« Золгохо еhо - Сагаан hарын hайндэрɵɵр амаршалха еhо»
план-конспект урока (3 класс)

Сэдэб: « Золгохо еhо - Сагаан hарын hайндэрɵɵр амаршалха еhо»

Зорилго: «Золгохо еhо - Сагаан hарын hайндэрɵɵр амаршалха еhо» гэhэн сэдэбээр hурагшадай мэдэсыень гγнзэгырγγлхэ ; Тγрэл арадайнгаа еhо заншалнуудые сэгнэжэ, γргэжэ, сахижа ябахыень хγмγγжγγлхэ; «Золгохо еhо» тухай ойлгожо, мэдэжэ абаhанаа хэрэглэжэ ябаха.

Хэрэгсэлнууд: Презентаци, ноутбук.

                                         Хэшээлэй ябаса:

І. Оролто угэ

-Слайд харагты. Юун гэхэ байнат? Хэн ойлгооб, мунɵɵдэр бидэ юун тухай хɵɵрэлдэхэбди?

-Зай, мунɵɵдэр манай сэдэб: « Золгохо еhо» - Сагаан hарын hайндэрɵɵр амаршалха еhо».

- Арюун Сагаан hараар,

Арад зоной найраар!

Сагаан сэдьхэлhээ бэе бэеэ

Сагаалганаар золгоел даа!

- Сагаалганай γдэр. Танай гэртэ айлшан ерэбэ. Хайшан гэжэ угтахабта?

( Хоер hурагшад урда гаража, золгохо еhо харуулна). Аханиинь гараа дэлгээнэ, дγγниинь тохоногhоонь барин угтан абадаг. Энэ ямар удхатайб?

Дγγ зон аха зоноо γргэжэ, тэдэндээ туhалжа байха, хари аха зониинь дγγнэртээ шадаха, мэдэхэ юумэеэ, дγй дγршэлɵɵ дамжуулха гэhэн удхатайл даа.

- Золгоходоо юун гэжэ хɵɵрэлдэдэг бэ?

-Амар мэндээ!

-Мэндээ!

- Сайн байна гγт?

-Сайн!

- Шэнэ жэлдээ hайн орожо байна гγт?

-hайн.

- Буруунтнай булшантай, даагантнай далантай гγ?

-Булшантай, далантай.

-Слайд харагты.( Слайд дээрэ хγнγγд бэе бэетэеэ золголдоно).

- « Золгохо еhо» - Сагаалганай гол шухала еhонуудай нэгэн. Удхань ямар бэ гэхэдэ, сагаалганай амаршалгада тон онсо хандалга байhан юм. Тγрэл гаралдаа, аха заха зондоо нангинаар хандажа, шэнэ жэлдэ элγγр энхэ, амжалтатай байхыень хγсэдэг. Сагаалганда эгээн тγрγγн ахашуулаа амаршалдаг. Буряад араднай хэр урда сагhаа хундэмγγшэ зангаараа суутай юм.

- Золгоходоо бэе бэедээ бэлэг баридаг. Бэлэгээ хайшан гээд барихабди? ( Бэлэгээ хадаг дээрэ табяад баридаг, бэлэг абажа байhан хγн заал hаа hуугаад абаха еhотой).

-Зай, айлшаднай ерээ, бэе бэетэеэ золголдообди, бэлэгγγдээ баряабди. Саашань юу хэхэбди?

- Зγб, столдоо hуулгажа хγндэлнэбди. Юугээр хγндэлхэбди? Саашаа юун болоноб?

- Аман γгын дээжын нэгэн – γреэл. Сагаалганай γдэртэ бэе бэедээ hайниие хγсэжэ, γреэлнуудые хэлсэдэг.

_ Ямар γреэлнуудые мэдэхэбта?

- Дуугаа дуулая. Еохороо хатарая!

ІІІ.Тобшолол

- Ехэ бэрхэнγγд байнат! Саашадаа « Золгохо еhо» - Сагаан hарын hайндэрɵɵр амаршалха еhо» мартангуй, сахижа ябаарайгты!