Ада-иелерге оюн-беседа «Ак суттуг аяк шайым»
материал

Муниципалдыг бюджеттиг школа назы четпээн уруглар өөредилге албан чери

Тыва Республиканын «Бай-Тайга кожуун» муниципалдыг районунуң

 Бай-Тал сумузунуң уруглар сады «Салгал»

Ада-иелерге оюн-беседа

«Ак суттуг аяк шайым»

Кижизидикчи башкы: Иргит С.Б

Темазы: «Ак суттуг, аяк шайым»

Сорулгазы: 1. Ада-иелерге хостуг шагын шын ажыглап, культурлуг дыштанып ооренири;

2. Тыва чоннун шайлап хоорежир чанчылын эгидери;

3.Уругларга шайнын ажык дузазын бииндирер;

Дерилгези: столдар, сандайлар, скатерть, аяктар, тавактар, хонек, тос-карак, стол бурузунге ручка, саазын, шай дугайында улегер домактар, шулуктер, ийи кадак, улуг аяк македи.

Чорудуу

Башкарыкчы: - Амыр-менди, эргим хундулуг ада-иелер! Бистин  бо хунгу болуувуске  аалдап келгенинерге ооруп, силерге «Салгал» уруглар садынын улуг болук башкылырынын мурнундан изиг байырны чедирип тур мен.

«Аът киштежип таныжар,

Кижи чугаалажып таныжар» дээр болгай.

        Шынап-ла кижи бурузунун сагыш-сеткилинин байы дээрге чуден-даа унелиг байлаавыс, эртиневис-дир. Кижи бурузунун амыдыралы бижиттинмээн ном.

        Ынчангаш, бистер богун манаа хоорежип, ойнап, хоглеп, бот-боттарывыстан солун чуулдерге ооренип, таныжаалынар.

               В.Саган-оолдун шулуу

Хонук черден сунуп келген аалчы туржук,

Кожа кыштаг улустары огге кирер:

«Аалга кирген-аяк эрии ызырар»-дээш

Аккыр, сарыг шайы баштан чеми мурнаар.

           Унген кирген кижилерни огде ээлер,

           Ургулчу-ле аш деп кайын санаарыл аан:

           Тыва чоннун сагыш човаар, экииргээнден,

           Тыптып болгаш дамчып келген хундуткел-дир

        Ынчангыштын бо хунгу «Тыва шайым» деп темалыг оюн-хоглуг болуувуске ойнап-хоглеп дыштанып алыылынар

1. Беседа. «Шай»

        Шай ог-булеге эн-не хундуткелдиг, ыдыктыг чем: тыва кижи оонге шайын куруглатпас чораан. Хонек, саваларнын эн хундулуу, ону ургулчу арыг-силиг тургузар. Шай кудуп ижерде безин оору кодурбес дээр. Аалга кирген кижи аяк эриин ызырар, арга кирген кижи саат дайнаар деп тыва улугер домак безин шайны кайы-хире хундулеп чораанын херечилеп чораан. Огге келген улуг-даа, бичи-даа кижиге тыва чон шайын бир-ле дугаарында соннээр.

Шайнын хевирлери:
-Хайындырар шайнын хевирлери янзы-буру. Оларны чугаалаан аайым-биле силерге амзадыр мен, амданнанып корунер, сонуурганнар уруглар.
1. Шай (чеми четчир, кара азы суттуг шай) шаар.
2. Хымыраан (чеми-даа, дузу-даа четпес кылдыр суттеп каан).
3. Шеннеден хайындырган (кузун шенне быжа бээрге казып алгаш кургаткаш соктап аар).
4. Уурак (аа-биле) суттээн Тыва шай.
5. Манчы шай.
6. Чудап шай.
7. Инек-караа бурузунден шай.
        Шай хайындырары улуг мергежил. Ону чем четчип, шары бадып, чыды унгужеге чедир хайындырар, саарар. Суттэрде шээр мал судун ажыглаар, судун кыйгак дээр чораан. Чок болза кызыр инек суду-биле суттээр.
Шаанда Тывага кээп чораан эртемдээнер тыва шайны амзап ижип коргеш делегейнин кандыг-даа рестораны ынчаар хайындырып шыдавас деп унелээннер. Чуге дээрге сарыг шайга шенне, ыт-кады дээш, оске-даа эм оъттарнын хевилерин амдан киир кады хайындырган турган.

2. Доклад «Шай кайыын тыптып келгенил?»

        Башкарыкчы: - Делегейнин кайы-даа булунунда улустар шай ижип турар: индий шай, цейлон шай, орус шай, тыва шай, калмык шай, турук шай дээш баар болгай. Кайы-даа чон шайны национал чеми кылдыр санай берген.

        Чогум черле шайны канчап хайындырып ижип эгелээн чувел? Оон тоогузун силерге сонуургадыр-дыр бис.

        Оон унези кончуг улуг чораан кыдат садыгдан 50 диин кежи-биле 1
будун шай,орусдан 1 хунан молдурга-биле кезик шайны садып пап чораан. Кандыг-бир хундулээн аалынче азы келин айтырарда шыдалдыг улус болза кадакка ораап алыр, арай чединмес улус бир каам шайны, ак поске азы ак хойнун чуга энчээнге ораап алыр, чолукшуп тудар. Кандыг-бир улуг ууле будурерде, чаа ог тиккенде хараача солаанда, тук хакканда ону ыяп-ла, шайлаашкын-биле удээр турган.

        Ийиги башкарыкчы: - Бистин эрага чедир 77 чылдын бижиктеринде шай дугайында бижип турары болза: Шаг шаанда мурнуу Азиянын кадарчылары эскерип турарга ошкулери бир ногаан хараган бурулерин чипкеш эрези кедерей бээр болган, ынчангаш кадарчылар ол хараганнын бурулерин чем кылдыр ажыглап эгелээн чуве-дир.

        Тывалар кажандан эгелеп шайны чем кылдыр ажыглап эгелээнил? Орус хааннарнын архивинден алырга 1638 чылда Петр первый хааннын кырган – ачазынын элчиннери Моолда Алдын-Хааннарже ажыл-херек будуруп, суй-белек чедирип чораан. Саян дагларын ажа бээрге, «мад» деп чоннун нояны элчиннерни уткуп алгаш, Моол кызыгаарынче угландыр удеп каан. «Мадтар» элчиннерни хой эъди-биле, суттуг бир-ле билдинмес суксун-биле хундулеп турган. Моолдар элчиннерни удээрде, киш кештери-биле хой-ле кургадып каан оът дергилеп берген. Элчиннер ол оътту дыка-ла аартыктап чорааннар. Хаанынга чедире бээрге, анмаарга шыгжап каан. Ол оътту хайындырып, баш болгаш ижин аарыындан эмненип турганнар. Ынчап турда Кыдат чораан экспедиция ээп келген. Шай хайындырып, ону ижип ооренип алган болганнар. Олар демги оътту шай-дыр деп танып, ону хайындырып эгелээн. Оон бээр-ле Москванын садыгларынга шайны садып эгелээн чуве-дир.

        Бирги башкарыкчы: - Тыва эпос шаг-шаанда чогааттынып турар уезинде бурунгу бижик-биле шулуктеп каан турган, деп чамдык эртемденнер бадыткап турар.(Рифмалыг одуруглар ковей). Оон алгаш коорге, орхон-енисей бижиктиг чоннар шайны ажыглап турган бооп турар-дыр. Олу уеде-ле моол- кыдат экономиктиг харылзаалар быжыг турганы ол-дур. Шайнын ортээ дыка аар турган. Будун шай садып алыры берге. Бир молдурга-биле-даа орнажып алыр турган. Ынчангаш, шай хемчээли турган.

а). Оюн «Арын чазар».

б). Музыка аайы-биле сула-шимчээшкин кылдыртыр.

        Бирги башкарыкчы: - Силернин аранардан шай хемчээли билир кижи бар бе? Адап корунерем.

        Ийиги башкарыкчы: - Шайнын унези улуг турган болгаш тыва куда ёзулалы «шай бузар» деп кезектиг турган (тывар, айтырар, шай бузар, дугдээр, кудээлээр, малдаар, дойлаар). Оолдун адазы шайны кадакка салгаш, хундуткелдии-биле ийи холдап уругнун адазынга сунар. Ол шайны уругнун авазынга дамчыдып бээр. Авазы шайны бускаш, огде чыылган торел чонунга улештирип бээр. Шай четтирген кижи бурузу уругнун ончузун чыырынга киржир турган.

        Бирги башкарыкчы: -Моол, кыдаттан кээп турган сарыг шай узуктели-даа бээр турган. Ындыг уеде хымыраан шай, черлик шай, буру шай, човурээ шай, чудан шай дээн ышкаш шайлар ижип чораан.

        Черлик шай – бурулерни кургаткаш, соктааш, саржагга хааргаш, сугга хайындырар.

        Хымыраан шай – сугну суттээш, дузааш, хайындыргаш, хевектеп ижер.

        Чуданныг шай – далганны чага хооргаш, куткаш, шай каггаш хайындырыптар.

        Ореме шай – шээр мал судун хайындыргаш, сооткаш, оремезин союп алгаш, суг куткаш хайындырар.

        Човурээ шай – ол шайны ыяш човурээзинден хайындырып ижип турганнар.

        Сарыг шайны хайындырар аргазы: сузуглелдиг кижи шайны хайындырарда эртен эрте суглап алыр, чаа суг-биле хайындырар. Шайнын кырындан аякка бодунга кудуп алгаш, тос-карак-биле оран-тандыже чажып каар.

        Шайны аякка эмин эттир долдур кутпас, далашпазын ам бирээни ишсин дээн ол. Аякты солагай хол-биле сунмас. Эртенги хайындырган шайын от-козунге, оран-тандызынче чажар ак-даа, кара-даа болза ажырбас.

Шайга йорээл.

«Эринниг чувеге амзаттым 
Эки чемим дээжизи-дир
Аастыг чувеге амзатпааным
Ак чеми дээжизи-дир» дээш чалбарып чажар. 

- Эргим ада-иелер, чоок таныжып, танцылап-даа алдывыс, ам бистин шайывысты амзап, чооглап корунерем. Шай иштингир-ле болзунам!

Ыры «Аяк-шайым».

Тывызык:
Хой кижи хурээледи
Хурен аскыр чыраалады (шайнын хайныры)

-Бо хунгу бистин шайлаашкын кежээзинге идепкейжи киришкенинер дээш ооруп четтирип тур бис.