Что узнали. Чему научились.
план-конспект урока (3, 4 класс) на тему
Предварительный просмотр:
Урок: коми кыв
Класс: 3-4
Уроклӧн форма: восьса (открытӧй) урок
Нуӧдан кад: 18.04.2015.
Тема: «Мый ми тӧдмалім да мыйӧ велӧдчим коми кыв урокъяс вылын»
Могъяс: 1. Уськöдны тöд вылö коми кывйысь 3 да 4 классын босьтом тöдöмлунъяс.
2. Вынсьöдны коми кывйысь гижанног.
3. Сöвмöдны серни.
4. Сöвмöдны öта-мöдлы отсасянлун.
Уроклӧн заводитчӧм:
- Видза оланныд, дона ертъяс да гӧсьтъяс! Талун миян аслыссяма урок – видзӧдлам, мыйӧ ми тіянкод велалім коми кыв урокъяс вылын, видзӧдлам ассьыным тӧдӧмлунъяс да кужӧмлунъяс.
- Тіян думысь, мый ми тӧдмалам урок бӧрын? (мый ми тӧдам бура нин, а мый вылын ковмас нӧшта на уджалыштны)
1 слайд.
Тӧдмавны нӧдкыв:
Гожӧмнас руд рӧма ветлӧ,
Тӧлын еджыд гӧн век петлӧ.
Пельяс кузьӧсь, дженьыд бӧж…
Полӧ быдторйысь нэм чӧж. (кӧч)
- Мый серти тӧдмалінныд?
- Кутшӧм уджъяс позьӧ нуӧдны та серти? (челядьлон вочакывъяс)
- А ме лӧсьӧді татшӧм удж: тӧдмавны кывъяслысь кывсикасъяс (сувтлыны торйӧн быд кывсикас вылӧ)
- Кутшӧм эмакывъяс аддзанныд? (юалӧм, мый петкӧдлӧ, кыдзи вежласьӧ)
- Кутшӧм кывбердъяс паныдасьӧны?
- Кутшӧм кадакывъяс эмӧсь?
- А кутшӧм кывсикасъяс нӧшта эмӧсь?
- Вӧчам кывкӧртӧд, мый тіянкӧд уськӧдім тӧд вылӧ. (кывсикасъяс)
2 слайд.
Кӧдзыд тундраын олӧ кынь.
- Лыддям, мый сетӧма мӧд слайд вылын. Код йылысь мунӧ серниыс?
- Мый ті лыддинныд слайд вылысь? (серникузя)
- Мый тӧданныд серникузя йылысь? (артмӧма кывъясысь, петкӧдлӧ мӧвплысь помсӧ и с.в.)
- Кутшӧмӧсь овлӧны серникузяяс?
- Кутшӧм уджъяс эсько ті татчӧ лӧсьӧдінныд?
- А ме лӧсьӧді татшӧмӧс: корсьны сюрӧса да содтана юкӧдъяс. (тетрадьын удж)
- Удж прӧверитӧм. Кывкӧртӧд вӧчӧны челядь, мый уськӧдісны тӧд вылӧ.
Шойччӧм.
3 слайд.
Вӧр Удж Ар
- Мый миянлы ӧні сетӧма? (кывъяс)
- Кутшӧ уджъяс эськӧ лӧсьӧдінныд ті? ( мыйӧн ӧткодьӧсь да торъялӧны, серникузяяс лӧсьӧдны и с.в.)
- Вӧчам татшӧм удж: вайӧдам ӧткодь кыввужъя кывъяс. (тетрадьын удж)
- Мый ми уськӧдім тӧд вылӧ, вӧчам кывкӧртӧд. (кыв тэчас)
4 слайд.
Ош, вӧркань, руч, мой, кынь, сьӧдбӧж.
- Видзӧдлам да лыддям, мый миянлы сетӧма.
- Тіян думысь, мыйла ме тіянлы сеті тайӧ кывъяссӧ?
- Ми тіянкӧд тӧд вылӧ эг на уськӧдӧй шыяс да шыпасъяс. Видлӧй юкны кувъяссӧ 2 пельӧ та серти. (тетрадьын удж)
Кывкӧртӧд вӧчӧм.
5 слайд.
Л…бачьяс, быт…ӧ, пон…яс, че…чыштіс, …жва, шонд…, туй…яс, мун…с, с…ӧлӧм, чери(нянь), бать(мам), кӧин(кодь), веськыд(кодь)
- Кутшӧ уджъяс позьӧ татчӧ лӧсьӧдны?
- Гижам тетрадьӧ кывъяссӧ, думайтам кесйӧгъяс, кадыс кӧ лоӧ - вайӧдам видлӧгъяс)
- Мый ми уськӧдім тӧд вылӧ? (Кывкӧртӧд – кывъяслысь гижанног)
Кывкӧртӧдъяс вӧчӧм.
- Кутшӧм уджъяс воисны сьӧлӧм выланыд?
- Кутшӧм буртор босьтінныд аслыныд тайӧ урок вывсьыс?
- Кутшӧм уджъяс артмисны бура, а кӧні ковмис дырджык юртӧ жуглыны?
- Коді тіянлы урок вылас кажитчис медся активнӧйӧн?
Велöдчысьясон ассьыныс уджъяс донъялöм.
- Тетрадьӧ донъялам ассьыным уджнымӧс.
- Ставнытӧ аттьӧала бур уджысь!
По теме: методические разработки, презентации и конспекты
Урок по русскому языку в 1 классе " О чём узнали? Чему научились?"
На уроке поставлена цель: развивать умения правильно строить текст, видеть главную мысль, находить в тексте изученные орфограммы, опасные места....
Урок: Что узнали? Чему научились?
Цели: совершенствовать вычислительные навыки и умение решать текстовые задачи; развивать внимание и логическое мышление.Планируемые результаты: учащиеся научатся выполнять письменные вычисления ...
![](/sites/default/files/pictures/2013/08/03/picture-230607-1375535683.jpg)
Открытый урок математики "Что узнали. Чему научились."
Открытый урок математики был проведён 6.03.2013года....
![](/sites/default/files/pictures/2013/08/23/picture-283757-1377278683.jpg)
Обобщающий урок "Что узнали. Чему научились." 1 класс
Учащиеся повторяют таблицу сложения, развививают умение использовать изученные приемы вычислений, решать задачи и примеры изученных видов....
![](/sites/default/files/pictures/2013/12/08/picture-363019-1386486557.jpg)
Урок математики в 1 классе. Тема: Что узнали. Чему научились.
Урок математики в 1 классе. Тема: Что узнали. Чему научились....
![](/sites/default/files/pictures/2014/08/25/picture-278864-1408985255.jpg)
Что узнали. Чему научились.
Интегрированный урок математики, русского языка, окружающего мира, литературного чтения. Все предметы объеденины темой "Родина"и "Дружба" .На уроке демонстрируется заранее подготовленная проектн...