Сценарий. Әсәләр нур сәсәләр.
учебно-методический материал (старшая группа)

                      Иртәлек “Әсәләр – нур сәсәләр”

Бурыстар.

Белем биреүсе: балаларға әсәйҙәр көнө тураһында мәғлүмәт биреү, легендалар, шиғырҙар, йырҙар, мәҡәлдәр аша әсәйҙәр тураһында белемдәрен тәрәнәйтеү,

Үҫтереүсе:  балаларҙың телмәрен үҫтереү; шиғырҙарҙы дөрөҫ интонация менән һөйләү, йырҙарҙы матур йырлау, бейеүҙәрҙе бейеү һәләттәрен үҫтереү,

Тәрбиәүи: әсәйҙәргә ихтирам, һөйөү тәрбиәләү.

  Балалар талғын көй аҫтына залға инәләр, ярым түңәрәк формаһында теҙелеп торалар.

Тәрбиәсе: Хәйерле көн бөтәгеҙгә лә! Шаулап – гөрләп яҙ килде, күк

йөҙөндә Ҡояш көлә, күңелдәрҙә  яҙ шатлығы, яҙ дәрте. һигеҙенсе март иң матур һәм наҙлы байрамдарҙың береһе.

 һәр йыл һайын килә был байрам,

һәр көн тыуған ҡояш шикелле.

Йылдар һайын данлай был байрам

Гүзәл кеше – әсә кеше.

Ниңә бөгөн бөтә ерҙә

Сәскәләр балҡый беҙҙә,

Ниңә ҡояш көлөп ҡарай

Шатһығыҙ барығыҙ ҙа?

Бөгөн – Әсәйҙәр байрамы

Бөгөн – ерҙә тантана!

Ҡояш шуға көлә бөгөн.

Беҙҙә бөгөн тантана. 

Балалар шиғыр һөйләйҙәр.

Йәсминә.

Әсәйҙәрҙең ҙур байрамы –

 Һигеҙенсе март бөгөн.

Байрам булғас, бигерәк йәмле,

Барыбыҙ ҙа шат бөгөн.

 Йырҙар йырлап, бейей-бейей,

Түңәрәктә уйнайбыҙ.

Әсәйҙәрҙе яратабыҙ,

Уларҙы беҙ ҙурлайбыҙ.

Дамир

“Әсәй” тигән оло һүҙҙе

Тәү башлап әйтә бала.

Әсләрҙәй изге йәндәр

Юҡтыр ул был донъяла!

Төндәр буйы йоҡламайса

Әкиәт һөйләгән – әсә.

- Үҫ, балам, үҫ тиҙерәк, - тип

 Көйҙәр көйләгән әсә.

Сабина

Бөгөн әсәйҙәр байрамы

Бөгөн ерҙә тантана.

Ҡояш шуға көлә бөгөн,

Гөлдәр шуға шатлана. 

 Ирхан

Мин әсәйемде яратам

Ул да мине ярата

Бүләк итеп йыр сығарҙым
Әсәйем тураһында.

Эмилия
Берҙән – берем - әсәкәйем

Наҙлап – һөйөп үҫтерҙе

Әсәмдең нескә ҡулдары

Ҡанат ҡуйҙы, көс бирҙе

Айгиз 

Ҡотлайбыҙ һеҙҙе әсәйҙәр

Көләс йөҙлө өләсәйҙәр

Эштә уңған апайҙар

Һигеҙенсе март менән!

Заһит 

Әсәйемде бик яратам,

Эшкә китһә, һағынам.

Китмәһен тип тағы ла,

Ҡайтһа, уға һыйынам.

Әсәй өйҙә булған саҡта

Бөтәбеҙгә күңелле –

Яҡты нурлы, йылы ҡояш

Көлөп торған шикелле.

Искәндәр

Әсәй, әсәкәйем!

Һин берҙән-берем минең.

Һин – берәү, ә икенсеһе –

Ғәзиз, киң Тыуған илем.

Ирназар.

Әсә күңелен ҡояш тиҙәр,

Унда күпме яҡтылыҡ!

Шул күңелдең яҡтыһынан

Тормош тағы балҡып китә,

Ерҙә арта яҡшылыҡ

Йыр “Әсәйемдең ҡосағы”.

Тәрбиәсе: Балалар әйҙәгеҙ өләсәйҙәрҙе лә байрам менән ҡотлап үтәйек.

Шиғырҙар өләсәй тураһында.

Нургиз 

Өләсәйем иртүк тора,

Самауырын ҡайната.

Тәмләп-тәмләп сәй эсергә

Унан беҙҙе уята.

Гүзәлиә

Өләсәйҙе яратам мин

Әсәйемдең әсәһен

Әллә ҡайҙан белеп торам

Ҡунаҡҡа киләсәген

Өләсәйем килеп инһә

Хатта гөлдәр көлөшә

Хуш киләһең, әйҙүк тием

Гүйә хәлен белешә.

Булат

Кто растит цветочки?
Самые красивые
Свяжет кто носочки?
Бабушка, бабушка,
Бабушка моя.
Бабушка, бабушка,
С праздником тебя.

Малайҙар бейеүе.

Тәрбиәсе: Ә хәҙер беҙ һеҙҙе конкурста ҡатнашырға саҡырабыҙ.

Һеҙ   әкиәттәрҙе   һәйбәт беләһегеҙ микән? Тикшереп ҡарайыҡ.

 1.Ниндәй әкиәт геройын артыҡ ышаныусанлығы, тыңлауһыҙлығы  арҡаһында төлкө ашап ҡуя? (Йомро икмәк)

2.Өләсәйенә   тәмле-тәмле   бәлештәр   алып   барыусы   әкиәт   геройы?   (Ҡыҙыл ҡалпаҡ)

 3.Әкиәттәрҙә осоп йөрөүсе ҡатынҡыҙ әкиәт геройы? (Мәскәй әбей)

 4.Ниндәй әкиәттә ҡыҙыҡай ҡустыһын ҡарарға онота һәм уны ҡоштар урлай? (Ҡаҙҙараҡҡоштар)

 5. Төлкө менән тораның дуҫлығы ни өсөн боҙолған?

 6.Айыу ниңә ҡойроҡһоҙ?

Уйындар.

“Малайҙарға аҙымлап ҡыҙҙар исемен әйтергә”.

“Йомғаҡ урау”.

“Модница”. (ҡыҙҙар ултырғыста ятҡан эшләпәне, мунсаҡты, сумочканы тағырға тейеш)

Малайҙарға “Ҡыҙҙарға сәскә йый” .

“Әсәйгә яғымлы һүҙҙәр әйтеү”.

Башҡортостан Республикаһы Хәйбулла районы муниципаль район
Аҡъяр ауылы «Бәпембә» балалар баҡсаһы баланы үҫтереү үҙәге
муниципаль автономиялы мәктәпкәсә белем биреү учреждениеһы

             Өлкәндәр  “Миләшкәй” төркөмөндә

         күңел асыу сараһы “Әсәләр – нур сәсәләр”

                                              Тәрбиәсе: Гөлиә Сәғитйән ҡыҙы Барамбекова.

                                        Аҡъяр 2021йыл