Математика
занимательные факты по математике (1 класс) на тему

Кызыклы математика

Максат: балаларның акыл сәләтен фикерләү тизлеген үстерү. Дәресләрдә алган белемнәрен практикада кулланырга өйрәтү.

                                    Уен барышы.

Берәү,

    Икәү,

         Өчәү,

              Дүртәү...

Санарга өйрәнәбез

Әллә никадәр сан белеп

Кайтабыз өйләргә без.

                             Кызыклы сораулар.

1. Исемендә сан булган ашамлыклар әйтегез ( өчпочмак, бишбармак, һб)
2. Саннар кергән нинди мәкальләр, әйтемнәр беләсез? ( “100 сум акчаң булганчы 100 дустың булсын”, “7 кат үлчә, 1 кат кис”, “кырын эш 40 елдан соң да беленер”, һб)
3. Исемендә сан булган нинди үсемлекләр беләсез? (меңьяфрак, йөзьяшәр, һб)
4. Нинди сәгатьләр тәүлегенә ике генә тапкыр дөрес вакытны күрсәтә? (ватык сәгать)
5. Имәндә 6 алма үсә иде. Берсен өзеп алдылар, ничә алма калды? (имәндә алма үсми)

                   Башваткычлар .

1. Бүлмәнең 4 почмагы бар, аның һәр почмагында мәче. Әгәр һәр мәчегә каршы тагын 3әр мәче утырса, бүлмәдә ничә мәче бар? ( 4 мәче)
2.  Биш таякның ничә очы бар? Ә биш ярымның? (10,12)
3. Кушу гамәлләрен генә кулланып, биш 2 ледән 28 санын яз. (22+2+2+2=28)
4. 37 санын биш 3 ле ярдәмендә языгыз. (33+3=3:3=37)
5. 24 санын нинди өч бертөрле цифр ярдәмендә язып була? (22+2 яки 8+8+8)
6. 100 санын биш бертөрле цифр ярдәмендә яз? (33*3+3:3)  (5+5+5+5)*5
7. Биш 2 ледән 25 санын яса (22+2=2:2)
8. Бу фигурада ничә турыпочмаклык бар?

9. Илдар күрше авылга 1 сәг 20 мин барган. Ә кайтканда шулараны 80 мин кайткан. Ни өчен шулай икән? (1 сәг 20 мин=80мин)
10.  Ике әти һәм ике ул  алма ашагннар. Һәркайсы ничә алма ашаган? ( 1 әр алма. Бабай, ата, малай)
11.  Өстәл өстенең 4 почмагы бар, 1 почмагын кистеләр. Ничә почмагы булды? (5 почмак)
12.  Бүләдә 4 шәм яна иде. Бер шәмне сүндерделәр. Бүлмәдә ничә шәм калды7 (1 шәм, 3 се янып бетте)
13.  Икетәй, микетәй

Чабып килә ике тай

Әнә тагын 50 тай,

Шуларга куш кырык тай

Ничә булды, белмәсәң,

Монда торма, чыгып тай! (92 тай)

14. Көннәрнең исемнәрен дә әйтмичә, саннарын да кулланмыйча, кем 5 көнне рәттән атый алыр? (өченче көн, кичә, бүген, иртәгә, берсекөн)
15.  Пар ат 20 км юл үтсә, һәр ат ничә км юл үтә? (20 км)
16.  Нәрсәнең башын да ахырын да табып булмый? (түгәрәк, боҗра)
17.  Каз һәм бозаулар 25 баш, ә аларның аяклары 70. Ничә каз һүм ничә бозау бар? (10 бозау, 15 каз)
18.  Бер математик  бик арган, кичке сәг 7 дә йокларга яткан, будильникны иртәнге сәг 9 га  шалтыратырга куеп калдырган.  Будильник шалтыраганчы ничә сәг йокларга туры килер? (2 сәг)
19. Әхнәф  10  метрлы  бауны  2  шәр  метрлыга  бүлгән. Ул  бауны  ничә  урыннан  кискән? Сызып  күрсәт. (4)

20. Өч  кызның  8  китабы  бар. Һәр  кыздагы  китапалар  саны  төрле. Өченче  кыздагы  китаплар  саны  калган  ике  кыздагы  китаплар  кадәр. Кызларның  һәркайсында  ничә  китап (2, 2, 4)

Математика. 1 сыйныф.

Тема: 2 санын берурынлы саннарга кушу.

Максат:1.2санын берурынлы саннарга кушу очраклары белән таныштыру.

             2.Исәпләү күнекмәләрен үстерү.

             3. Икеурынлы саннар белән таныштыру.

             4. Уку культурасы булдыру.

Көтелгән нәтиҗә: 1. 2 санын берурынлы саннарга куша белү.

                               2. Икеурынлы сан белән берурынлы санны аера белү,ни өчен шулай икәнен                         аңлата белү .

                              3. 2санын кушу таблицасын истә калдыру.

Төп төшенчәләр: берурынлы сан,икеурынлы сан

Бурычлар:

1.Шәхесне формалаштыруга юнәлдергән УУГ: 2 санын кушу таблицасын дурес куллана белергә өйрәтү.

2.Регулятив УУГ: дәрестә үз эшчәнлегеңне планлаштыра белергә өйрәнү.

3.Танып-белү УУГ: 2санын кушканда дөрес фикер йөртергә өйрәнү; сан беләнцифр арасында аерманы белү; берурынлы сан белән икеурынлы санны аера белү;

4. Коммуникатив УУГ: Парларда, төркемдә эшли белү күнекмәләре булдыру; үз фикереңне төгәл әйтә белү.

Предметара бәйләнеш:Математика,геометрия,өйләнә-тирә,физкультура.

Ресурслар:Дәреслек “Математика” 1 класс А.Л.Чекин.Методик материаллар.СМАРТ интерактив тактасына көйләнгән презентация,мөстәкыйль эш дәфтәре,индивидуаль карточкалар.

Оештыру: Эш төре-Фронталь,индивидуаль, группалап.

                                                 Дәрес барышы

I.Оештыру өлеше.

Укучыларны дәрескә әзерләү: Бүген безнең дәресебезне Зирәк Ябалак күзәтер.Сезнең зирәклегегезне тикшерер,үзенең киңәшләрен бирер.(слайд1)

II.Төп өлеш.

1.Актуальләштерү:

1)-Саннарны арта бару тәртибендә куй

5 11 13 19 7 10 14 8 12 15 5 (слайд 2)

2)  Саннар арасыннан 1һәм 3 номерлар берурынлы саннарны әйтегез,2 һәм 4 номерлар икеурынлы саннарны әйтегез(Слайд3)

3) Дистә белән берәмлекне ныгыту(слайд 4)

2. Яңа материалны аңлау өстендә эш

1.Тактада мисаллар язылган.Алар турында сез нәрсә әйтә алырсыз.(слайд 5)

2+2     2+3    2+4    2+5

 2+6    2+7    2+8    2+9

-Һәрберсенең беренче кушылучысы 2

-Дөрес. Димәк без бүген дәрестә нәрсә өйрәнербез?

-2 санын кушарга.

-Ә без аларның җавапларын беләбезме?

-Без аларның җавапларын саннар составы буенча беләбез.

2.Индивидуаль карточка буенчаэш. Зирәк Ябалак белән тикшереп алабыз.(Слайд 6)

3.-Ә хәзер  2+9 мисалының җавабын чыгарабыз.(слайд 7)

-Ни өчен без бу мисалга аерым тукталдык?

-Аның суммасы дистәдән артып китә.

-Менә сезгә Зирәк Ябалак 2санын кушу таблицасын бирә.Сезне бик яхшы өйрәнергә тиеш.

(Слайд 8)

ФИЗМИНУТКА

-2+2(җавабын Л. әйтә) 2+4 (Җавабын буй буенча иң озыны –И. әйтә) 2+5(Кемнең туган көне сентябрьдә шул әйтә-И) 2+8(А әйтә мәктәпкә иң ерак)

3.Алган белемнәрне ныгыту.

1.Дәреслек буенча эш

№1  дәфтәргә эшлибез (җавапларны каршы күршең белән тикшер)

2. Логик фикерләүгә мәсьәләләр чишү (Слайд 9,)

1).Бер имәндә тиеннең

Яшерен биш гөмбәсе бар.

Ул тагын берне куйды

Ничә гөмбәсе булды ?    (6 )

2).Лилия бакчага керде

Биш кызыл алма күрде.

Өчесен өзеп алды,

Ботакта ничә калды?

3).Илсур,Марат һәм Динә

Бер песнәккә җим бирә

Килде тагын бер песнәк

Ничә песнәк булды әйт

4).Өч сызык белән куяннардан кәбестәләрне аер.(слайд10)

4.Дәфтәр буенча №1

5.      Раунд тэйбл (Слайд 11)

Укучылар 2не кушу таблицасын чиратлап дәфтәр битенә язып чыгалар

3.Йомгаклау

-Без бүген дәрестә нәрсә белән таныштык?

-2 не кушу таблицасы белән.

4.Рефлексия.

-Дәрес сезгә ошадымы? Зирәк ябалак белән саубуллашып .Аңа нинди бүләк бирерсез?(слайд 12)