Йомгаклау план конспекты Тема: “ “Йомры икмәк”әкиятенә сәяхәт ”
план-конспект урока по развитию речи (младшая группа) на тему
Йомгаклау план конспекты
Тема: “ “Йомры икмәк”әкиятенә сәяхәт ”
Скачать:
Вложение | Размер |
---|---|
![]() | 24.3 КБ |
Предварительный просмотр:
Муниципаль автоном мәктәпкәчә белем бирү учреждениясе
“Гомумүстерелешле 49 нчы балалар бакчасы”
Йомгаклау план конспекты
Тема: “ “Йомры икмәк”әкиятенә сәяхәт ”
Төзеде:
Тәрбияче:Сафиуллина Г.З.
Тема: “ “Йомры икмәк”әкиятенә сәяхәт ”
Максат: балаларны “Йомры икмәк” әкият дөньясына җәлеп итү; балаларның кыргый хайваннар турындагы белемнәрен ныгыту, балаларның сенсор яки сәләтләрен, предметларны тану, аларның төсләрен аеру мөмкинлекләрен ныгыту.
Алдан эшләнгән эш:
– “Йомры икмәк” әкиятенә инсценировка,
– күргәзмә әсбаплар кулланып кыргый хайваннарның исемнәрен, тышкы билгеләрен өйрәнү.
– сенсорлык сәләтләрен үстерүгә дидактик уеннар кертү.
Материаллар һәм җиһазлар: Йомры икмәк, куян, бүре, аю, төлке; урман, йорт декорацияләре; кыргый һәм йорт хайваннары булган уенчыклар; кызыл, сары, яшел, зәңгәр туплар; кызыл, сары, яшел, зәңгәр корзинкалар; сары төстәге пластилин.
Шөгыль барышы:
Балалар, исәнмесез. Карагыз әле, безгә кунаклар килгән, әйдәгез алар белән исәнләшик. (Активлаштыру).
Тәрбияче: Балалар, сез әкиятләр яратасызмы? (Балаларның җавабы) Балалар,ә монда кем качып утыра ул?(кызыксыну уяту)Кем булыр икән бу? Хәзер мин сезгә табышмак әйтәм,җавабын тапсагыз белерсез!
“Мин бабайдан да качтым, мин әбидән дә качтым”- дип кем җырлый әле безнең?
Балалар, кем бабай белән әбидән качты микән? (“Йомры икмәк”). Дөрес, балалар, “Йомры икмәк”. Балалар, әйдәгез Йомры икмәк белән исәнләшик.
Балалар: Исәнме, Йомры икмәк.
Тәрбияче: Йомры икмәк, син нишләп монда качтың? Балалар, сез ничек уйлыйсыз, Йомры икмәк кемнән качкан?
Балалар: Төлкедән . . .
Тәрбияче: Йомры икмәк төлке ашаганын теләми, аның әби белән бабай янына кайтасы килә. Йомры икмәккә әби белән бабай янына кайтырга булышыйк. Булышабызмы, балалар?
Балалар: Әйе.
Тәрбияче: Әйдәгез бергәләп юлга чыгабыз. Менә юл. Шул юл буйлап хәзер урманга барабыз. (Тәрбияче балалар белән бергә бер-бер артлы (поезд вагоннары сыман тезелеп)“эзле юлдан” баралар). – Ой, балалар, карагыз әле, куак астында кем утыра? (Куян).
Тәрбияче: Балалар, куянкай белән исәнләшик.
Балалар: Исәнме, куянкай!
Тәрбияче: Без әби белән бабайга Йомры икмәкне алып барабыз. Куянкай, нишләп болай боегып утырасың?
Куянкай: Мин туңдым минем уйныйсым килә!
Тәрбияче:Балалар куянкай белән бергә “Ак куянкай”җырын җырлап җылынып алабызмы?(Музыка астында куянкай белән җырлы-биюле уен.)
Куянкай: Булдырдыгыз, балалар. Мине биетеп җылыттыгыз. Йомры икмәкне әби белән бабай янына алып барыгыз.
Тәрбияче: Куянкайга “сау бул” әйтик.
Балалар: Сау бул, куянкай. (Тәрбияче һәм балалар алга таба баралар).
Тәрбияче: Балалар, карагыз әле, юлда кем утыра?
Балалар: Бүре.
Тәрбияче: Бүре белән исәнләшик.
Балалар: Исәнме, Бүре.
Бүре: Исәнмесез, Йомры икмәкне кайда алып барасыз?
Тәрбияче: Без әби белән бабайга Йомры икмәкне алып барабыз. Бүре, нишләп болай боегып утырасың?
Бүре: Мине барысы да усал дип уйлыйлар, һәм минем белән берсенең дә уйныйсы килми.
Тәрбияче: Балалар, Бүре белән уйнап алабызмы? Бүренең капчыгында нәрсәләр бар микән? (Капчыкта туплар бар икәнен балаларга күрсәтәм).
Туп белән уен.
Тәрбияче: Булдырдыгыз, балалар. Бүренең дә кәефе күтәрелде. Балалар, Бүре белән саубуллашыйк һәм алга таба барыйк.
Балалар: Сау бул, Бүре. (Тәрбияче һәм балалар алга таба баралар).
Тәрбияче: Балалар, монда кемдер утыра. Кем микән бу?
Балалар: Аю.
Тәрбияче: Исәнме, Аю!
Аю: Исәнмесез, Йомры икмәкне кайда алып барасыз?
Тәрбияче: Без, әби белән бабайга Йомры икмәкне алып барабыз. Аю, нишләп болай боегып утырасың?
Аю: Менә минем төсле тупларым буталып беткәннәр, шуларны дөрес итеп аерырга кирәк. Кызыл төстәге кәрзингә – кызыл тупны, сарыны сарыга, яшелне яшелгә, зәңгәрне зәңгәргә салырга кирәк.
Тәрбияче: Аю, кәефең төшмәсен, без сиңа булышабыз. Балалар, Аюга булышабызмы?
Балалар: Булышабыз.
Дидактик уен: “Тупларны дөрес итеп кәрзингә сал”.
Тәрбияче: Без бу биремне дә дөрес эшләдек. Бар тупны да дөрес итеп кәрзингә салдык. Аюга да булыштык. Булдырдыгыз. Аюның да кәефе күтәрелде.
Тәрбияче: Балалар, Аю белән саубуллашыйк һәм алга таба барыйк .
Балалар: Сау бул, Аю.
Тәрбияче: Балалар, карагыз әле, юлда Төлке утырып тора. Әйдәгез Төлке белән исәнләшик.
Балалар: Исәнме, Төлке!
Төлке: Исәнмесез, Йомры икмәкне кайда алып барасыз?
Тәрбияче: Без Йомры икмәкне әби белән бабайга алып барабыз. Җибәр безне, Төлке. Безне әби белән бабай көтеп тора.
Төлке: Миңа Йомры икмәкне бирсәгез, мин сезне җибәрәм.
Тәрбияче: Нәрсә эшлибез, балалар? Безне Төлке җибәрергә теләми. Ничек Йомры икмәкне коткарырга? Без Төлкедән дә хәйләкәррәк булыйк. Әйдәгез төлкегә пластилиннан “йомры икмәк”әвәләп бирик.
Тәрбияче: Карагыз әле, күпме йомры икмәк әвәләдек. (Түгәрәк, сары, матур). Йомры икмәкләребез күп булдымы, балалар?
Балалар: Күп.
Тәрбияче: Төлке, безнең йомры икмәкләребез сиңа ошыймы?
Төлке: Әйе.
Тәрбияче: Менә бу йомры икмәкләребез сиңа бүләк. (Тәрбияче Төлкегә йомры икмәкләрне бирә).
Төлке: Рәхмәт.
Тәрбияче: Әйдәгез, Төлке белән саубуллашыйк.
Балалар: Сау бул, Төлке.
Тәрбияче: Балалар, монда әби белән бабайның өе.
Йомры икмәк: Рәхмәт сезгә, балалар, мине әби белән бабай янына кайтарып куйганыгыз өчен. (Йомры икмәкне тәрәзә төбенә утыртып кую).
Тәрбияче: Йомры икмәк, яңадан әби белән бабай яныннан тәгәрәп китмә. Балалар, без Йомры икмәкне өенә кайтарып куйдык, безнең үзебезгә дә балалар бакчасына кайтырга кирәк. (Кайтырга чыгу).
Йомгаклау.
Тәрбияче: Балалар, безгә кунакка кем килде? (Йомры икмәк).
-Йомры икмәк кайда кайтырга теләгән? (Әби белән бабай янына).
-Сезгә урманга сәяхәткә бару ошадымы? (Әйе).
-Без урманда кемнәрне очраттык? (Куян, Бүре, Аю, Төлке).
-Төлкегә нинди бүләк ясадык? (Йомры икмәк әвәләп бирдек).
-Булдырдыгыз, балалар. Бар җәнлекләрнең дә биремнәрен дөрес эшләдегез. Йомры икмәккә булыштыгыз.
-Ә сезгә Йомры икмәк кечкенә генә бүләк әзерләгән.
По теме: методические разработки, презентации и конспекты
Мастер класс: “Йомры икмәк” әкиятен сөйлибез.
"Йомры икмәк"...
НОД "Йомры Икмәк әкиятенә сәяхәт"
Итоговое занятие во второй младшей группе "Йомры Икмәк әкиятенә сәяхәт" проводилась в конце учебного года....
![](/sites/default/files/pictures/2015/11/21/picture-14389-1448128956.jpg)
Йомры икмәк әкиятен әти-әниләр белән сәхнәләштерү.
Театр с участием родителей очень понравился детям....
![](/sites/default/files/pictures/2017/07/10/picture-935481-1499690432.jpg)
Йомры икмәкнең сәяхәте (әкиятен ПДД буенча сәхнәләштерү.)
Балалар ПДД буенча кагыйдәләрне яхшырак истә калдыру максатыннан "Йомры икмәк сәяхәте" әкияте үзгәртеп сәхнәләштерелә....
![](/sites/default/files/pictures/2018/09/14/picture-1057858-1536948089.jpg)
Йомгаклау план конспекты Тема: “Әбиемнең ишегалдында”
Йомгаклау план конспекты Тема: “Әбиемнең ишегалдында&rdquo...
![](/sites/default/files/pictures/2019/10/23/picture-1174952-1571847220.jpg)
“Йомры икмәк әкиятенә сәяхәт”
Балаларны “Йомры икмәк әкият дөньясына җәлеп итү яки мавыктыру өчен шулай ук әкият персонаҗына ярдәм итү теләге тудыру өчен төп таләпләрне булдыру....
![](/sites/default/files/pictures/2020/10/25/picture-692506-1603620803.jpg)
“Йомры икмәк”әкиятенә сәяхәт»
Уртанчылар төркеме өчен «Математика илендәге “Йомры икмәк”әкиятенә сәяхәт» темасына оештырылган белем бирү эшчәнлеге конспекты (“Танып белү” белем бирү өлкәсе)...