Урманга сәяхәт(икенче кечкенәләр төркеме өчен)
план-конспект занятия по окружающему миру (младшая группа) по теме

                               Урманга сәяхәт

                            (Икенче кечкенәләр төркеме өчен)

Максат:

1.Җиләк-җимеш,яшелчәләр һәм урман җәнлекләре турында булган белемнәрне  ныгыту һәм   системалаштыру.
2.Сөйләм телен үстерү.
3.Геометрик фигураларны танып-белүне ныгыту.
4.Туган як табигатенә мәхәббәт һәм сакчыл караш булдыру.

Җиһазлау:
Җиләк-җимеш,яшелчә ,агач,җәнлекләр рәсемнәре, макетлары,магнитафон,кәрзин.

1.Кереш өлеш.

-Балалар,безгә  бүген кунаклар килгән,әйдәгез алар белән матур итеп исәнләшик   әле.
-Исәнмесез!
-Әйтегез әле балалар,барыгызның да  кәефе яхшымы?Күңелләре күтәренкеме?
-Әйе
-Алай булса,әйдәгез,бүген без сезнең белән урманга сәяхәт ясыйк.(Слайд-урман)
2.Төп өлеш.
1.
-Менә без сезнең белән урман буена килеп җиттек.Балалар,безне монда нәрсә каршы алды?(Слайд-чыршы)
-Чыршы агачы.
-Балалар,игътибар белән карагыз әле,бу гади чыршымы?
-Юк гади түгел.
-Ни өчен шулай уйлыйсыз?
-Монда яшелчә,җиләк-җимешләр үскән.(Слайд җиләк-җимешләр)
-Әйе,дөрес.Балалар,бу-тылсымлы агач.Шуңа күрә бу агачта яшелчәләр дә,җиләк-җимешләр дә ускән.

-Әйдәгез әле,сезнең белән агачтагы яшелчәләрне,җиләк-җимешләрне җыеп алабыз.(Һәр өзгән әйбер өчен сорау бирелә,җавап дөресләнә,балалардан кабатлатыла).
Мисал:
-Алма нинди?
-Ул тәмлемә?
-Син нәрсә өздең?
-Аның турында нәрсә әйтә аласың?
-син кишер яратасыңмы?
-Кишер нинди?
-...
җыйган яшелчәләр кәрзиннәргә салына бара.

2. Физкултьминутка.
-Инде хәзер  юлны дәвам итик.Менә урман аланына килеп чыктык.Монда аз гына ял итеп алыйк.
-Тигез атлап,тәртип саклап
Без урманга барабыз.
Агач төбе,түмгәк аша
Сикергәләп алабыз.
Тәмле-тәмле җиләкләрне
Кәрзиннәргә салабыз.
Эреләрен,тәмлеләрен
Авызларга кабабыз.
Монда җиләк күп икән
Аю-бүре юк микән?

3.  Серле капчык.    (Слайд-капчык)
-Балалар,карагыз әле мин серле капчык таптым.Серле капчык кем янында туктый,шул капчыкта нәрсә икәнен карый.(Слайд -геомретрик фигуралар)
-Айназ ,әйт әле,син капчыктан нәрсә алдың?
-Өчпочмак.
-Ул нинди төстә?(Уен шулай  дәвам итә)

4.Уен “Җәнлекләр сыйлыйбыз”
-Хәзер урманның эченәрәк керик.Сез нинди урман җәнлекләрен беләсез әле?
-Куян,аю,төлке,бүре,керпе,тиен,һ.б.
-Балалар,минем кәрзинемдә урман җәнлекләренә күчтәнәчләр бар икән.Менә кишер.Аны кайсысына бирәбез,Зәринә?
-Куянга.
-Куян нинди?Аның турында нәрсәләр әйтә аласыз?
-Аюга нэрсэ бирәбез икән Илшат?
-Җиләк.
-Зөләха,керпегә нәрсә бирик?
-Гөмбә.
-
..(Слайд-кәрзин)
-балалар,карагыз әле,монда бер кәрзин бар.Эчендә нәрсә икән?
-Конфетлар.
-Әйе.Урман җәнлекләре сезгә дә күчтәнәч әзерләгәннәр икән.Конфетлар белән группага кайткач чәй эчәрбез.

2.Йомгаклау.
1.Әйдәгез,балалар,кайтырга вакыт җитте.Урман җәнлекләре белән саубуллашыйк.
-Сау булыгыз,без кунакка тагын килербез.
2.
-Урындыкларга утырышыйк.
-Без бүген кая сәяхәт иттек?
-Урманга.
-Урман матурмы?
-Матур.
-Балалар,сез бүген урманда йөрдегез,аны чүпләмәдегез,бик әдәпле булдыгыз.Киләчәктә дә шундый булырсыз дип уйлыйм.Бүгенге сәяхәт сезгә  ошадыма,балалар?
-Әйе.