В гостях у Мойдодыра
материал

Развлечение: «В гостях у Мойдодыра»

Сорулгазы:

• темага хамаарышкан шулуктерни аянныг, дынзыг чугаалап, бодунун бодалын илередип, оске эштерин дыннап билиринге ооредир;
• шулуктер, улегер домактар, айтырыглар дузазы-биле чугаа-домаан сайзырадыр;
• кан-кадык, арыг-шевер, каас-чараш болуру кижинин бодун алдынып билиринден хамааржыр деп чуулду билиндирип кижизидер.

Дерилгези: шариктер, улегер домактар, чечен состер, койгун, адыг, бору маскалары, арыг-силиг дугайында янзы-буру чурктар.

Чорудуу: Уруглар группада арыг-силиг, каас хептерлиг чартык айлап туруп алган турарлар.

Башкы:

- Богун каас хептерлиг, арыг-силиг садиктеп келгенинер анаа эвес болгай, уруглар. Богун бис арыг-силиг болгаш кадыкшыл хунун демдеглээр бис. Ол байырлалды чугле бис эвес, а арыг-шеверлер даргазы Мойдодыр база бодунун дузалакчылары-биле байырлаар, олар биске аалдап кээрлер. Ынчангаш идик-хептеринер эде-хере тыртып, бажынар дырап, корунчукке корнуп, аайланып алынар (уруглар эттинип, корунчукке корнурлер).

- Эр-хейлер! Ам мен силерге Корней Чуковский деп чогаалчынын «Чунар херек» деп чуулун номчуп бээйн кичээнгейлиг дыннанар.

Эртенги дан хаяазында

Одуректер, дииспейлер,

Доос-кара, ээремчиктер

Доозазы чунуп каапкан.

Кара чааскаан чугле бир оол

Калдар, хирлиг арткан иргин

Чунмаан оолдун идик, угу,

Чуглуп, дезип ынай болган.

- Шулукте чунун дугайын бижээн-дир, уруглар? Чулер чунуп турган-дыр? Кым чулунмаан-дыр? Туннелинде чуу болганыл

- Эр-хейлер! Ынчангаштын эртен кежээ ургулчу чунар. Хамыктын мурнунда холду эки чуур, арнын, кулаан, мойнун арыг холлу-биле чуур;

- Диштерин эртен, кежээ арыг щётка, диш-чуур паста-биле чуур.

- Диш кадык болза, чемни эки хоюдар, хоюг чем ижин уревес.

- Чулунган соонда арыг аржыыл-биле кургадыр эки чоттунар.

Башкы уругларны азып каан чуруктарже кичээнгейин хаара тудуп чугаалажыр. Уруглар чуруктарны боттары тайылбырлап чугаалажыр (Хирлиг, арыг-силиг, ажылдап, зарядкалап турар уругларлыг чуруктар).

Оон ынай кадыка дузалыг чуве чул?

• арыг агаар тынар;
• бажын, орээл иштин агаарладыр;
• орун-дожээн, идик-хевин арыг тургузар;
• куш-культурага ынак болур;
• эки чемненир.

Уругларнын бодалдарын айтырып, сонуургап дыннаар. Эжик дагжаан соонда Мойдодыр дузалакчылары-биле кирип келир.

- Экии, уруглар!

Мээн ынак байырлалымны  мында демдеглээр деп турарынарны дыннааш, ооруп дурген-не чедип келдим. Орээлинер арыг-силиин, чараштарынарны, уруглар, эр-хейлер! Мен силерге белек кылдыр шулукчугеш эккелдим дыннап корунерем, уруглар!

                Леонид Чадамба

                «Арыг-шевер»

Азарганчыг козулбес хир

Амы-тынга шоглап болур,

Айда-чылда амыр-дыш чок

Аарып-туреп чыдып болур.

- Шулукту эки сактып алынар, арыг-силигни эки сагынар, уруглар! Мээн дузалакчыларымны билир силер бе? Чулер-дир? (Саван, щёткалар, дыргак, паста).

- Эр-хейлер! Оларнын чагыын дыннаптаалынарам, уруглар!

Саван: Чыттыг саван,

Чымчак аржыыл

Башты дырааг сырый дыргак,

База диш чуур делгерезин!

Щётка: Щёткалар, щёткалар

Ажыктыг-ла щёткалар

Диш чуур щётка,

Идик аштаар,

Хептин хирин аштаар щётка!

Аржыыл: Хирлиг чуттуг кижиге

                Хилинчек, човулан таваржыр!

Башкы: - Мойдодырнын дузалакчыларынын чагыын утпайн,

                арыг-силигни сагып, кадыг болурунга аннар безин холчок

                 ынак оларны корунер даан, уруглар.

Ыяштар артындан койгунак, адыг, бору унуп келгеш, сугга чуннуп шулуктээрлер: Сугжугаш, сугжугаш

Мээн арным эки чундур

Карактарым кыланназын

Чаактарым долбанналзын

Аскым каттырзын

Диштерим ызырзыннар.

Мойдодыр:- А силер арыг-шевер дугайында чуну билир силер, уруглар?

Башкы:- Бис база хой-ле чуулдер билир бис чугаалаптаалынарам, уруглар:

1-ги уруг: Чалгаа кижи хирге бастырар

                 Чазый кижи чемче сынныр.

2-ги уруг: Арыг-силиг кижи

                  Аарыг аржык болбас.

3-ку уруг: Чалгаага хир ынак

                  Чазыйга чем удур.

4-ку уруг: Хунге, сугга, агаар, дошка

Хулер ышкаш дадагып ал

Хуреш, чарыш маргылдаага

Хундуткелдиг тиилекчи чор.

5-ки уруг: Эртен эрте туруп келгеш

Эзеп херлип чытпас мен

Чанчылым ол баштай-ла

Зарядкамны кылыр мен.

6-гы уруг: Кеткен хевин дырыштырба,

Кезээде-ле базып ап чор.

7-ги уруг: Арын-бажын хирлендирбейн,

                  Арыг-силиг чараш чору!

Мойдодыр:- Эр-хейлер! Кончуг угаанныг, арыг-силиг, кежээ, чараш уруглар-дыр силер! Бис-даа ам оске садиктерже аалдап чоруптаалынар! Байырлыг, уруглар!

- Байырлыг!

Аалчылар чоруптарга башкы уруглар-биле хоглуг аялгага «Хоглуг одуректер» деп танцыны кууседип ойнаарлар.

Башкы: - Арыг-шевер, силиг кижээ

Аарыг-аржык халдаар эвес

Кадык-шыырак эки чорда

Кандыг-даа иш хала болбас!

- Ынчангаш ам кончуг кичээнгейлиг «Узук-боолук чуруктар» деп оюнну ойнаптаалынар. Мен бо чуруктарны бээримге силер утка аайы-биле эптеп, тургузар силер (уруглар 4 ангы болукке уступ алгаш чуруктарны эптээр).

Башкы:- Эр-хейлер! Чунун дугайында чуруктар эптеп, тургустунар, уруглар? (уруглар тайылбырлаарлар).Байырлалга шупту эн эки идепкейлиг, арыг-силиг, дыннангыр киришкен силер, эр-хейлер, уруглар! Байырлалда чуну сонуургадынар? Чуу деп аалчылар келди? Мойдодыр деп кымыл ол? Кадык болур дизе чуну канчаар-дыр бис?