мастер-класс
материал

   Зечбуресь гажано тодосчиос, дышетӥсьес. Ми  Можга ёросысь Кватчи шор ёзо школаысь покчи нылпиосын ужась дышетисьёс Серафима Владимировна но Екатерина Николаевна.

Выль стандартъёсъя одӥгез валтӥсь ужпум кулэ каре анай кылэз но вордскем лулчеберетсэ тодӥсь, валась, вордскем шаерзэ яратӥсь мукет выжы калыкъёсын тупаса улыны быгатӥсь адямиез будэтыны. Трос саклык висъяськомы таӵе ужлы урокъёсамы.

Туала вакытэ нылпиослэсь анай кылэз но литератураез дышетыны мылкыдзэс ӝутон понна, пӧртэм амалъёс но кабъёс кутӥськом. Одӥгез пайдаё каб полэстэм урок. Со пиналъёслэсь визьбурзэс паськытатэ аскожазы тодон валан люканы, пӧртэм источникъёсын ужан быгатонлыкъёссэс вӧлятэ, выльзэ утчан мылкыдзэс бугырмытэ.

:  Пӧртэм предметъёсъя нылпыослэсь тодон-быгатонлыкъёссэс азинтон понна туннэ ми тиледыз тодматомы, кызьы  ужмы радъяське  полэстэм урокъёсын.

Полэстыны луэ бугорез, нош кызьы урокъёсты полэстоно?

- Полэстэм урок мар со сыӵе? Кыӵе со? Малы со кулэ?

Полэстэм урокъёс пыр удмурт кыллэсь тодон-валан сётон удысын кутӥськемзэ паськытатыны, дышетскон ужпӧрез нылпилы тунсыко карыны, улон шоры паськытгес учкыны дышетон понна.

Кылсярысь, 3 классын удмурт литературной чтение урокын В.Ар-Сергилэсь «Гирыш» вероссэ дышетыку полэстыны быгатӥськомы математика урокен.

Атаез электрик, со туж гажа атаезлэсь ужзэ. Атаезлэсь адӟем карыса котькуд быгатоно ужзэ быдэстыны тырше. Фермаын тыл кысэм. Ез чигем. Со езэз тупонъяз атаез пыдзэ вӧсь каре. Пияш электрик интые кыле но быдэстэ та секыт, кышкыт ужез.

Дэмласьком туркымен ужаны, кагазысь лэсььтыны ужез. Сётӥськомы 1 минут.

1 туркымлы: Кӧня см изолента быдтӥз Гирыш 6 см езэз изолировать карон понна? Тодмо 1 см езлы кулэ 4 см изолента.

2 туркымлы: Кӧня арес вал Вячесав Ар-Сергилы «Кама – кылбур» бичетэз потыку?  Лыдӟе но чотамдэс тетрадяды  гожтэ. (+ текст)

3 туркымлы: Лэсьтэ задачаез:

Фермаысен подстациось 100 метр. Семон агай подстанцие дыртыса мынӥз.  Одӥг минут куспын 20 м ортчиз. Кӧня минут куспын Семон агай вуиз подстанцие?

2. Кӧня дыр быдтӥз Семон агай сюрес вылэ? Тодмо, тылэз кысӥз 1 минут куспын.

- эскериськом.

 Таӵе ужъёс нылпиослэсь саклыксэс, образной малпаськон радлыксэс, валанлыксэс азьланьто, кыл тӥрлыксэс узырмыто

 Пӧртэм урокъёсты полэстыны луэ. Кылсярысь, удмурт кыл но окружающий мир.

3 классын Аснимъёс но огшоры существительнойёс темаез ортчыку таӵе уж чектыны луэ:

Текстэз пыр-поч серттэм, лыдӟем бере, ужано картаен. Аснимъёсты шедьтоно карта вылысь, но пӧртэм буёлъёсын буяно, кызьы буяно возьматэмын карта улын.

Таче ужъёс  кар, гурт,шур нимъёсты шонер гожъяны , картаысь инты нимъёсты утчан-шедьтон бордын ужан дышетэ,вераськон но гожъяськон кылзэс волятэ, вордиськем палъёсты данъян но дунъян мылкыд пычатэ.

 Тауала нылпиослэсь быгатонлыкъёссэс эскерон понна ортчо ВП ужъёс. Тодэмзэс, быгатэмзэс возьматон понна трос гинэ кулэ каре нылпилэсь тыршемзэ. Татын но дышетӥсь нылпилы юрттыны быгатэ полэстэм урокъёс пыр.

Кылсярысь,  4 классын удмурт кыл урокын вачевераськон темаез ортчыку сое полэстыны луэ таӵе ужпӧрен.  Дэмласькомы вачевераськон. (лыдӟиськом)

- Гришалэн кин луэмез потэ?

- Кин со эмъясь? (фото)

- Кыӵе ужез соос быдэсто?

- Кыӵе пайда соос калыклы ваё?

- Таӵе ужъёс пумисько впрын окружащий мир предметэн.  

- Маин Гриша эшъяське?

- Кызьы Гришалэн котькуд нуналыз кутске?

- Тае полэстыны луэ на физкультура урокен, шорен зарядка лэсьтыса.

«Тазалык ке луиз, ваньмыз луоз», шуо калыкын. Дышетон удысысь куронъёсты быдэстонын но  тазалыкез утён амалъёс валтись инты басьто.. Угось покчиос арысь аре лябытгес тазалыкен лыкто».

 Нош али нош ик ужаломы туркымен. Ӝӧк вылады вань таблицаос. Пифагорлэсь таблицазэ тодады вайыса тӥледлы бичано суред.

Таӵе ужъёсты кутыны луэ удмурт калыклэн дӥсеныз тунсыкъяськон, ас шаердэ яратон мылыкыд пыӵатон, математической тодон-валанзэс узырмытон понна.

 Пиналъёслэсь чеберлыко быгатонлыкъёссэс суредаськон устолык пыр азьланьтыны но луэ.

Суредэз, аппликациез, пластилинлэсь лэсьтӥськемез уже кутыса, мур пуштросо кылсуред кылдытыны. Нырысетӥ классын букваосты дышетыку, лэсьтӥськом пластилинлэсь гласной, согласной букваосты. Соослэн куараоссылэсь кылиськемзэс чакласа.

 Та ужрадмы полэстэм урок сярысь бере, ойдолэ полэстэм кыллы акростих гожтом.  Мар меда со сыче? Нырысь букваосты чакласа кылбур чуръёс гожтоно. Уже кутыны быгатиськоды урок, ужрадмы сярысь кылъёсты.

Дырмы быриз. Кыл сётиськом нырысети туркымлы, вералоз со кудизлэн самой кузь йырсиез.

 Нош ми таче акростих гожтимы:

П-ӧртэм ужъёс

О-дно ик пӧрмозы

Л-эсьтэм ужрадъёс

Э-шъяськозы!

С-обере дэмлаломы

Т-рос амалъёсты

Э-шшо уже пыӵатомы

М-и дэмен ужаськомы.

Огъян. 

 Дэмласькомы басьтыны кык синьыс, но соосты асьтэ малпанъёсын полэстыны.

Тиляд чакламдыя ужмы зеч пормиз ке, пайдаё потиз ке, ужады кутоды ке амалъёсмес – вож буёло синьыс,

нош малпаськиськоды ке – чуж буёло чук,

нош син медаз усьы шуыса малпады ке – горд синьыс.

Нош табере синьысъёстэс полэстэ. Полэстыса ужрад

: Та уже кутэм амалъёс вольыт, чебер но юн полэстэм синьысмы кадь нылпиослэсь тодон-валанзэс паськытатыны, ужпӧрез тунсыко карыны юртто.

.