сайравына туры килгән рәсемне сайлап алырга тиешләр.
3. “ Серле янчык”. Янчыккка төрле яшелчә , җиләк-җимеш муляжлары салына. Балалар янчыкта нинди яшепчә, җиләк-җимеш ятканын куллары белән тоемлап белергә тиешләр.
4. “ Безнең шәһәрнең урамнары”. Үз шәһәребез урамнары сурәтләнгән ике рәсем тәкъдим ителә. Берсендә шәһәр урамнары чиста, икенчесендә тәртипсезлек.Ул рәсемнәр ике почмакка урнаштырыла. Балалар, нинди рәсем ошавына карап почмакларга юнәләләр. Ни сәбәпле бу яки теге рәсемне сайлауларын аңлаталар.
5. “ Үсемлекләрнең җимешләре”. Үсемлекләр, җимешләр сурәтләнгән рәсемнәр таратыла. Балалар һәр бирелгән үсемлеккә туры килгән җимешне дөрес ите сайлап алырга тиешләр.
6. “ Кар бөртекләрен, агач яфракларын очыру”.  Кар бөртекләре урына мамык, агач яфраклары урынына кәгазь яфраклар кулланыла. Балалар кулларындагы кар бөртекләрен, яфракларын, тәрбияченең кайсы ел фасылын әйтүенә карап очыралар.
7. “ Картинаны дөрес җый!” Табигать күренешләре, ел фасыллары сурәтләнгән берничә кисәккә бүленгән картиналар таратыла. Балалар кисәкләрдән дөрес итеп картина җыярга тиешләр.