Мы помогли кошке
план-конспект занятия (младшая группа) по теме

Тема: «Без песигә булыштык».

Икенче кечкенәләр  төркеме.

 Максат: балаларны туган телдә дөрес, матур һәм сәнгатьле итеп сөйләшергә

өйрәтү; татар халык авыз иҗатын кулланып, сөйләм телен үстерү;

чисталык, пөһтәлек  тәрбияләү.

Интегральләштерү өлкәләре:

• Физик үсеш
• Социаль-шәхси үсеш
• Нәфис-нәфәсәти үсеш

 Материал: тартма, песи, кызыл балчык, такта, салфетка, магнитофон.

 Эшчәнлек барышы (тәрбияче): - Кая минем нәниләрем, алтыннарым,

матурларым, батырларым?

- Хәерле иртә сезгә!

Хәерле иртә, күзләрем!

Хәерле иртә, колакларым!

Хәерле иртә, кулларым!

Хәерле иртә, аякларым!

( магнитофон тасмасыннан песи тавышы ишетелә, уенчыкны  эзләп табарга

кирәк).

- Балалар, бу нәрсә?

- Ул ничек итеп кычкыра?

- Песи нинди?

-  Әйе, йомшак, матур.

( уенчык песине  сыйпап ярату).

- Балалар, ә  хәзер бер уен уйнап алыйк, песи безне карап торыр. Без

бөтенебез дә бәләкәй  песи булырбыз.

(Балалар кулларын алга сузып утыралар. Тәрбияче «песием, песием» дип, һәр

баланың  кулын сыйпап йөри. Ә бер баланын кулына, «прес» дип әкрен генә

сугып ала. Бала, кулына сукканчы, кулын яшереп өлгерергә тиеш.)

- Балалар, песи йомгак белән уйнарга бик ярата, без песигә йомгаклар  әвәләп

бирербез.

- Аңа кадәр без хәзер бармакларны җылытып алыйк. «Бармак уенын уйнау».

Бармакларны күрсәтеп әйтеп бару.

- Бу бармак, бабай!

- Бу бармак, әби!

- Бу бармак, әти!

- Бу бармак, әни!

- Бу бармак нәни  бәби,

  Аның исеме чәнти.

- Әйдәгез  балалар, өстәл янына якынрак килегез әле (әвәләп күрсәтү).

(Йомгаклар әвәләү)

- Балалар, сез барыгыз да бик тырышып эшләдегез, бик зур рәхмәт сезгә. Ә

хәзер песи йомагаклар белән уйный торсын.

- Ә  без  кулларны юыйк. Балалар, карагыз әле, табакта нәрсә бар?

- Су.  Су нинди?

- Чиста, йомшак, җылы һ.б.

- Әйдәгез балалар, кулларны юыйк.

Су – су – су.

Чиста су, йомшак су.

Кулларны чиста ю – ю – ю.

- Ә хәзер балалар үзебезнең кулларыбызны мактап җырлап алыйк.

«Бармаклар биюе» җыры башкарыла.

- Булдырдыгыз, балалар. Бик матур шөгыльләндегез! Дәрес бетте.

Использованная литература:

1.Гомерова В.Г., Зарипова Ф.Я. Сборник праздников., Казань,Просвещение, 2005.

2.Закирова К.В. “На поляне детства”, Казань,РИЦ Нашрияте, 2011.

3.Закирова К.В., Мортазина Л.Р. “Игры в детском саду”, Казань, РИЦ Нашрияте, 2012.

3.Ягъфаров Р.З. “Коза- дереза”, Казань, Просвещение, 1994.