2 класска математикадан дәрес- план конспекты
план-конспект урока по математике (2 класс)

                                                                                                                            ГБМБУ «Ямаширмә урта гомуми белем мәктәбе»

  2 сыйныфта математика дәресе

Тема: «Түгәрәк саннарны тапкырлау һәм бүлүне ныгыту».

УМК: «Перспектива».

Укытучы: Миннуллина Ания Рөстәмовна

Эшчәнлек максаты: түгәрәк саннарны тапкырлау юлларын белүне ныгыту,түгәрәк саннарны бүлү юлларын өйрәнүгә әзерләү,мәсьәләләр чишү, телдән һәм язма исәпләү күнекмәләрен камилләштерү.

Дәреснең бурычлары: мәсьәләләр,мисаллар чишү аша түгәрәк саннарны тапкырлау һәм бүлүне ныгытуга ирешү.

Көтелгән нәтиҗә: түгәрәк саннарны тапкырлау һәм бүлү юлларын үзләштерү.

Дәрес тибы: ныгыту дәресе.

Планлаштырган нәтиҗәләр.

 ШУУГ: дәрестә уңай атмосфера тудыру; актив, тәрбияле, күпне белергә теләүче укучы булу.

РУУГ: эшчәнлекне оештыра белү, үз алдыңа максат куя белү, эшеңә нәтиҗә ясау, эшеңне контрольдә тоту, игътибарлы булу.

ТУУГ: аңлатма, мәсьәләләр чишкәндә гамәлләрне дөрес билгеләү; кушу-тапкырлау, бүлү-алу арасындагы бәйләнешне күрә белү; тормышта шуларны кулланырга өйрәтү.

КУУГ: сөйләшү барышында үз фикереңне әйтә белү; төркемнәрдә эшләгәндә бер-береңә ярдәм итү, бер-береңне тыңлый белү; өйрәнгәннәрне төрле очракта куллана белү.

Укучылар эшчәнлеген оештыруформалары:парлы, фронталь, индивидуаль.

• компьютер, проектор;
• дәреслекГ.В.ДорофеевТ.Н.Миракова «Математика», 2класс,  2 кисәк;
• сигнал карточкалар; төсле фигуралар, компонент исемнәре язылган карточкалар.

Дәрес барышы.

I.Оештыру моменты.

-Исәнмесз,укучылар!

-Исәнмесез!

-Кояш чыга ,ал нурлары тәрәзә чиртә.

-Хәерле иртә балалар!

-Хәерле иртә!

- Барыбыз да бер-беребезгә һәм кунакларга карап матур итеп елмайдык.

- Күтәренке кәефтә дәресебезне башлап җибәрик,һәркайсыгызга уңышлар телим.

- Әйдәгез, дәрестә кирәк булган кагыйдәләрне искә төшереп китик.

Слайд 1.

1. Иптәшеңне игътибар белән тыңла!
2. Үз фикереңне дөрес итеп аңлата бел!
3. Тулы итеп җавап бир!
4. Аңламасаң сора!

II.Актуальләштерү.

-Дәресебезне үткән дәрес материалын искә төшерүдән башларбыз.

-Ә хәзер экранга карыйбыз.

Слайд 2.               60  6  40  33  12  20  5

• Түбәндәге саннарны нинди ике төркемгә бүлеп була? ( Берурынлы һәм икеурынлы саннар.)
• Берурынлы саннарны әйтәбез.
• Икеурынлы саннарны әйтәбез.
• Икеурынлы саннар арасында  без өйрәнгән нинди саннарны күрәсез?
• Хәзер шул түгәрәк саннарны үсә бару тәртибендә әйтеп,рәтне дәвам итегез.
• Молодцы.
• Ә хәзер дәфтәрләрне ачтык, число язабыз,сыйныф эше.

 Слайд 3

• Матур итеп 1 юл 5 һәм 7 саннарын язабыз.
• Математик диктант язырбыз,мин укыйм, сез җавапларын гына язып барасыз.

1. 30 һәм 3 саннарының тапкырчыгышын тап.(90)
2.  Беренче тапкырлаучы 40, икенчесе 2. Тапкырчыгыш ничәгә тигез?(80)
3. Нинди түгәрәк сан һәм 2 санының тапкырчыгышы 60? (30)
4.  80 килеп чыксын өчен 2 санын ничәгә тапкырларга кирәк? (40)
5.  Нинди санны 4 кә бүлсәң 20 килеп чыга? (80)
6. Мин бер сан уйладым,аны 5 кә тапкырласаң, 100 килеп чыга. Мин нинди сан уйладым? (20)
7. Түгәрәк санны 6 га бүлдем һәм 10 килеп чыкты. Мин нинди санны бүлдем? (60)
8. Бүленүче 90, бүлүче 3,өлешне тап.(30)
9. 100 һәм 2 саннарының өлеше ничәгә тигез? (50)
10. 20 саны 3 тапкыр кабатлана. Нәтиҗәне тап. (60)

-Хәзер бер-берегез белән дәфтәрләрне алмаштырып, эшләрне тактага карап тикшереп чыгыгыз.

- Сигнал карточкалары ярдәмендә эшегезгә бәя бирегез.

-Молодцы,булдырдыгыз.

III.Уку мәсьәләсен кую.

• Ә хәзер экранга карыйбыз.

Слайд 4

20 * 3              100 : 2

40 * 2               80 : 2

50 * 2               60 : 3

• Ике төркем мисалларны чагыштырыгыз.Алар нәрсә белән аерыла? (Беренче баганадагы мисаллар тапкырлауга, ә икенче баганада – бүлүгә)
• Беренче баганадагы җаваплар ничек атала? ( Тапкырчыгышлар)
• Ә икенче баганада? ( Өлешләр)
• Тапкырлау гамәленең компонентларын әйтеп,беренче баганадагы мисалларны укыгыз.
• Бүлү гамәленең компонентларын әйтеп,икенче баганадагы мисалларны укыгыз.
• Ә хәзер дәреснең темасын ачыклый алырсызмы?
• Без бүген тапкырлау һәм бүлү гамәленең компонентларын,түгәрәк саннарны тапкырлау һәм бүлүне ныгытырбыз.

 IV.Танып-белү эшчәнлеге.  

Дәреслек 23 бит №1.

• Тапкырлау һәм бүлү гамәленең компонентларын дөрес әйтеп мисалларны укырга һәм исәпләргә кирәк. Беренче партадан башлап чылбыр буенча барырбыз.
• Молодцы балалар ,булдырдыгыз.
• Ә хәзер № 2 не табабыз. (Телдән )
• Беренчесен  мөстәкыйль укыйбыз.
• Мәсьәләдә нәрсә билгеле?
• Нәрсә сорала?
• Аны белеп буламы?
• Нинди гамәл белән?
• Ничәне ничәгә бүләбез? ( 60 : 3)
• (Була 20)
• (Бер рулонда 20м обой була)
• Хәзер икенчесен мөстәкыль укыйбыз.
• Мәсьәләдә нәрсә билгеле?( 40 кирпечне ,һәрберсенә тигез итен, 2 рәткә өеп куйганнар.)
• Нәрсә сорала? (Бер рәттә ничә кирпеч?)
• Мәсьәлә соравына җавап бирер өчен нишлибез?
• Нинди гамәл кулланабыз? ( Бүлү)
• Ничәне ничәгә бүләбез? ( 40 : 2), ( Була 20)
• Тулы җавап.(Бер рәттә 20 кирпеч.)
• Молодцы,балалар.

V. Физкультминутка. Флоу зе лидер.

- Хәзер балалар,ял итеп алырбыз, флоу зе лидер структурасын кулланырбыз.Һәр укучы лидер артыннан аның хәрәкәтләрен кабатлый, музыка туктагач,икенче укучы лидер була, аннары өченче һәм дүртенче укучылар.

- Тыныч кына урыннарга утырдык.

VI. Ныгыту күнегүләре.

• Балалар дәреслекнең 24нче битен ачабыз ,№3 карыйбыз
• Беренче юлны бергәләп, аңлатып эшлибез.
• Калган ике юлны ,мөстәкыль эшлибез.
• Икенче юлны I вариант,өченче юлны II вариант эшләр.Һәр варианттан берәр укучы тактага чыгар.
• Хәзер тактада эшләгән эшләрне тикшереп чыгабыз. Әйдә Милена мисалларыңны укы.
• Балалар, мисалларның дөреслеген сигнал карточкалары ярдәмендә күрсәтегез.
• Әйдә,Камил мислларыңны укы.
• Мисалларның дөреслеген сигнал карточкалар ярдәмендә күрсәтегез.
• Молодцы!
• Ә хәзер экранга игътибар итегез,логик бирем үтәп алырбыз.                                 Слайд 5

• Бирелгән фигуралар күплеген өлешләргә бүлергә кирәк.Өч ысулны табырга тырышыгыз.
• Кем тапты,кем әзер?
• Нинди ысулларны таптыгыз? ( Төсләр буенча.Формалары буенча.Зурлыклары буенча.)
• Такта яныны чыгып күрсәтегез.

     -     Булдырдыгыз,  молодцы.

     -     Ә хәзер мәсьәлә чишеп алырбыз. Мәсьәләне Азалия укый.

     -    Шартын әйтеп чык ..... . (Бер җир участогыннан 50 кг бәрәңге, ә икенчесеннән 10 га кимрәк бәрәңге җыеп алганнар.)

     -    Мәсьәләдә нәрсә сорала?

     -    Мәсьәлә соравына бер гамәл белән җавап биреп буламы? ( Юк.)

     -   Ни өчен? ( Икенче җир участогыннан , күпме бәрәңге җыеп алганны белмибез.)

- Аны белеп буламы? ( Була.)

- Нинди гамәл белән? ( Алу.)

- Ни өчен алабыз? ( 10 кг га кимрәк диелгән.)

- Хәзер мәсьәлә соравына җавап бирә алабызмы? ( Алабыз.)

- Ничек итеп? (Кушу камәле белән.)

- Хәзер чишелеш планын төзибез.

- Беренче гамәл белән нәрсә табабыз? ( Икенче җир участогыннан җыеп алган бәрәңгене.)

- Икенче гамәл белән нәрсә табабыз? (Ике җир участогыннан җыеп алган бәрәңгене.)

- Әйдәгез тактага игътибар итегез әле,кыскача шартларның кайсысы  безнең мәсьәләгә туры килер?( Беренчесе.)

- Хәзер дәфтәрләрдә мәсьәлә чишелешен башкарабыз,тулы җавап язабыз.

- Экранга карап дөреслеген тикшерәбез.

Слайд 6

- Кемнәрнең дөрес урыннан торып басабыз.

- Молодцы балалар.

VII. Рефлексия.

- Балалар белемнәребезне бәяләр вакытта җитте.

- Мин сезгә карточкалар эләшәм,сез аны тиз арада тутырырга тырышыгыз.

- Хәзер экранга карап үзегезнең эшләрегезне тикшереп чыгыгыз.Аннары бәяләрсез.

- Кемнәр үзләренә “ 5” ле куйды басыгыз.                                                                        - Молодцы.Балалар тактада кояш күрәсез.

- Ләкин аның нурлары юк.                                                                                             - Әгәрдә сезгә дәрес ошаган, тема аңлашылган икән,кояшка кызыл төстәге нурлар куярсыз.                                                                                                                            – Әгәр дәрес материалын аңлап, берәр соравыгыз калса, сары төстәге нурлар куярсыз.

- Дәрес ошамаса, теманы аңламасагыз,чия  төстәге нурлар куярсыз.

VII. Дәресне йомгаклау.

• Без бүген дәрестә нинди белемнәрне ныгыттык?
•  Тапкырлаганда саннар ничек атала?
•  Бүлгәндә саннар ничек атала?
• Өй эше : №5 (2),№4 ,24 бит.Билгеләр кую.

- Молодцы! Дәрестә барыгыз да актив катнашты. Дәрес бетте, чыгарга мөмкин.