Сахалыы саҥарыыны уонна ааҕыыны сайыннарыы
материал по чтению (1 класс)

Кулун тутар ыйга 1-гы кылаас үөрэнээччилэригэр биирдиилээн үлэни тэрийии отчуота

Нэдиэлэҕэ саха тылын уонна ааҕыытын уруоктарыгар икки эрэ чаас көрүллэр, онно нууччалыы саҥарар оҕолору үөрэтэргэ ыарахаттары көрсөбүт, ол иһин эбии биирдиилээн эрэ дьарыктаннахха ситиһиэхпитин сөп. Сахалыы саҥарыыны уонна ааҕыыны сайыннарыы

Үлэ сыала:

• Оҕо сахалыы саҥарар дьоҕурун сайыннарыы, тылын байытыы.
• Букубаар кэнниттэн ааҕыы тэтимин уонна өйдөбүлүн тупсарыы.
• Төрөөбүт тылга тапталы уонна интэриэһи иитии.

Үлэ ис хоһооно:

1. Сахалыы саҥаны сайыннарыы:

1. Тыл оонньуулара: «Ким элбэх тылы билэр?», «Ойууну кэпсээ». Кыргыттар ойуулары көрөн ситимнээхтик кэпсииргэ үөрэннилэр.
2. Бэсиэдэ: Күннээҕи олохтон тиэмэлэргэ (дьиэ кэргэн, айылҕа, оонньуурдар) кэпсэтии ыытылынна.
3. Дорҕоон үөрэҕэ: Сахалыы ураты дорҕооннор (ө, һ, ҥ, ү, дь, нь) таба саҥарыллыыларыгар артикуляционнай гимнастика оҥоһулунна.

1. Ааҕыыны тупсарыы:

1. Сүһүөхтэр: Уустук сүһүөхтээх тыллары (дифтонгнаах, уһун аһаҕас дорҕоонноох) таба ааҕыыга эрчиллии.
2. Тэтим: Кылгас хоһооннору, таабырыннары уонна өс хоһооннорун ааҕыы.
3. Өйдөбүл: Аахпыт тиэкис ис хоһоонунан ыйытыыларга хоруйдооһун, сүрүн дьоруойу быһаарыы.

Түмүккэ

• Винокурова Аделина – Сахалыы саҥарара биллэрдик тубуста, тылын саппааһа кэҥээтэ. Ааҕыыта тэтимирбит, ис хоһоонун бэйэтэ кэпсиир буолла.
• Михайлова Снежана – Дифтонгнары уонна уһун аһаҕас дорҕооннору булкуйбат буолла. Тиэкиһи ааҕан баран сүрүн санаатын таба таайар.

Сүбэлэр:
Төрөппүттэргэ дьиэҕэ күн аайы 10-15 мүнүүтэ сахалыы кинигэни ааҕарга, кэпсэтэргэ сүбэ бэрилиннэ.

Бу дьарык түмүгүнэн Букубаарбытыгар, махтал тыллары эттибит. Оскуолабыт администрациятын, төрөппүттэрбитин уонна алын кылаас учууталларын ыҥыран Букубаар, баһыыба диэн бырааһынньык тэрийдибит.

Кылаас салайааччыта                          Северьянова А.Н.