Мастер-класс «Багшын hурагшадые hонирхуулха арганууд»
материал

Галданова Жаргалма Баяновна,

Хэжэнгын аймагай Худанай дунда һургуулиин

эхин ангиин багша

Танай анхаралда «Багшын hурагшадые hонирхуулха арганууд» гэhэн мэдээсэлээр хубаалдахамни.

Танай анхаралда 4 үнгэ: улаан, шара, ногоон, ягаан.

Али нэгыень шэлэгты.

Хэрбэеэ улаан үнгэ шэлэбэл, ехэ шударгы, урагшаа hанаатай, олон зон соо илгарма хүн гээшэт. Иимэ хүн герой гү, али хубисхалшан  болодог.

Хүн зоной сэдьхэл хүдэлгэхэ, дахуулха, ударидаха лидер гээшэт.

Харин журам, зогсонги байдалые тэсэхэгүй хүн хат.

Ягаан үнгэ шэлээ hаа, та омогтой дорюун, хүнгэн солбон, хододоо шэнэ аргануудые бэдэрдэг хүнта. Тиимэhээ хамаг юумые hайн тээшэнь болгодог,  найдабаряар, урма зоригоор бүхы тойроод байhан зониие урмашуулха шадалтай гээшэт.

Хэрбэеэ шара үнгэ шэлэбэл, таниие аалин намдуу, тэнсүүритэй, найдамтай хүн гэжэ хэлэмээр. Өөрынгөө урдахи зорилгонуудаа, харгы замаа зүбөөр тодорхойлдог, ехэхэн хүсэл эрмэлзэлтэй байнат.

Ногоон үнгэ шэлээ hаа, эбтэй эетэй, аалин намдуу, үнэн сэхэ байдалда эрмэлзэдэг гээшэт. Өөртөө ехэ эрилтэ табижа, хододоо урагшаа дабшажа, дүй дүршэлөө дээшэлүүлхэеэ хүсэдэг, һураха дуратай, хурса ухаантай, гайхалтай тэсэбэритэй байнат.  

Энэ аргые «Үзэлшэн» гэжэ нэрлээб, // хэшээлэй эхин багта, hурагшадай hонирхол татахаяа хэрэглэхэдэ тааруу гэжэ hананаб.

Энэ шатада иимэ арга hурагшадые hонирхуулха, зориг оруулха, сэдьхэл хүдэлгэхэ, урмашуулха байна.

Өөртөө зорилго табиха, тэрэнээ бэедээ даажа абаха шатада иимэ арга хэрэглэмээр:

Хэшээлэйнгээ сэдэб // hуралгын зорилго болгохо арга асуудалнуудые табижа элирүүлэгдэхэ:

1.  Юундэ hурахабибди?
2. Яагаад, ямар аргаар hурахабибди?
3. Юундэ тэрэ хэрэгтэйб?
4. Хэнтэй? Хаана?

Хэшээлэй сэдэб танюулхын тула, эмоджи гэhэн арга хэрэглэдэгби.

👩🏻‍💼 🤔 ✅

Тайлбарилжа туршагты. Эндэ мастер-классай сэдэб «Багшын hурагшадые  hонирхуулха арганууд» хадагалаатай.

hурагшадай эдэбхитэй хүдэлмэри хэхэ шатада үргэн нүлөөтэ үйлын дүнгүүд (УУД) бүрилдүүлэгдэхэдээ хоерооршье, бүлэгөөршье хамтаржа хүдэлхэ арганууд хэрэглэгдэнэ.

• Карточкануудаар хүдэлмэри дүүргэхэдээ, ямар нэгэ мэдээсэл дабтаха, тэрэниие эмхидхэн байгуулха, hанажа абаха тон хэрэгтэй арга.

Хоероороо карточкануудаар хүдэлхэдөө, hурагшад даабари дүүргэхэдээ , бэеэ даажа абана, бэе бэедээ hануулха аргатай, тиихэдээ айхаяа болино.

Мэдээсэл бэдэржэ, тэрэнээ хадуужа абахын тула «Биб гэhэн гансаараа, бидэ гэhэн бултаараа» гэhэн арга тон зохидоор таарана. Багшын үгэhэн даабарида нэгэ үгөөр харюу үгэхэ ёhотой.

Жэшээнь:   Хэн? Юун? гэhэн асуудалда харюусадаг хэлэлгын хуби.

Хэрбэеэ Юумэнэй нэрэ гэжэ зүб харюу үгөө hаань, «бултаараа» гэхэ. Буруу харюу байгаа hаань, «Гансаараа» гэхэ.

Гүйдэл диктант мэдээсэл дабтаха, хадуужа абаха арга.

Ћурагшад бүлэг болон хамтарна.

1-дэхи hурагша карточкада дүтэлжэ,уншаад, хадуужа абаад, нүхэдтөө дуулгана. Бүлэгэйхид дэбтэр соогоо бэшэнэ.  Тиигээд саашань бусад hурагшад диктант үргэлжэлүүлнэ. Текст хүсэд буулгахадаа, диктантаа шалгана.

Бэе бэеэ hорилго гэhэн арга дабтаха, бэхижүүлхэ, шалгаха ажалда үнгэргэхэдэ шухала.  Карточкын нэгэ талада асуудал бэшэгдэхэ, нүгөө таладань – харюуниинь. 

1. Ћурагша карточка абаад, нүхэртөө түрүүшын асуудал уншана
2. Анхаралтайгаар харюу шагнана.
3. Карточкын ара талада харюуень шалгана.

Моторлол гээшэ ородоор закорючка, орео зураг гэhэн удхатай.

Ямаршье мэдээсэл хүнэй тархи соо тогтохын тула гансашье уншаха бэшэ, тэрэнээ оло дахин хэлэхэ, дабтахада,  гараараа бэшэхэдэ, бүхөөр тогтохо.

Саарhан дээрэ элдэб зурагуудые: одон, зүрхэн, түхэреэн, гурбалжан г.м – гаргагты. Дүрим үзэхэ үедөө шагнажа байжа үнгэтэ биирээр шэрдэжэ болоно.

Бодомжолхо – хоюулаа – хубаалдаха  гэhэн арга дүүргэхэдээ, үхибүүд түбэгшээнгуйгоор,  зүрхэтэйгөөр харюй угэхэ байна.   Багшын асуудалда харюусахын тула hурагшад нэн түрүүн

1. бодомжолжо үзэнэ,
2. hүүлээрнь нүхэртэеэ тэрэ харюунуудаа зүбшэн хэлсэжэ,
3. бусад hурагшадтаяа хубаалдана

Хүсэлдүүлэн бэшэлгэ гэhэн арга шалгалтын шатада хэрэглэхээр.

Шалгалтада бэлдэхэдээ, тестын асуудалнуудай харюунуудые хубааха, харин гол мэдээсэлыень нюуха хэрэгтэй.

Жэшээнь: « _________ - хэн? юун? гэhэн асуудалда харюусадаг  мэдүүлэлэй ____________ гэшүүн.

Шалгалтын саарhан (чек-лист) - дүн гаргаха бүридхэлтэй саарhан.

Иимэ асуудалнуудта харюусаха хараалагдана:

• Үзэhэн сэдэб ойлгоо гүт?
• Даабари дүүргэжэ шадаа гүт?
• Ямар зорилго бэелүүлхэ хэрэгтэйб? Болон бусад.

Эдэ арганууд минии ажалда ехэ туhа хүргэдэг.

Багшын үндэр нэрэдэ хүртэhэн хадаа,  түрэл орон нютагтаа бэрхэ шадамар хүүгэдые тэгшэ замдань гаргажа, туhатай хүнүүд болгожо, hурган ябаха заяагаараа  ОМОГОРХОНОБ!