Физкультура уен эшчәнлеге. Тема: « Кар бөртекләре» (1 кечкенәләр төркеме )
план-конспект занятия по физкультуре (младшая группа)

 Физкультура уен эшчәнлеге.                                    

  Тема:  « Кар бөртекләре»  

      1 кечкенәләр төркеме                                                                                                                                                                                                                

 Алдан әзерлек : кышкы табигать күренешләре белән танышу,төрле хәрәкәтле уеннар уйнау.                                                              Ярдәмлек: кояш рәсеме , дуга , 2 шнур , уенчык эт , кар бөртекләре.     Кулланма әдәбият : 1. Я. Лайзане “Кечкенәләр өчен физкультура”        2. “ Уйный ,  уйный үсәбез” К. В . Закирова .                                                                                        Уен эшчәнлегенең структурасы .                                                                            1. Оештыру өлеше – 2 минут .                                                                                   Йәрү , аяк очында йөрү , йөгерү .                                                                         2. Төп өлеш –  10-15  минут.                                                                                            Гомуми күнегүләр .                                                                                                    Төп күнегүләр :                                                                                                            1. Дуга астыннан куллар белән идәнгә тимичә чыгу .                                    2. Ике линия арасыннан гәүдәне төз тотып йөрү .                                             Хәрәкәтле уен : “ Йонлач көчек” .                                                                      3 өлеш  2-3  минут . Йомгаклау өлеше .                                                             Максат :                                                                                                                        1. Балаларны бер-бер артлы йөрергә , йөгерергә өйрәтүне дәвам итү , простанствода ориентлашуны камилләштерү , дуга астыннан куллар белән идәнгә тимичә чыгарга өйрәтү , 2 линия арасыннан гәүдәне төз тотып йөрүне ныгыту.                                                                         2. Уенга кызыксыну уяту ,  үзлектән эш итүне үстерү .                                 3. Бер-берсенә дустанә мөнәсәбәт тәрбияләү .                                              

                         Эшчәнлекнең барышы .                                                                    -  Балалар бүлмәбездә ни өчендер күңелсез , ни өчен икән ? Ә мин белдем , бүлмәбезгә бүген кояш кермәгән икән . Әйдәгез әле бергәләп кояшны чакырабыз .                                                                             Кояш чык , чык , майлы ботка бирермен ,                                          Майлы ботка казанда , тәти кашык базарда .                                              Тәти кашык мең алтын , кирәкми безгә салкын .                                              – менә кояш та чыкты , күңелләребез дә күтәрелеп китте . Әйдәгез бер-бер артлы йөрибез , аяк очларында барабыз , кар бөртекләре кебек очабыз ( йөгерү).                                                                                              

                                   Түгәрәккә басу.                                                                        1.- Балалар әйдәгез кояшка үреләбез .                                                               Төп торыш : куллар аста , аякларны әз генә ачу , кулларны өскә күтәреп аяк очына күтәрелү  ( 5-6 тапкыр ).

2.Кинәт җил исте.

Төп торыш: аякларны әз генә ачу,  кулларны өскэ күтәрү: уңга, сулга,  иелү (3 әр тапкыр).

3. Урамда бик күп кар яуды.

Әйдәгез кар бөртекләрен күзәтик.

Төп торыш: куллар билдә, аякларны ачу, алга иелү (5-6 тапкыр).

4. Кар бөртекләре әкрен генә җиргә төшә.

 Төп торыш: куллар ян- якта, аякларны әз генә ачу, чүгәләү басу (5-6 тапкыр).

5. Кар бөртекләренең матурлыгына соклану.

Төп торыш: корсакка яту, кулларны яңакка кую, аякларны хәрәкәтләндерү (5-6 тапкыр).

6. Шатланышып шикергәләү.

7. Кояшка үрелү (сулыш алу, чыгару).

Төп торыш: куллар аста, аяклар бөргә кулларны өскә күтәрү, аяк очына күтәрелү (3 тапкыр).

                                      Төп хәрәкәтләр:

1. Дуга астыннан куллар белән идәнгә тимичә йомарланып чыгу. (Дуга янына килеп җиткәч, чүгәләү йомырлану һәм дуга астыннан чыгу, дуганы селкетмәскә)
2. 2 линия арасыннан гәүдәне төз тотып йөрү (20 см арасы)

Эт килеп керә:

-Исәнмесез балалар , сезнең күңелле тавышыгызны ишетеп кердем, минем дә сезнең белән уйныйсым  килә.

-Балалар маэмай белән уйныйбызмы? Хәрәкәтле уен “Йонлач көчек” (2-3 тапкыр)

     “Әнә ята йоклап көчек

      Борынын сузган ул ничек

      Йоклаганга да охшый

      Эллэ юриме мышный

      Уятыйк үзен торсын

      Нәрсә булса да булсын”

3. Тыныч уен “Без карлар”

Без карлар , кар очабыз

Түбән таба төшәбез

Җитәбез дигәндә җил белән китәбез

Без карлар, кар очабыз

Түбән таба төшәбез

Җил тынган арада , утырып ял итәбез.

-Балалар без сезнең белән бүген физкулҗтура эшчәнлегендә нәрсә эшләдек: кар бөртекләре белән уйнадык , дуга астыннан кулларны идәнгә тидермичә чыктык , 2 линия арысыннан йөрдек , маэмай белән уйнадык.

-Рәхмәт балалар, менә сезгә бүгенге эшчәнлек истәлеге итеп кар бөртеге бирәм.