Сөмбелә
план-конспект занятия по развитию речи (средняя группа) на тему

  Музыка астында балалар залга керәләр. Ярымтүгәрәк ясап басалар.Зал бизәлгән.(Вальс “Көзге яфраклар”).

Тәрбияче: Һәр җирдә сары яфраклар,көз килүнең билгесе.

                   Сары яфрак-көз чибәрнең төшеп калган көзгесе.

                   Көннәр инде салкынайды,кышлар бераз якынайды.

                   Тирә-як  гел сары төстә,әллә соң бу алтын аймы?

Ильмир: Үтте китте матур җәйләр,

                 Көзләр килеп җиттеләр.

                Ак каенның яфраклары

                Саргаешып киптеләр.

Динар:     Көз килде.Үләннәр

                 Саргайды,шиңде.

                 Сап-сары яфраклар

                 Җиргә сибелде.

Инсаф Г. Яңгыр түгел ,кар да түгел,

                 Яфраклар ява җиргә.

                 Көз турында җырлыймын мин-

                Кушыл син яңа җырга.

Җыр:  “Көз”

Диләрә:    Сары,сары,сап-сары

                  Агачның яфраклары.

                  Җил исә,ява яфрак

                  Көзнең матур чаклары.

Амиран:    Наступила осень,

                   Пожелтел наш сад.

                 Листья на березе,

                 Золотом горят.

Ильяс:       Алтын-сары яфракларны

                   Җилләр саный.

                   Иртә-кичен  суык бабай
                  Бармак яный.

Элина:        Урман,кырларга

                    Килде алтын көз.

                   Җәй үтте диеп

                   Үкенмибез без.

Мәрьям:     Оча яфрак .уйный яфрак

                   Һаваларда әйләнеп.

                  Бүген бит бездә

                  Сөмбеләбез бәйрәме.

Рамазан:   Октябрьдә,октябрьдә

                  Яңгырлар бик күп ява.

                  Бар үләннәр дә саргая

                  Басулар бушап кала.

Зәлия:        Көз килде дә бөтен җирне

                  Сары төскә буяды.

                 Яшелгәдә буяр иде

                 Юктыр аның буявы.

Раил:        Яратам мин

                  Сары төсне.

                 Бөтен дөнья

                 Алтын төсле.

Лилиана: Сандугачлар ,карлыгачлар

                  Очып китте еракка.

                 Торналар да ялга китте,

                  Җылы якка,көньякка.

      Җыр: Уңыш җыры.”

Алып баручы:   Әйе ,балалар,көз- мул уңыш  чоры.Борын-борыннан безнең

бабаларыбыз уңыш бәйрәмен зурлап уздырганнар.Бүген бездә дә зур бәйрәм,

“Сөмбелә бәйрәме”.Бәйрәм кунаксыз булмый.Балалар карыйк әле,безгә кем кунакка килә икән?

       (Вальс көенә Сөмбелә керә.Кулында җиләк-җимешләр,яшелчәләр салынган кәрҗин.)

Сөмбелә :Исәнмесез,дусларым!

                 Исәнмесез,кунаклар!

                 Сезне бәйрәм белән котлыйм!

Балалар:Исәнме ,Сөмбелә!Әйдә түрдән уз.Рәхим ит.

    Уен “ Көз һәм балалар җыры”  Г.Гәрәева көе һәм сүзләре.

Раяз:    Яшелчәләр арасында

             Иң тәмлесе мин-кыяр.

             Җәй буена ашап туйгач,

            Калганын тозлап куяр.

Алсу:Яшелчәләр арасында

           Миндә үсәм бит ,туган.

          Ашны тәмләндерим дисәң,

          Күбрәк  утырт син суган.

Иделия: Мин кәбестәне ашыйлар

               Яшьләре һәм картлары.

            Тәмемне белгәч

            Күп утырта башлыйлар.

Рөстәм:Мин-чөгендер-кешеләргә

              Бик күп файда китерәм.

              Кешедәге авыруларны

             Бик тиз бетерәм.

Алып баручы : Көзнең иң зур байлыгы –икмәк.

“Ипи,тоз-якты йөз” ,ди халык.

Р.Миңнуллин  “Икмәк булса” шигыре.

Данияр :Ипи басуда үсә,

              Аннан амбарга күчә.

             Аннары мичтә пешә,

             Кызарып мичтән төшә.

Инсаф Н:   Шуннан килә өстәлгә,

                   Безгә көч өстәргә.

                   Икмәк булса табында,

                   Булдырам мин барын да.

  Алып баручы :Әйдәгез балалар,без Сөмбелә  белән уйнап алабыз.

   “Көз” –җырлы-хәрәкәтле уен. (Урында басып кына.)

    Сөмбелә:Балалар ,минем сезнең зирәклегезне тикшереп карыйм.

     Дидактик уен : “Төркемнәргә аер”(Җиләк-җимешләр һәм яшелчәләр).

     Алып баручы : Менә бәйрәмебез ахрына якынлаша.

    “Лавата” Җырлы бию. (Балалар  түгәрәккә басалар.)

  Сөмбелә :  Балалар ,сез бик уңганнар,булганнар икәнсез.Бик күп һөнәрләр беләсез .Яңа җырлар , матур шигырьләр һәм биюләр өйрәнгәнсез. Миңа бик ошады. Миндә бәйрәмгә буш килмәдем.Менә кәрзинемдә күчтәнәчләр.Хәзер минем башка балалар бакчасына барасым бар. Хушыгыз!

      Балалар:  Сөмбелә.Рәхмәт күчтәнәчләреңә. Хушыгыз.!

     Алып баручы : Менә бәйрәмебез ахрына якынлаштыӘйдәгез күңелле бию белән бәрәмне тәмамлыйбыз Балалар килгән кунакларны (әти-әниләрне) түгәрәккә биюгә чакыралар..