Сценарий праздника "Цаган Сар"
план-конспект занятия (старшая группа)
Предварительный просмотр:
« Цаһан сар! Цаһан Сар –
цәәһәр дәәҗ бәрия!»
(Бичкдүдтә болн эк – эцкнртә хамдан давулх нәр – наадн)
Белдсн: хальмг келнә багш
Шавартан Саглр.
Элст
Нәр – наадн « Цаһан сар! Цаһан Сар – цәәһәр дәәҗ бәрия!»
Көтлгч: | Мендвт, күндтә мана бичкдүд, эк – эцкнр, аав – ээҗнр болн гиичнр!Күнд үвләс менд һарувта? |
Иляна: | Цаһана йөрәл: Эн ирсн Цаһан Сар Өлзәтә байрта – бахта болтха, Күнд үвләс менд һарсн Олн әмтн Амулң эдлх болтха! |
Көтлгч: | Цаһан Сар ирхлә, хальмг теегт хавр ирсн темдг |
( Хаврин тегин хүврлт күүкд үзүлһн ) хөөннь көгҗмин айст Окн Теңгр орҗ ирәд цуг бичкдүдтә һараснь авад, «Күнд үвләс менд һарувта!» гиһәд мендлнә!)
Окн Теңгр: | Менд, мини бичкн нәәҗнр! Мана цаһана нәр Мөңкинд герлтә болтха! Делкән олн бичкдүд Делгү җирһл олтха! Ода мадн цугтан цаһан сарин нәәрән эклхмн! Олнд дурта дууһан дуулхмн!!! |
Цуг бичкдүд: | ( дун «Цаһан сар») |
Көтлгч: | Мендвт, Окн теңгр, күнд үвләс менд һарувта! |
(Көтлгч болн Окн теңгр хойрн мендлцхәнә) | |
Көтлгч: | Окн теңгр, та сууһад соңстн, тана бичкн нәәҗнр дала цаһан сарин туск шүлгүд меднә, таднд келҗ өгхәр бәәнә. |
Бичкдүд: | (шүлгүд келлһн) |
Цаһан цасн хәәлнә, Цаһан Сар ирнә. Ээҗ боорцг кенә, Күүкд биилҗ дуулна! | |
Цаһан сарин герлд Цаһан цасн хәәлв. Үвлин теңгр суняҗ, Теегм көкрҗ уняртв!! | |
Цаһан Сар ирнә, Шикр – балта элвг болна. Көгшдүд цөрәл тәвнә, Күүкд бииләд дуулна. | |
Көтлгч: | Мана бичкдүд әвртә, Окн теңгр, тиим эсий? Цаһан сарин тускар дала шүлгүд келҗ өгв, танд таасгдв? |
Окн Теңгр: | Тиим, тиим, мини бичкн нәәҗнр йир сән, ухата, тана шүлгүд нанд йир таасгдв! Цааранднь намаг яһҗ байрлулхут? |
Көтлгч: | Окн теңгр мана бичкдүд таднта нег дурта наадан наадхар бәәнә, маднта нааднта? |
Окн Теңгр: | Нааднав, наадхт би йир дуртав, яһҗ тана надн нерәднә? |
Көтлгч: | Мана наадн «Намчта торһн альчур» гиҗ нәрәднә. Бостн, бичкдүд, ик төгрг кеһәд зогстн, дурта наадан надхмн. Кен эклхнь тоолдгар тоолад медәд авхмн. |
Тоолдг: | Байрта бееләһән тәәлнә, Байрта хурһдан тоолна 1,2,3,4,5. Төгрг кеһед зогстн, 1,2,3 Наадан ода эклхмн 4,5,6 Наадан эклхнь – чив! |
(Наадн – «Намчта торһн альчур») | |
Наадна зокал: | Бичкдүд төгрг кеһәд зогсна. Тоолдгар шүүҗ авсн бичкн күн төгрг дунд орад, Намчта торһн альчур Кендән гиҗ нерәдхмн Дәлкә эргәд, йовнав Дурта иньган олнав иим шүлг – үгмүд келәд иньган олад, «Цаһан сарла йөрәҗәнәв» гиһәд альчуран саҗад, барун ээмд өлгәд, һараснь авад, төгргин дунд биилцхәнә. Альчур авсн көвүн эс гиҗ күүкн альчуран һартан авад, цааранднь тиим кевәр наадан давулна. Биилҗәсн саамд наадк бичкдүд шаваш келцхәнә: Шар харһа домбриг Шавдн бәәҗ цокитә Шар көвүд күүкд Шаһаһарн мөлжитә!! Хәдрис! Хәдрис! Авад од!!! Надыг 4-5 дәкч давтх. |
(наадын хөөн генткн Маңһс орҗ ирнә) | |
Маңһс: | Цаһан саран нәәрлҗәнәт? Цаһан Сар болшго ода би тана Окн теңгриг эврәннь харңһу һазран авад йовнав. Тана һазрт хәрү харңһу болх, хәрү мини цаг ирх!!! |
Көтлгч: | Күндтә, маңһс, тана цаг кезәнә давла Окн Теңгр Ноган дәрк хойр таниг биш тана көвүг дииллә, тиигәд мана бичкдүд танас тас әәҗәхш |
Маңһс: | Әәҗәхш нанас, әәҗәхшт!!! |
Окн Теңгр: | Мини, бичкн нәәҗнр әәҗәхш чамас, чи маңһс әәлһхнь ормд бичкдүдтә марһлд! Марлһнднч? |
Маңһс: | Марһлднав!!! |
Окн Теңгр: | Марһлданд диилвр эс бәәрхлә, уга болхич медүвч? |
Маңһс: | Медүв, медүв Окн теңгр!!! Цугтаһасинь би чидлтәв, эн бичкн көвүд күүкдиг түрүн марһанд диилвр бәрхүв!!! |
Окн Теңгр: | Нә, маңһс, түрүн марһан «Бөкнр» Наадна йовуд: Күрәлңгд (маат деер) зөрлцәд хойр наадач зогсна. Көлән чаңһур тулад, һаран нег – негнәннь эм деер тәвәд, нег – негән күрәлңгәс эс гиҗ маатас түлкҗ һарһхар седнә. Кен негән күрәлңгәс эс гиҗ маатас цугинь түлкҗ һарһснь дииләч болна. (Наадн «Бөкнр») |
Маңһс: | Яһсн, чидлтә бичкдүд бәәсмби? |
Окн Теңгр: | Нә, тиигәд харңһу һазрурн йов, мини бичкн нәәҗнр диилвр бәәрүв! Хәр, гинәв! |
Маңһс: | Уга, хәршгов, дакад нег марһлдый!!! |
Окн Теңгр: | Нә, дакад нег марһлдый! Мини бичкн нәәҗнр, цаһана боорцгуд яһҗ нерәдгинь меднә, та меддүвт? |
Маңһс: | Борцгудын нердүд (гиҗгән мааҗна) медл уга яхв!!! Цугинь яһҗ нерәдгинь меднәв, ода би мел түрүләд келәд бәәхүв!!! |
Окн Теңгр: | Ода мана хойрдгч марһан эн марһанд диилвр эс бәрхлә, харуңһу һазран хәрү йовхч медүвч!!! |
Маңһс: | Медгжәнә, зуг кен ода диилвр бәәрхнь ода медгдх! |
(Окн теңгр боорцгуд неҗәдәр авад, үзүлнә, бичкдүд, эк – эцкнр, аав - ээҗнр түрүләд нердүдин келҗ өгх зөвтә, тиигәд маңһс диилгдәд гүүһәд әрлнә) | |
Окн Теңгр: | Мини бичкн нәәҗнр хәрү мадн дииләчнр боллувидн, нанд нөкд болснд ик гидгәр байрлжанав! |
Көтлгч: | Нә, тиигәд мана цаһан сарин нәр цааранднь давҗана. Күүкд яһҗ эн боорцг нерәднә? ( Боорцг темән үзүлнә) Чик тиигәд манна манна күүкд «Темән » гидг дун маднд белглх (дун «Темән») Бичкдүд дуулсн, ода сән гидг бииһән маднд белглх. |
Бичкдүд: | (Би «Чичрдг») |
Окн Теңгр: | Нә, орсн хур гиидг, Ирсн гиич хәрдг. Эн цаһаһан байрта – бахта кесн Орчлң ни – негн Дән – даҗг уга, Амулң менд бәәх болтха!!! |
Көтлгч: | Тиигтхә!!! Сән – менд байрта һарһцхай!!! Мана цаһан сарин нәр иигәд төгсҗәнә цуһар босад биилцхәй!! |
(«Цаһан Сар» гидг дунд цугар бииллһн) |
По теме: методические разработки, презентации и конспекты
СЦЕНАРИЙ ВЫПУСКНОГО ПРАЗДНИКА В ДЕТСКОМ САДУ. Мы предлагаем вашему вниманию интересный и веселый сценарий выпускного праздника для ДОУ. «Фильм! Фильм! Фильм!»
Сценарии выпускного праздника. Интересный, увлекательный, с любимыми героями сказок....
« Чудо от доброго сердца» сценарий музыкального кукольно-драматического спектакля по мотиву сказки Ганса Христиана Андерсена «Дюймовочка» ,автор сценария — Савиных Ольга Сергеевна.
Уважаемые коллеги и родители! Представляю Вашему вниманию сценарий, по которому был поставлен спектакль с детьми старших групп. Драматургическая эклектика дала возможность раскрыть свои таланты каждом...
Сценарий музыкальной сказки-импровизации для детей 5-го года жизни "Курочка Ряба", сценарий новогоднего утренника для малышей "В гостях у Умки"
Разработка сценария музыкальной сказки -импровизации"Курочка Ряба" может быть использована к весеннему праздничному развлечению 8 марта. В сценарии использован музыкальный материал по программе ...
Сценарий организованной деятельности детей II младшей группы. Мир природы. Тема: «Помощники» Интеграция образовательных областей: «Познание», «Художественное творчество», «Коммуникация», «Физическая культура» Сценарий организованной деятельности дете
Программные задачи. Научить детей классифицировать овощи и фрукты и дать понятие, где они растут.Закрепить понятие: широкий, узкий.Развивать речь детей, мышление, внимание и память. Активи...
Сценарий физкультурного досуга для детей старшего дошкольного возраста «Если очень захочу — в космос скоро полечу!» Аксинья Попова Сценарий физкультурного досуга для детей старшего дошкольного возраста «Если очень захочу — в космос скоро полечу!» Сценар
Сценарий физкультурного досуга для детей старшего дошкольного возраста «Если очень захочу — в космос скоро полечу!»Аксинья Попова Сценарий физкультурного досуга для детей с...
Сценарии праздников.2019г. ДОСУГ по сказкам А.С.Пушкина. Сценарий утренника "До свидания детский сад". Сценарий праздника " 8-МАРТА".
1. ДОСУГ по сказкам А.С.ПУШКИНА. 2019г.2.СЦЕНАРИЙ УТРЕННИКА " ДО СВИДАНИЕ ДЕТСКИЙ САД." 2018г.3.СЦЕНАРИЙ ПРАЗДНИКА "8-МАРТА"....