Кечкенәләр төркемендә Предметлы үсеш бирүче тирәлек оештыру
презентация к уроку (младшая группа) на тему

Балачак - кеше тормышында мөһим чор, киләчәк тормышка әзерлек түгел, ә хәзерге вакыт, кабатланмас тормыш. Бүгенге нәнинең кем булачагы күп очракта аның белән булган олы кешедән һәм аңга-йөрәккә сеңгән әйләнә-тирә мохиттән тора. 

                                            (В.А.Сухамлинский)

Предметлы  үсеш бирүче тирәлекне оештырганда тирәлекнең ачык, үзгәрергә сәләтле, үсешне тәэмин итә алуын, эстетик җәлеп итүчән булуын исәпкә алдык. Кечкенәләр төркемнәрендә балалар уенының идеясе нигезендә предмет тора, шуңа күрә һәрвакыт уен мохитен (корылмалар, уенчыклар, материаллар һ.б.) яңартып торабыз. Мохитне үзгәрткәндә һәм тулылындырганда түбәндәге принципларга таяндык: 
1. Ачыклык- ябыклык, үзгәрүгә әзерлеге. 
2. Зоналарның сыгылмалылыгы, бер-берсенә комачауламыйча төрле эш белән шөгыльләнү. 

3. Активлык, мөстәкыйльлелек  һәм иҗадилык. 
4. Эстетик яктан дөрес оештыру. 
5. “Аралык” (дистанция, позиция). Тәрбияче белән “күзгә-күз аралашу”. 
6. Яшь үзенчәлекләрен исәпкә алу. 

Югарыда күрсәтелгән принципларны исәпкә алып эшләгәндә балада психологик яктан яклану хисе туа. Бу принциплар шәхесне, аның иҗади фикер йөртүен, индивидуальлеген, активлыгын үстерергә, кызыксынуларын арттырырга ярдәм итә. Болар тормышка ашсын өчен без уеннар, уенчыклар, дидактик материалларны балаларның буе җитәрлек җиргә  урнаштырырга тырыштык һәм түбәндәге үсеш үзәкләре оештырдык:

•гаилә белән эшләү үзәге;

•сюжетлы-рольле уеннар үзәге;

•мөстәкыйль сәнгать үзәге;

         •музыкаль – театраль үзәк;

•китапханә үзәге;

•конструктив төзелеш үзәге;

•сенсорик үсеш •куркынычсызлык үзәге;

•табигать почмагы һәм тәҗрибәләр үткәрү үзәге;

•спорт үзәге

Оештырылган предметлы үсеш бирүче тирәлек балаларда шатлык хисе, балалар бакчасына карата эмоциональ уңай караш, бакчага йөрү теләген арттырыр, яңа белемнәр тупларга ярдәм итәр, танып-белүләрен, актив иҗади сәләтләрен үстерер дип ышанабыз.