Загадки на родном языке.
учебно-методический материал (3 класс) по теме

Сæлаури хузæн – сирд,

Ахæссуй миститæ цурд.

Нартихуар нæ фæххуæруй,

Мурай ба е фæццæруй.

Нæ цæрæгой æй цæрдæг

Хæмпос ба æй æ думæг.

Мора, бæзгин æй æ кæрцæ

Цæуæн кæнуй æнæбæрцæ.

(Тæхсæл)

***

Циргъ дзæмбутæ - къæндзутæ,

Базуртæ – æ даргутæ.

(Цæргæс)

***

Гъæди цæруй аци сирд,

Æй ледзунмæ хъæбæр цурд.

Хъаурæгини ном хæссуй,

Тузмæгæй нæмæ кæсуй.

(Домбай)

***

Ка æргъузуй æнафони?

Ка нæбæл æфтауй тас?.

Еунæг карк дæр нæ кæркдони,

Ка нæ уадзуй, ка?...

(Робас)

***

Æхсæвæй-бонæй æнæ 'рлæугæй уайуй,

æма заруй.

(Цæугæдон)

***

Æхсæртæ лæседæ кæнуй,

Къалеубæл къозотæ садзуй..

Бæласи мурайи цæруй,

Рæсугъд æма цурд æзмæлуй.

(Æхсæрсæттæг)

***

Къолæбæл хæрдмæ тъуппитæ,

Бунмæ ба - сæрбехъулæнттæ.

(Тæрхъос)

***

Уорс æ кæрцæ -зумæги,

Фунукхуз ба æй сæрди.

(Тæрхъос)

***

Сæумæ цъæхи фæндурæй цæгъдуй

Æма еугурей дæр игъал кæнуй.

(Уасæнгæ)

***

Бæзгин æй æ кæрцæ,

Къæлос ба – æ сиутæ.

Хæтуй еци рæвдзи,

Зумæги, уæд сæрди.

(Фур)

***

Ци адгин æй тункъуррос!

Сурх-сурхид ба æ уалхъос.

Хори цæстæй бафсесæй,

Тонæ 'й тагъддæр бæласæй.

(Фæткъу)

***

Къæдзелгун æй, цуппæркъахуг,

Цийнæбæл телуй æ думæг.

Æй хæдзарæн ба - гъæуайгæс,

Тургъæй нин соруй дзæгъæл уæс.

(Куй)

***

Лæг нæй, рехгун ба æй,

Гал нæй, сиугун ба æй.

Æхсир дæттуй, гъог ба нæй

(Сæгъæ)

***

Хъал æй гъолæнттæ хæдонæй,

Идзаг хъæппитæ æма донæй.

Мах æй тæбæгъи æркæрдæн,

Мах æй адгинæй фæххуæрæн.

(Харбуз)

***

Иразуй е къотæртæбæл,

Дзæхæрати цопæлттæй.

Донгун гага къалеутæбæл,

Гæллеу кæнуй рæгъæдæй.

(Хæлæрдзи)

***

Мæ дарæс мин ка фæлласуй,

Е, цæстисугтæ фæккалуй.

(Гъæдзиндзæ)

***

Минкъий гъосини уорс нæмгутæ,

(Насæ)

***

Сæрдæй, зумæгæй цъæх – цъæхид дарæси,

Нæуæг анзи ба – гъазæнтæй арæзт.

(Назу-ёлкæ)

***

Хъæбæр гъар ин ес кæрцæ.

Къелти уæнгæ æ дæргъцæ.

Къæдзæ ма циргъ æ сиутæ,

Æ бунат – уазал бæстæ.

(Гал-як)

***

Тæвдæ бæсти цæрæг дæн,

Уайунмæ дæр цæрдæг дæн.

Идæрддæмæ фæлгæсун,

Стур ампъезтæй æз ледзун.

(Жираф)

***

Æй сабур æма хъаурæгин цæрæгой

Цæруй уазал бæсти, æ сиутæ тъæпæн.

Æ бакаст – саги хузæн, ласуй цонæгъи адæм.

(Тъæпæнсиуæсаг-лось)

***

Уарзун æз цади бадун,

Цъумур дон мæхебæл калун.

Сикъатæй къурццитæ кæнун,

Будури цъæх кæрдæг хуæрун.

(Къамбец)

***

Æфтауæн гъæдæбæл фæндур ауигъд.

(Уасæнгæ)

***

Тæвдæ бæсти æз цæрун.

Æрмæстдæр мистæй тæрсун.

Дзæндæл уогæй – кустахур,

Устур уогæй - æрмахур.

(Пил)

***

Цæрун бæрзонд хуæнхти,

Дæн æнæ къæдзелæй.

Мæ къæхтæ - федар,

Мæ сиутæ - тухгин.

Сæгъи хузæн мæ бакаст.

(Дзæбодур)

***

Кæсалгæ нæй – накæ ба кæнуй,

Дони дæр нæ нийхъулуй.

(Бабуз, хъаз)

***

Зумæг  уолæфуй,

Сæрди ирæзуй.

Фæззæг ба нæ æфсадуй.

(Бæласæ)

***

Алкæмæй дæр уарзондæр,

Йе  'мбæлттитæ фæлмæндæр.

Адгин æма кадгин æй,

Сувæллæнттæн ба нифс æй.

(Мадæ)

***

Къудурони буни хæмпос дортæ.

(Карки цъеутæ)

***

Е æй бæлæстæн дохтур,

Се 'знæгти син ниццæгъдуй.

Цъари бунæй даргъ къембур,

Уайтагъд золкъæ фелвасуй.

Гъæдæй къупп – къупп райгъустæй,-

Уæд бæласæ ервæзтæй!

Ка зæгъдзæнæй сумахæй,

Ка фæллæууй æргъæвдæй.

(Гъæдкъуæр)

***

Сирд æй тæрсагæ,

Уой хæццæ ба – ледзагæ.

Æнæ хæдзарæй цæруй,

Æхсæвеуат агоруй.

( Тæрхъос)

***

Æд сæрдæ, æд зумæг си мет уаруй.

(Сарсийнæ)