Әлифба бәйрәме.Сценарий
материал по теме

1.Алтын яуган көзге көндә      

Тыйнак үттек класска

Әлифбаны кулга алдык

Әй,сөендек шул чакта.

2.Әни белән бергәләшеп        

Әзерләдек сумкамны.

Пеналыма тезеп куйдым

Карандаш һәм ручкамны.

3.Хәрефләрне тиз өйрәндек,    

Сүзләр төзеп уйнадык.

Көн дә иртән сагынып килдек,

Мәктәптән без туймадык.

Җыр”Хәерле иртә”

1 укучы: Хәзер сезне үзебез белән таныштырабыз.

1. Мин Фирүзә-тырыш кыз                                                                                                                                                               Барысына да өлгерәм
Җырлыйм,биим,дәресемне дә
Бик оста сөйләп бирәм.

2. Гаиләдә без алты кеше,
Бишенчесе мин, Салават  булам
Карлар көрим,утын ярам
Укуда да булдырам.

3.Мин буламын Энҗе                                                                                                                               Русча дөрес,матур сөйлим
Яратам исәпләргә.

Матур-матур сүзләр өстәп
Әкиятләр сөйләргә.

БЕРГӘ:     Әгәр ничәү дисәгез ?

                  Без класста өчәү

                 Аерылмас дус булып

                  Тату булып үсәбез .

ҖЫР:   Дуслык турында

Укытучы: Бүгенге бәйрәмдә төп кунак  Әлифба булырга тиеш. Әйдәгез аны бәйрәмгә  чакырыйк!

Балалар:   Әлифба, безнең бәйрәмебезгә рәхим ит!  (әлифба керә)

Күңелсез генә «Әлифба» китабы керә.

- Карагыз әле,укучылар,нишләптер безнең кунак бик күңелсез.Ни булды икән аҗа  аңа?                  

- Мин исемемне югалттым. Озак эзләдем, таба алмадым.

- Без аңа булышырбызмы,балалар?

- Булышырбыз!

-Дусларым, мин сезгә табышмаклар бирәм. Аларны сезгә укырга,җавапларын таба табарга кирәк беренче хәрефләреннән сүз төзесәгез, минем исемем килеп чыгар

1.Сары булгач, тәмледер дип,

   Капкан идем мин аны.

   Әче булса да, файдалы,

   Яратам мин … ( «лимонны», «л» хәрефе чыга.)

2.Кая барсаң, күз алдында,

   Һәрчак күңелдә яши.

   Ул – безнең иң  якын кеше,

   Ул кеше – безнең… (барысы бергә «әни», «ә» хәрефе чыга.)

3.Ул бүрәнә ташып йөри

   Кара урман эчендә.

   Һаман тора күз алдымда,

   Күрсәмдә тик төшемдә. ( «фил», «ф» хәрефечыга

4.Иртән дә, кич тә кирәк,

   Ул кирәк әйбер - … ( «икмәк», «и» хәрефе чыга.)

5.Эз салып кара тактага

   Ап-ак куян әйләнә.

   Әйләнгәләп йөри- йөри

   Үзе бәләкәйләнә. («акбур», «а» хәрефе чыга.)

6. Без-без безелдәп,

    Кортлар җыялар мине.

    Салкын тиеп авыртканда

   Дәвалыймын мин сине. ( «бал», «б» хәрефе чыга.)

Килеп чыккан хәрефләрдән балалар сүз төзиләр (Әлифба)

Әлифба:Нинди сүз килеп чыкты? Менә беренче китабыгызның исеме.Нинди зур шатлык!  Рәхмәт сезгә, балалар!

- Балалар, әйдәгез, «Әлифба» китабына бер җыр җырлап күрсәтик әле.

Җыр: «Әлифба»

Әлифба:Менә хәзер мин сезнең белемнәрегезне тикшереп карыйм. Минем алып килгән сорауларыма җавап биреп карагыз әле.

-  Нинди аваздан сүз башланмый?(ң)

- Тавышсыз хәрефләрне әйтегез (ь, ъ)

- Татар телендә авазлар ничә төркемгә бүленә? ( тартыклар, сузыклар)

- Шигырьне дәвам итик: Көннәр якты булсын өчен, ...

                                          Ашлар тәмле булсын өчен, ...

                                          Йокы татлы булсын өчен, ....

                                          Иң кадерле кеше җирдә, ....

Әлифба.  Рәхмәт, дусларым! Минем тырышуларым юкка булмаган икән.

Укытучы:Бәйрәмебезнең икенче кунагын каршы алыйк.(«Математика» дәреслеге керә.)

-Исәнмесез, кадерле дусларым. Минем дә сезне сынап карыйсы килде әле. Сез инде мине Әлифба белән бергә укый башладыгыз. Бик күп мисаллар, мәсьәләләр чиштегез. Әйдәгез әле, кем җитез, кем зирәк икән?

1) Керпе гөмбәгә барган

9 ак гөмбә тапкан.

3 не куйган энәсенә

Калганын кәрзиненә.

Керпе ничә гөмбәне кәрзиненә куйган?

2) 7 малай урамга

Чыкты футбол уйнарга

3 әү килде тагын да

Исәплә син барын да!

3) Айдар китте урманга

Тәмле җиләк җыярга

Менә 10 җиләк тапты

5 не авызга капты.

Ничә калыр чиләккә?

5) Ак каенда 3 чыпчык

Түбәдә 5 сыерчык.

Әйтмәс микән берегез,

Барысы ничә кошчык?

Афәрин, дусларым! Мин бик шат, рәхмәт сезгә. Алга таба уңышлар телим сезгә Кызыл калфак керә. Ул балалар белән русча сөйләшә.

Кызыл калфак: Здравствуйте, дети.

Укучылар: Здравствуй,Красная шапочка.

Кызыл калфак: Откуда вы меня знаете?

Укучылар: Мы про тебя сказку читали.

Кызыл калфак: А знаете,куда я иду?

Укучылар:К бабушке идешь.

Кызыл калфак:Да,ребята,я иду к бабушке. Вот для неё хотела собрать ягоды,грибы. Они не простые,с заданиями. Поэтому я не могу их положить в корзину. Ребята,помогите мне,пожалуйста. ( Балалар гөмбә,җиләкләрне алалар. Аларның артына биремнәр язылган).

1. -Назовите  названия дней недели на русском языке.
2. -Сосчитайте от 1 до 10 на русском языке.
3. -Сколько букв в русском алфавите? (33)
4. -Сколько гласных? (6) Какие они? (а,о,у, и, э, ы)
5. -Какие  птицы вы знаете?
6. -Отгадайте загадки: Идут, идут, а с места не сойдут (часы).  Сам алый, сахарный, кафтан зелёный,бархатный (арбуз). Днём молчит, ночью кричит, по лесу летает, зверят пугает  (филин, сова).

-Расскажите мне скороговорки.

Кызыл калфак: Спасибо,ребята! До свидания! Я побежала к бабушке.

Укучылар: До свидания!

“Әдәби уку” ,”Татар теле”дәреслекләре керә.

Исәнмесез, минем матур,

Сөекле дусларым.

Тырышып укучы

Кызларым, улларым.

Әлифба бәйрәмен

Мин котлыйм ихластан

Афәрин, дусларым,

Уңгансыз һәр яктан.

“Татар теле”          

Исәнмесез, дусларым!

Мин “Татар теле” буламын.

Күрәм, Әлифбаны өйрәнгәнсез,

Матур итеп сөйлисез.

Туган телне яратсагыз,

Тагы да күп белерсез.

Туган тел – иң татлы тел.

Туган тел– иң тәмле тел.

Тәмле дип телең йотма,

Туган телне онытма!

Җыр:”Туган тел”