"Патриотик тәрбия бирүдә уеннар"
план-конспект занятия (старшая группа) по теме

Алабуга муниципаль районы

“Салават күпере” 34нче балалар бакчасы мәктәпкәчә яшьтәге балаларга тәрбия-белем бирү муниципаль оешмасы

Патриотик тәрбия бирүдә уеннар

                                                                                                    Тәрбияче:

Шәрифуллина Ф.Х.

Патриотик тәрбия дигәндә, без балаларны милли үзаңга hәм гражданлык хисенә ия булган шәхесләр, Ватанның лаеклы уллары, кызлары итеп тәрбияләүне күз алдында тотабыз. Гражданлык хисенә ия булу җәмгыятьнең hәм дәүләтнең иҗтимагый әhәмиятле мәсьәләләренә югары әхлаклы мөнәсәбәтне белдерсә, “патриотлык” төшенчәсе киңрәк мәгънәне аңлата. Бу-Ватанга мәхәббәт хисе; аның тарихы, мәдәнияте, казанышлары белән кызыксыну; милли символларга, изге урыннарга хөрмәт белән карау; җәмгыятькә hәм халкыңа хезмәт итәргә әзер булу.

Балаларда туган телгә мәхәббәт тәрбияләү үз халкыңның мәдәниятен, гореф-гадәтләрен, иң күркәм йолаларын, җәмгыятьтә тирән эз калдырган шәхесләрне хөрмәт итәргә өйрәтүгә бәйле.

Ата-бабаларыбызның hөнәрләре, тарихы белән таныштыру балаларны шәхес буларак үстерү өчен зур әhәмияткә ия. Танып-белеп, өйрәнеп, бала үзенең ата-анасын, халкын, милләтен ихтирам итәргә өйрәнә, аның байлыгын, тарихын сакларга омтыла.

Кече яшьтән үк төрле түгәрәк, хәрәкәтле уеннар уйнау, әкиятләр уку, йола бәйрәмнәрен үткәрү, халык hөнәрчеләре белән таныштыру нәниләрнең эчке дөньясын өйрәнүдә төп чыганакларның берсе булып кала.

Бала үсә барып, аның аңында инде башка катлаулырак төшенчәләр иңә, мәсәлән, “дөнья”, “галәм”, “Туган тел”, “Туган ил”, “Туган йорт”, әти-әни h.б. Табигать белән бәйләнгән йола бәйрәмнәрендә катнашу, балаларны татар халкының зур рухи байлыгы булуы, аның акыл белән эш итэ белүе тагын бер кабат инандыра, бу аларда әхлак тәрбиясе бирүдә бер чара булып кала.

Балаларда кече яшьтән үк гражданлык hәм патриотик хисләр тәрбияләү өчен төрле алым чаралар кулланабыз. “Бу нәрсә?”, “Аера бел”, “Калфакны бизә”, “Читекне бизә”, “Рәсемне җый” кебек дидактик уеннар уйныйбыз.

“Читекче”, “Чүлмәк сатыш”, “Башмакчы”, “Яшерәм яулык”, “Түбәтәй”, “Миңлебай” кебек халык уеннарын балаалар бик теләп уйныйлар. Шушы уеннар аша сабыйларда кече яшьтән үк туган телгә, туган җиргә мәхәббәт тәрбиялибез.

Балаларның Армия, Ватанны саклаучылар, Бөек Ватан сугышы турында күзаллауларын киңәйтү максатында төрле хикәяләр, шигырьләр укыйбыз. Бу темага “Рәсемне җый”, “Флагны җый”, “Алабуга кунаклары”, “Син кайда яшисең?” кебек hәм башка бик күп төрле дидактик уеннар уйныйбыз.

Киләчәктә дә төрле яңа уеннар аша, җирле hәм милли төбәк өлешләрен кулланып, без балаларда милли аң hәм үзаң, чын граждан булу хисләре тәрбиялибез, нәниләрне татар халкының тарихы, традицияләре, мәдәнияте белән таныштырып, җәмгыятькә hәм үз халкыңа хезмәт итәрдәй кешеләр итеп тәрбияләрбез дип ышанып калабыз.