Тема: «Кыш. Ап-ак кар ява» (йомгаклау) (иң кече яшьтәге балаларның икенче төркемендә ачык шөгыль)
план-конспект занятия по развитию речи (младшая группа) на тему

                   Тема: «Кыш. Ап-ак кар ява» (йомгаклау)

             (иң кече яшьтәге балаларның икенче төркемендә ачык шөгыль)

   Бурычлар:

1)балаларны кар һәм аның үзлекләре (ак төстә, йомшак, салкын) белән таныштыру; тәрбияче сорауларына җавап бирергә күнектерү; кышкы табигатькә соклану хисе, бергәләп уйнау теләге тәрбияләү;

2)рәсемне карарга, рәсемдә ясалган предметларны танырга, исемнәрен дөрес әйтергә өйрәтү; предметларны, төсне белдерә торган сүзләр ярдәмендә сүзлекне активлаштыру; балаларның кышкы киемнәр турындагы белемнәренә төгәллек кертү.

    Җиһазлар: ноутбук, аудио-язма”Җил тавышы”; уенчык ак куян, савыт белән кар, “Ләйлә суыктан курыкмый” рәсеме.

Эшчәнлек барышы:

Т: Карагыз әле, балалар,безгә кунакка апалар килгән. Алар сезнең нинди матур, акыллы икәнлегезне, ничек уйнаганыгызны,күңел ачканыгызны карарга килгәннәр. Әйдәгез әле алар белән  исәнләшик.

Б: Исәнмесез.Хәерле иртә.

Т: Балалар,әйдәгез көнебез уңышлы, кәефебез яхшы булсын өчен күңел ачып алабыз:

                                                   Чәп-чәп, чәбәкәй

Кулларыбыз бәләкәй.

Ә хәзер тизрәк,тизрәк

Чәбәклик күңеллерәк.

Т: Безнең күңел ачканны ишетеп безгә кунакка куян килгән. Аның колагы нинди?(озын) Койрыгы нинди?(кыска) Ул нинди төстә?

Б: Ак төстә (бердәм һәм аерым җаваплар)

Т: Әйе, балалар,кыш җиткәч куян ак тунын кия. Ә кыш көне нәрсә ява?

Б: Кар ява.

                                       Савыттагы карны күзәтү

Т: Кар ул нинди?

Б: Ак төстә,йомшак,салкын (бердәм һәм аерым җаваплар)

Т: Әйе, балалар,кар ул ап-ак төстә, йомшак һәм салкын.Ул бөтен җирне каплый.

                                                Шигырь сөйләү.

Т: Ә кардан нәрсә әвәләп була?(Туп) Әйе, аннан туп әвәләп була(савыттагы кардан туплар әвәләү)

Т: Туп нинди ул? (Түгәрәк)

Т: Кар ул кечкенә кар бөртекләреннән тора.Җил чыккач кар бөртекләре шаяра башлыйлар да, урамда буран була (аудио-язма аша буран тавышын тыңлау).Әйдәгез бездә сезнең белән кар бөртекләре булабыз.

                                 Уен: “Җил һәм Кар бөртекләре”

Т:  Ә менә Ләйлә суыктан курыкмаган. Ул урамга чыккан.Ул үзе белән нәрсәне алып чыккан? (уенчык аюны) Ул нәрсәгә утырган? (чанага) Ә кызга суыкмы?(Юк.Ул җылы киенгән)

Сораулар ярдәмендә Ләйләнең нәрсәләр кигәнен һәм нинди төстә икәнлеген ачыклау

Йомгаклау.

Т: Балалар кыш көне нәрсә ява? Ул нинди?Кыш көне нәрсәләр кияләр? Куян кыш көне нинди төстә? Аның колагы һәм койрыгы нинди? (йомгак ясала)

Т: Ә хәзер әйдәгез апалар белән саубуллашабыз, үзебез уенны дәвам итәбез.

       Сарман муниципаль районы мэктэпкэчэ белем биру муниципаль бюджет      

   учреждениясе гомуми усеш торендэге 2-нче санлы «Лилия»балалар  бакчасы

           Тема: «Кыш.Ап-ак кар ява» (йомгаклау)

(иң кече яшьтәге балаларның икенче төркемендә ачык шөгыль)

                                        Тәрбияче: Рахимова Венера Марс кызы