Юл йөрү кагыйдәләренә өйрәтү
материал на тему

Баланы урамда үз-үзен тәрбияле тотарга, куркынычсызлык кагыйдәләрен сакларга өйрәтүдә ата-ананы башка берәү дә алыштыра алмый!

   Мәктәпкәчә яшьтәге бала түбәндәгеләрне үзләштерергә тиеш:

• Зурлардан башка юлга чыгарга ярамый!
• Юл – машиналар өчен генә, җәяүлеләр өчен – тротуар бар!
• Светофорда яшел ут янгач кына, җәяүлеләр сукмагыннан юлны аркылы чыгарга мөмкин!
• Билгеләнмәгән урыннардан һәм якын килүче транспорт алдыннан юлны аркылы чыгарга ярамый!
• Җәмәгать транспортлары тукталышында автобус, трамвай, троллейбусларның кузгалып киткәннәрен көтәргә һәм шуннан соң гына юлны аркылы чыгарга кирәк!
• Юл йөрү кагыйдәләре белән көндәлек, мәҗбүри итмичә, урамда, юлда һәм ишек алдында булган вакыйгаларны кулланганда гына баланы юл йөрү кагыйдәләренә төшендереп була!

Юл йөрү кагыйдәләрен беркайчанда үзегез бозмагыз!

• Урам кагыйдәләренә бала зурлардан үрнәк алып өйрәнә! Юл фаҗигаләреннән баланы саклау – зурларның бурычы.
• Ата-аналарга куркынычсызлык кагыйдәләрен өйрәтүдә түбәндәге маршрутны кулланырга кирәк:

• “Балалар бакчасына минем юлым”

• Баланы юл вакыйгаларын күзәтергә өйрәтү урамга чыккан беренче көндә үк үткәрелергә тиеш. Моңа вакыйгаларны һәм хәрәкәтләрне күп тапкырлар күзәтү ярдәм итә. Моның өчен бакчага бару, кайтү юллары бик уңайлы.

Киңәшләр.

• Бала юлдан ашыгып йөрмәсен өчен өйдән иртәрәк чыгарга кирәк.
• Баланың машина юлын кистереп түгел, ә турыга чыгуын күзәтегез. Бала төшенергә тиеш: бу аның күзәтүен арттыра.
• Юлдан чыкканда бала белән сөйләшүне туктатыгыз. Ул бөтен уй-фикерен юлга юнәлтергә күнегергә тиеш.