Федераль Дәүләт белем бирү стандартларын тормышка ашыруда проект эшчәнлеге.
учебно-методический материал (1, 2, 3, 4 класс) на тему

                                                     Хафизова Ф.Ф.

                                                  Югары категорияле башлангыч класс укытучысы

                                    “Яңа Кормаш ТГББМ” Актаныш районы

ФДББС ын тормышка ашыруда проект эшчәнлеге.

  Федераль дәүләт белем бирү стандартларына күчү шартларында укытучы эшчәнлегенең нәтиҗәле юнәлешләреннән берсе булып проектлар методы санала. Бу метод укучыларның өйрәнгән белемнәрен гамәли куллана белүләренә, мәгълүмати тирәлектә ориентлашу осталыкларына, иҗади фикерләү сәләтләренә нигезләнә.   Проектлар методы – укучы шәхесенең белем алуга иҗади якын килүенә юнәлтелгән  укыту системасы ул. Ул мәктәптә укытучы җитәкчелегендә эшләнә торган мөстәкыйль иҗади эш. Проект эшчәнлеге – төпле фикере булган балалар тәрбияләү технологияләреннән берсе. Аның нигезе - тикшеренү эше.

        Башлангыч класс укытучысы буларак, мин  проект эшчәнлеген дәресләрдә һәм дәресләрдән тыш эшчәнлек вакытында алып барам. Проект эшчәнлеге вакытында мин укучыларыма юнәлеш генә бирәм, укучылар үзләре проектның темасын формалаштыра, эчтәлеген уйлый, кирәкле мәгълүматларны таба һәм проектның нәтиҗәсен – презентацияләүне планлаштыра, төзи. Башлангыч классларда проект эше эшләү үзенчәлекле һәм кайбер шартларны үтәүне таләп итә:

1. “Балага карап эш ит” – проект бала эшләрлек булырга тиеш.
2. Проект эшен дидактик, мәгълүмати һәм материаль тәэмин итү күбрәк мәктәптә барырга тиеш.
3. Кече яшьтәге мәктәп балаларына проектның һәр этабында ярдәм кирәк.

Дөрес оештырылган проект эше балалар өчен кызыклы уенга әйләнергә тиеш. Һәр проект эше укучылардан нинди дә булса эзләнү эше таләп итә. Башлангыч класста проект эшенә тема сайлау да үзенчәлекле. Беренчедән,  ул дәрес темасына туры килердәй итеп сайлана. Икенчедән, ул укучыларның кызысынуларын исәпкә алып сайланырга тиеш, димәк танып-белү буенча гына түгел, ә иҗади характерда, кул эшләре белән. Шуңа күрә, башлангыч класста эшләү өчен проект эше темалары тәкъдим итәм:

        Эш тәҗрибәмнән чыгып, мин шундый нәтиҗәгә килдем: проект эше укучыларның танып – белү активлыгын, бәйләнешле сөйләм телен үстерә, эшне планлаштырырга, эзләнергә, нәтиҗә ясарга, эшеңне күрсәтә белергә, мөстәкыйльлеккә өйрәтә, укытуда эшчәнлекле якын килү методын  кулланырга мөмкинлек бирә. Укучыларның иҗади эшчәнлеген, логик фикерләү сәләтен үстерү максатыннан, дәресләрдә дифференцияле биремнәр , мини-проектлар төзү отышлы.  Дәресләрдә проектлар методын куллану – укучыларның иҗади сәләтен үстерүгә этәргеч булып тора. Укучыларда  яңа проектлар эшләү теләге туа һәм фәнгә карата кызыксыну уяна. Иҗади эшчәнлек тәҗрибәсенә ия булган саен укучыларның белем сыйфаты да үсә.