Занятие по теме"Татар халык әкияте “ Өч Кыз”
план-конспект урока по развитию речи (младшая группа) на тему

Шөгыль :Сөйлэм телен устеру. 

Тема:Әкият уку.Татар халык әкияте “ Өч Кыз” 

Максат:1)Баланы әкият аша халкыбызның мәдәниятенэ алып керу. 

2)Гореф-гадәтлэрне саклап калу . 

3)Әкият геройлары аша “Яхшылык явызлыкны җиңэ” дигэн төшенчэне тәрбиялэу 

4)Эстетик һэм әхлакый шәхес тәрбияләу. 

5)Әнилэргэ карата мәхәббәт хисе уяту. 

Җиһазлау:курчаклар,тиен,аю,чәчәкләр,кәрзин,урман сурәтләнгән рәсемнәр. 



Кулланылган әдэбият:”Раушан көзге”татар балалар әдәбиятыннан хрестоматия.20 бит. 

Сузлек:как коям,урмэкуч.камыр,яхшылык җирдэ ятмас. 

Шөгыль барышы: 

Тэрбияче:Балалар.хэллэрегез ничек?Яхшымы? 

Балалар:Яхшы. 

Тэрбияче:Балалар,ә хәзер бергәләп,кузләрне йомабызда урманга барабыз.Йомдыгызмы? 

Балалар:Йомдык. 

Тэрбияче:Урманга барып җиттекме? 

Балалар:Җиттек. 

Тэрбияче:Әнә.еракта-аланлыкта бер кечкенә генә өй күренә,аллы-гөлле чәчәкләрдә үсә,шулаймы балалар?Сез күрдегезме ул өйне? 

Балалар:Әйе,күрдек. 

Тәрбияче:Менә балалар,хәзер мине игьтибар белэн тыңлыйбыз.Балалар сез ничек уйлыйсыз урман эчендэ бу өйдә кемнәр яши икән? 

Балалар:убырлы,аю.тиен,төлке һэм башкалар. 

Тәрбияче:Сез бик дөрес әйтәсез,урман эчендәге өйдә сез әйткән аю да,төлке дә яшәргә мөмкин.Тик бу өйдә Әниләре белән 3 кыз яшәгән.Ә хәзер мин сезгә татар халкыбызның “Өч кыз”әкиятен сөйлим.Сез тыңлап карагыз әле,сезгә ошармы икән? 

Өч кыз. 

Борын-борын заманда булган икән,ди,бер хатын.Аның булган,ди,өч кызы,бу хатын,кызларының өсте бөтен,тамаклары тук булсын ди-ди,көне-төне эшләгән,ди. 

Менэ кызлар үсеп буйга да җиткәннәр.Алар берсеннән-берсе матур ,ди.Өч кыз туган,бер-бер артлы кияүгә чыгып, китеп тэ барганнар. 

Менә бер ел үткән,ике ел,өч ел үткән.Шулай матур гына яшәгәндә.әниләре авырып китә.Күрше урамда тиен дусты бар икән,шуны дәшеп әйткән: 

-Тиен дустым,барсана.кызларыма әйтсәнә,хәлемне белергә килсеннәрче,-дигән. 

Тиен шунда ук чыгып йөгергән.Тиен барып тәрәзә какканда,олы кыз җиз ләгәннәр чистартып торадыр иде.ди. 

-Һай,-дип әйткән,ди.олы кыз,-бик барыр идем дә бит аңарча менә шушы ләгәннәрне чистартып бетерәсем бар иде шул,-дигән,ди. 

Тиен моңар бик ачуланган да әйткән: 

_Алайса.син шушы ләгәннәреңнән мәңгегә аерылма!-дигән. 

Тиеннең шулай дип әйтүе булган,ике ләгән кызны 2 якктан китереп тә кысканнар.Олы кыз егылган да шунда ук гөберле бакага әйләнгән. 

Тиен уртанчы кызга чапкан.Уртанчы кыз бу кайгылы хәбәрне ишеткәндә,киндер суга икән.Тиенгә әйткән: 

-Һай,-дигән,-әнием янына барыр идем дә бит,менә ярминкәгә киндер сугып өлгертәсем бар иде шул,дигән. 

Тиен бик ачуланган да әйткән: 

-Алайса син гомерең буе киндер сугып кына тор!-дигән.Уртанчы кыз шунда ук үрмәкучкә әверелгән.Тиен тәрәзәсен какканда кече кызның камыр баскан чагы икән.Ул бер сүздә әйтмәгән,камырлы кулларын да сөртеп тормаган,чыккан да әнисе янына йөгергән. 

Тиен кече кызга әйткән: 

-И сөекле бала,гомер буе игелек күр,кешеләрне бәхетле ит,аларга куаныч та,юаныч та бул.Кешеләр дә синең яхшылыгыңны мәңге онытылмаслар,-дигән. 

Кече кыз чыннан да бик рәхәт гомер кичергән,халык аны бик яраткан.ди. 

(укып беткәч йомгак ясала) 

Тәрбияче:-Балалар сезгә әкият ошадымы? 

-Әкиятнең исеме ничек? 

-Хатынның ничә кызы булган? 

-Бер ничә елдан соң әниләре нишли? 

-Әниләренең дусты кем була? 

-Ул кызларны кая чакыра? 

-Олы кызы нәрсә дип җавап бирә һәм нәрсәгә әверелә? 

-Уртанчы кызы нәрсә дип әйтә һәм нәрсәгә әверелә? 

-Ни өчен алар гөбелегә һәм үрмәкүчкә әвереләләр? 

-Ә кече кыз кая чыгып йөгерә? 

-Балалар кайсы кыз сезгә бик ошады һәм ни өчен? 

-Ә кемнәр ошамады? 

(балалар барысыда җавап бирәләр) 

Балалар:Әнинең икенче кызы ошады. 

Тәрбияче:Ни өчен? 

Әйе,чөнки алар әниләренең авыргач хәлен дә белмәгәннәр,килмәгәннәр дә. 

Әфәрин балалар,бик дөрес. 

Әйдәгез балалар бер уен уйнап алабыз. 

Мин Әни булам.Ә сез минем балаларым.Минем кәрзиндә шакмаклар-мин аларны сезгә өләшеп чыгам.Чөнки мин сезне бик яратам.Шуның өчендә сезгә матур сүзләр әйтеп өләшәм. 

(тәрбияче балаларга,матур сүзләр әйтә-әйтә чәчәкләр өләшә:үскәнем,җимешем,матурым,булганым һәм башкалар.) 

Тәрбияче:Булдырдыгыз балалар.Ә инде мин эләшкән чәчәкләрегезне әниләрегезгә алып кайтып бүләк итәрсез.Чәчәк бүләк иткәндә матур сүзләрегезне дә әйтергә онытмагыз.Әниләрегезне беркайчан да үпкәләтмәгез,яратыгыз,саклагыз.