«Веселый зайчонок»
план-конспект урока по технологии (1 класс) на тему

Темазы: «Веселый зайчонок»

Сорулгазы:   Күскү бүрүлер-биле хөглуг койгунакты кылыры.          

                   Уругларнын чогаадыкчы,сагынгыр,тывынгыр чоруун сайзырадыр.

                   Уругларны черлик дириг амытаннарга ынак болурунга,бойдуска

                    сонуургалдыг база бойдусту камгалаарынга кижизидер.

Дерилгези:  Хачылар,хырбалар,өңнүг картоннар,

                     1өөреникчиге-ле 10 бүрү,3 урезин

                            Кичээлдиң чорудуу

1.Организастыг кезээ

2.Өөреникчилерниң кичээлге белеткелин хынаары.

(өөреникчилерниң  херекселдери четче бе? Хынаар)

Хачылар ,хырбалар,бүрүлер,урезиннер,картоннар.

3.Кичээлдиң  темазын,сорулгазын дыңнадыры.

-Мен тывызык ыдар мен,тывар силер.

                               Тывызык.

Дөрт алышкы , дөрт өңнуг.(Чылдын 4 үези)

-Ам кайы уел?(Күс)

-Күстү чүү  деп мактаарыл?

-Алдын күс-бүрүлер алдын-сарыг апаар.Ырактан арганы көөрге алдынналып

көстүр.

-Күс-тодуг үе.Ногаа,чимис,тараа ,кат,тоорук быжа бээр.Мал-маган семирий

берген турар. Кижилер-даа, мал-маган-даа, аң -мең -даа-шупту аштавас.

-Бо күстүң  кайы үезил?

-Эгези бе? Ортузу бе?Төнчүзү бе?

-Күс -өске үелер-биле дөмей-3 айлыг:Сентябрь,октябрь,ноябрь.

-Бо болза –күстүң  ортаа  айы -октябрь-дыр.

-Сентябрьда-арга-арыг-бүрүлер-биле шыптынган турган болза, ам октябрьда

арга кандыг-дыр?

-Бүрүлер дүшкен.Ыяштарда ийи-чаңгыс сөөлгү бүрүлер арткан.

-Силер орус дылды өөренип турар силер, ам орус тывызык ыдар мен, тывар силер, кичээнгейлиг болуңар;1.Зёлёный - висит,

                                                    Жёлтый - летит,

                                                    Чёрный - лежит.(лист-бүрү)

2.С ветки в речку упадёт, и не тонет, а плывёт.(лист)

3.Зимой беленький, а летом- серенький. Никого не обижает. А всех сам боится.

4.Что за зверь лесной. Встал, как столбик под сосной.

     И стоит среди травы -уши больше головы. (Зайчик)

-Бис , ам  дүшкен сарыг бүрүлерден хөглуг койгунчугашты кылыр бис.

-Койгун кандыгыл?

-Бичии, кыжын- ак,чайын- бора, узун-узун  кулактарлыг,буттары база узун, холдары, кудуруу -чолдак.

-Ооң  онзагайы-2 будунуң  кырынга туруп келир.

   -Кортук.

   -Уя-бажың  азы үңгүр - кылбас!

  -Дыка чугурук (маңнаар).Араатан аңнардан ооң буттары камгалап чоруур.

3.Ажылды кылырының  тайылбыры(инструктаж)

-Шупту картоннарны мурнунга салып алыр.

-Дараазында;бүрүлерни бо дүрзүге дөмейлеп салыр.

-Салып алгаш,оон хөрээнден эгелеп хырбалаар…

4.Өөреникчилерниң  бот ажылы.(Башкы өөреникчилерге айтып берип, дузалажыр)

                    Физминутка.  Койгунчугаш халып чору

                                            Кончуг таптыг өттүнээли

                                            Хокпаңнадыр шурагылаал

                                            Холдарывыс часкагылаал

Дилги көруп каан дижик

Дидирээли,сирилээли

Дилги ырай берген дижик

Дидим, чоргаар шошкуптаалы.

                                              Бажыңынга келген дижик

                                               Партаже базыптаалы

                                               Шыпшың , шөлээн удаан дижик

                                               Шимээн чокка олураалы.

-Кымнар хырбалап доозуп алды,уруглар?(Дооскан уруглар холдарын көдүрер)

-Койгун дугайында кандыг ырылар, шулуктер, тывызыктар билир силер?

(Билир ыры,шүлүк,тывызыктарын уруглар ырлаар,шүлүктээр,ыдар,бир

эвес шуут билбес болза,бажыңга онаалгага бээр)

Бажыңга онаалга.

Койгунчугаш дугайында шүлүктер ырылар шээжилээр.