математика оештырылган эшчәнлеге: Геометрик фигуралар.4 кә кадәр санау.
план-конспект занятия по математике (средняя группа) на тему

Татарстан Республикасы Әтнә районы мәктәпкәчә белем бирү муниципаль бюджет учреждениесе “Олы Әтнә балалар бакчасы”

Танып белү( математика)

Тема: Геометрик фигуралар. 4 кә кадәр санау.

                                                                                             Тәрбияче: Тухфатуллина Роза  

                                                                                                                            Раифовна

2015 ел

Тема: Геометрик фигуралар. 4 кә кадәр санау.

Максат: 4 кә кадәр санау күнекмәләрен ныгыту; геометрик фигуралар турында күзаллауларын формалаштыру.

Тәрбия бурычы: Әкият аша әйләнә-тирә дөньяга сакчыл караш, мәхәббәт тәрбияләү.

Үстерү бурычы: Балаларның игътибарын, кабул итүләрен,хәтерен, кызыксыну теләген үстерү.

Белем бирү бурычы: Балаларның геометрик фигуралар (түгәрәк,квадрат,өчпочмак, турыпочмаклык, овал) турындагы белемнәрен киңәйтү; 4 кә кадәр санау сәләтләрен арттыру.

Төп белем бирү өлкәсе: “ Танып белү үсеше” белем бирү өлкәсе.

Методик алым һәм чаралар: Әкият сөйләү; дидактик уеннар; презентация; күрсәтмәлелек; сорауларга җавап.

Җиһазлау: Проектор, экран, ноутбук, геометрик фигуралар, таратма материаллар.

Алдан үткәрелгән эш: “ Теремкәй” әкияте, геометрик фигуралар белән танышу.

                                       Оештырылган эшчәнлек барышы:

Тәрбияче: Исәнмесез балалар, хәерле иртә! Сез әкиятләр яратасызмы?

Балалар: Әйе

Тәрбияче: Бүген без сезнең белән теремкәй әкиятендәге геройлар белән сәяхәт итәрбез.

Тәрбияче: Басуда Теремкәй урнашкан, ул  биек түгел, тәбәнәк. Басудан чабып барган тычкан –чыелдык теремкәйне күреп ала.(экранда тычкан рәсеме )                                                           Теремкәйгә юл бик ерак , ә тычкан-чыелдыкның теремкәйгә тизрәк барып җитәсе килә.Балалар тычканга булышабызмы? Моның өчен сезгә өстәлдәге киселгән рәсемнәрне дөрес итеп җыярга кирәк.Нәрсә килеп чыкты? (машина)

Тәрбияче: Булдырдыгыз, тычкан машинага утырып теремкәйгә килептә җитте,яши дә башлады.                                                                                                                                               Тәрбияче: Теремкәйдә ничә хайван яши башлады?

Балалар: Теремкәйдә бер хайван яши башлады.

Тәрбияче: Сазлыктан сикереп килүче бака-бакылдык та теремкәйне күреп ала, аның да анда яшисе килә.( экранда бака рәсеме)                                                                                                                         Бака сикереп барган чакта муенсасын югалткан , ул елый, әйдәгез аңа ярдәм итик. Карагыз әле, сезнең алдыгызда  геометрик фигуралар , алар ничек аталалар?

Балалар: Түгәрәк, өчпочмак, квадрат,турыпочмаклык, овал.

Тәрбияче: Геометрик фигуралардан без муенса тезәрбез.Сез игътибар белән тыңлап, мин әйткән фигураларны өстәлгә тезеп барыгыз ( тәрбияче әйткән фигураларны балалар тезеп бара: түгәрәк, квадрат, өчпочмак, турыпочмаклык, овал)

Тәрбиче: Кызыл түгәрәкне ничәнче итеп куйдыгыз?

Балалар: Беренче итеп.

Тәрбияче: Сары өчпочмакны ничәнче куйдыгыз?

Балалар: Өченче.

Тәрбияче: Зәңгәр квадрат ничәнче булды?

Балалар: Икенче булды.

Тәрбияче: Булдырдыгыз балалар!Бик матур муенсалар килеп чыкты. Бака-бакылдык сөенеп теремкәйгә йөгерә, тычкан белән бергә яши башлый.

Тәрбияче: Теремкәйдә ничә хайван булды?

Балалар: Теремкәйдә ике хайван булды.

Тәрбияче: Басу буйлап куян-куркак  йөгереп барганда, юл кырында чыршылар үсеп утырганын күрә.

Балалар сезнең өстәлләрдә чыршылар бар, аларны сулдан уңга бер рәткә тезегез.

Тәрбияче: Ничә чыршы тездегез?

Балалар : Дүрт чыршы тездек.

Чыршылар янында сикереп йөри торгач куян бер чыршы астында гөмбә күрде,икенче, аннан өченче чыршы астында.  Сез дә чыршыларыгыз  астына гөмбәләрне тезегез.

Тәрбияче: Гөмбәләр ничәү?

Балалар: Өч гөмбә.

Тәрбияче: Ничә чыршы?

Балалар: Дүрт чыршы

Тәрбияче:Чыршы белән гөмбәнең саннары бертигез булсын өчен нишләргә кирәк?

Балалар: Бер чыршыны алырга, яки бер гөмбә өстәргә кирәк.

Тәрбияче: Булдырдыгыз! Балалар, куян уйнарга бик ярата, әйдәгез аның белән уйнап алыйк.

Физминутка “Куянкай”                                                                                                                                        Ап-ак куян утырган,                                                                                                                                    Колакларын селкетә.                                                                                                                                       Менә шулай, менә шулай                                                                                                                                 Колакларын селкетә.                                                                                                                                             Куян туңа башлагач,                                                                                                                                 Тәпиләрен җылыта.                                                                                                                                               Менә шулай, менә шулай                                                                                                                               Тәпиләрен җылыта.                                                                                                                                              Куян тагы да туңа,                                                                                                                                 Сикергәләп тә куя.                                                                                                                                           Менә шулай, менә шулай                                                                                                                       Сикергәләп тә куя.                                                                                                                                     Куянны кем куркытты,                                                                                                                                     Куян сикереп качты.                                                                                                                                         Менә шулай, менә шулай                                                                                                                               Куян сикереп качты.

Тәрбияче: Шулай итеп куян да теремкәйдә яши башлый.

Тәрбияче: Теремкәйдә ничә хайван булды?

Балалар:Теремкәйдә өч хайван булды?

Тәрбияче:Тавышланмагыз, кемдер килә. Төлке-хәйләбай  икән, аның да теремкәйдә яшисе, аны  флаглар белән бизисе килә.(Экранда  флаглар рәсеме, балалар нинди флаглар куелганын,төсләрен истә калдыралар)

Тәрбияче: Балалар, күзләрегезне йомыгыз әле,( шул арада бер флаг алына) ачыгыз күзләрегезне. Нинди флаг җитми?(уен берничә мәртәбә кабатлана) Төлке-хәйләбай да теремкәйдә яши башлый.

Тәрбияче: Хәзер теремкәйдә ничә хайван яши?

Балалар: Теремкәйдә дүрт хайван яши.

Тәрбияче: Шулчак урманнан аю-камыт аяк  килә, теремкәйне күрә дә  “Мине дә теремкәйгә кертегез,” -дип кычкырып җибәрә. Хайваннар курка. Ничек уйлыйсыз балалар, аю теремкәйгә керә алырмы икән соң?

Балалар: юк.

Тәрбияче: Ни өчен?

Балалар: Чөнки аю зур.

Тәрбияче:Алар бергәләшеп яшәсеннәр өчен ,хайваннарга яңа теремкәй салырга булышыйк әле. (геометрик фигуралардан  теремкәй ясау)

Тәрбияче: Менә балалар, искесеннән дә яхшырак теремкәй салып өлгерттегез. Хайваннар тагын бергә яши башларлар инде.Рәхмәт, балалар,булдырдыгыз!

Балалар сезгә эшчәнлек ошадымы? Нинди әкият геройлары белән сәяхәт иттек? Хайваннарга нәрсә белән булыштыгыз? Барлык хайваннар да сезгә рәхмәт әйтәләр.