Урок 3 Л.Чадамба. Ивижилер.
план-конспект урока по чтению (3 класс) на тему

Кичээлдиң хевири: чаа билигни тайылбырлаарының кичээли.

Башкының ажыл- чорудулгазының сорулгазы:

1. Өөредилгелиг: улустуң аас чогаалының бир хевири «Ивижилер»  деп чечен чугааны  аянныг номчуп, кол утказын тодарадыр;
2. Сайзырадыглыг: уругларның харылзаалыг чугаазын, бодун болгаш эштерин үнелеп билирин, логиктиг боданыышкынын, сайгарып, деңнеп билирин, бот- тывынгыр чоруун, бот- идепкейин көдүрер; маргылдаалыг чергелиг айтырыглар дузазы- биле бодун дидим алдынарынга, бодалдарын чурумчударынга, харыыларның хөй янзы болдурарынга чедирип, харылзаалыг аас чугаазын сайзырадыр.
3. Кижизидилгелиг: дириг  амытаннарны  уругларның  кээргеп билирин,

оларга  ынак болурун кижизидер болгаш ивижилерниң ажыл- ижин

 сөзүглелдиң утказын дамчыштыр билиндирер.

Кичээлдиң дерилгези:  3-кү класстың өөредилге ному,  ажылчын кыдырааш,  карта, ивиниң чуруу, чогаалчы Л.Б.Чадамбаның чуруу , кичээлдиң презентациязы, ноутбук, мульмедиялыг    проектор.

Өөредиглиг курлавыры:

1. Кара-оол Л.С. Литературлуг номчулга. 3 класс.- Кызыл,2012.
2. Ондар Э.Д. Методиктиг сүмелер. Yшкү класстың «Төрээн чугаа» ному- биле ажылдаар башкыларга дуза. – Кызыл, 2003.
3. Кара-оол Л.С. Литературлуг номчулга. Ажылчын кыдырааш.- Кызыл, 2012.

Педагогтуг технология:  медээ- коммуникативтиг технология, кадыкшыл

            камгалаарының технологиязы, номчуп, бижип тургаш, угаап 

            сайгарылдыр    сайзырадырының технологиязы.

Өске эртемнер- биле харылзаазы:  хүрээлел

Канчаар ажылдаары:  ниити, бөлүктеп, эштежип, бот - хуузунда ажылдаары.

Өөредилгениң бүгү талалыг ажыл- чрудулгазын боттандырары (ӨБТА азы УУД):

           Бот - хуузунуң ӨБТА:

- Өөреникчиниң бодунуң туружу, бодалы;  бот - идепейи, бот- медерели: бодунуң мурнунда салган сорулгазы, ону күүсеткенинден манап турарын медереп билири, өөредилгениң чедиишкинниг болуру деп негелдеге даянып алгаш, бот- үнелелди берип шыдаары, бүгү кичээнгейни кичээлдиң ажыл- чорудулгазынче  углаары, чедиишкинниг болганын азы болбаанын чогумчалыы- биле миннип, бот- хуузунда туңнел үндүрери.

            Башкарлырының ӨБТА:

- бодунуң болгаш эжиниң чедип алган чүүлүн үнелеп билири, салдынган сорулгаларга даянып алгаш, бодунуң ажылын планнап билири, башкызының дузазы- биле кичээлдиң сорулгазын тодарадып билири, шын шиитпир үндүрүп билири, шилип алган шиитпирин бадыткап билири. Кичээлде өөреникчи чаа чүнү билип алганын медереп болгаш кичээлдиң ниити түңнелин үндүрүп билири.

             Харылзааның ӨБТА:

- Өске кижилерни дыңнап билири, бодунуң бодалын шын, тода, долу , четче илередип, туружун камгалап билири; эштежип, бөлүк ажылдар үезинде чаа билигни тып билири.

             Билип алырының ӨБЛА:  чаа алган билиин ажыглап, ону амыдыралга ажыглап чоруурун болдурар, мурнуку кичээлдерге алган  билиин системажыдар, ном- биле ажылдап билири, кол чүүлдү (херектиг, чугула) тодарадып билири, берге айтырыгларны шиитпитлээрле, чүнү кылырын тодаргай тургузуп билири. Бодунуң билир чүүлүнге даянып, хыналда айтырыгларга харыылап билири.