Сценарий "Көз матур бер көндә". Урта яшьтәге балалар төркеме өчен.
методическая разработка

Көз матур бер көндә

(Урта яшьтәге балалар төркеме өчен)

Алып баручы. Балалар, без бүген сезнеӊ белән ел да үтә торган зур бәйрәмгә җыелдык. Табигатьтә барлык үсемлекләр әйтерсеӊ лә берсеннән-берсе матуррак күлмәк кигән: агачларда сары-кызыл яфраклар.

Залга кулларына көзге яфраклар тоткан балалар керә.

«Яфраклар бәйрәме» дигән җырлы бию башкарыла.

1. Яңгыр түгел, кар да түгел,

Яфраклар ява җиргә.

Көз турында җырлыйм әле

- Кушыл син яңа җырга.

Кушымта:

Сары, сары, сап-сары

Агачның яфраклары.

Җил исә, ява яфрак –

Көзнең матур чаклары

2. Оча яфрак, уйный яфрак,

Һаваларда әйләнеп.

Бүген, бүген, бүген, бүген

Яфракларның бәйрәме!

Кушымта.

Җыр бетүгә, балалар яфраклар артына качалар. Алып баручы яфракларны җыя.

Алып баручы. Күпме матур яфраклар. Мин  аларны җыеп, вазага зур букет ясап утыртыйм әле.

1 нче бала. Менә көз килде.

Салкынча җилле.

Агачларда яфраклар

Саргайган инде.

2 нче бала. Бездәге кошлар

Көньякка китте.

Сизелмичә дә

Җылы җәй үтте.

3 нче бала. Көз ашыга агачларга

Үз бизәген салырга:

Урманнарны, болыннарны

Буяп китә сарыга.

«Көз килде» җыры башкарыла.

4 нче бала. Көзге матур бер көндә

Куян йөгергән өенә.

Аланнар буйлап та,

Болыннар буйлап та.

Кәрзинендә булган, ди,

Төрледән-төрле гөмбә.

Кулына кәрзин тотып, зур Куян керә.

Куян.        Бүген иртән әни миӊа

Кушты гөмбә җыярга.

Һәр гөмбәне кәрзинемә

Кирәк салып куярга.

Матур көй яӊгырый. Сикергәләп, җырлый-җырлый, ике нәни Куян керә.

Куяннар (җырлыйлар).

Без дә бит сезнеӊ кебек

Табигатьнеӊ баласы.

Дөнья киӊ ул, һәркемгә

Җитәр аныӊ һавасы.

Кушымта:

Ал да булаек әле,

Гөл дә булаек әле.

Без җырламый, кем җырласын,

Без дә җырлаек әле.

Аланда төрле-төрле гөмбәләр баш калкыта.

2 Ак гөмбә (бергә).

Без – ак гөмбә,

Без – батыр гөмбә.

Курыкмыйбыз беркемнән дә,

Менә шундый кыю гөмбә.

2 Гөреждә (бергә).

        Без - г