Мадæлон æвзаджы бæрæгбон 2026
план-конспект занятия (подготовительная группа)

Республикæ Цæгат Ирыстон - Алани

7 – æм МУНИЦИПАЛОН БЮДЖЕТОН РÆВДАУÆНДОН

Мадæлон æвзаджы

 бæрæгбон

Подготовила:

воспитатель по осетинскому языку

Плиева Альбина Эльбрусовна

г. Алагир

2026 г.

(ирон мелодийы цагъдмӕ сывӕллӕттӕ ӕрбацыдысты залмӕ)

Хъомылгæнæг: Уӕ бон хорз нӕ зынаргъ сывӕллӕттӕ! Ӕгас цӕуыт нӕ уазджытӕ!

Сывӕллӕттӕ кӕрӕдзийы къухтыл ӕрхӕцут. Кӕрӕдзимӕ уӕ мидбылты бахудут ӕмӕ уӕ хорз зӕрдӕйыуаг кӕрӕдзийӕн балӕвар кӕнут рӕвдауӕн ныхӕстӕй.

(сывӕллӕттӕ кӕрӕдзийӕн дзурынц рӕвдауӕн ныхӕстӕ)

1. Уӕ райсом хорз

2. Ӕнӕ низӕй цӕр

3. Хъӕлдзӕг бонтӕ дын кӕнӕд

4. Дӕ адӕмӕн уарзон у

5. Бирӕ азты фӕцӕр

6. Дӕ хистӕрты фӕндиаг у

7. Хорз бонтӕ дын кӕнӕд

8. Рӕсугъдӕй, ӕнӕнизӕй цӕр

9. Царды хорздзинӕдтӕй хайджын у

10. Ӕз дӕ бирӕ уарзын

11. Ды мӕ хур дӕ

12. Ды мӕ зӕрдӕ дӕ

13. Стыр бузныг

14. Табуафси

15. Мӕ зӕрдӕйы уидаг

16. Цы рӕсугъд дӕ

Хъомылгæнæг: Уӕ цӕрӕнбон бирӕ, бирӕ бирӕ рӕвдауӕн ныхӕстӕ зонут. Ныр та суадзут уӕ къухтӕ ӕрбадут уӕ бандӕттыл ӕмӕ райдайӕм на бӕрӕгбон.

(сывӕллӕттӕ ӕрбадтысты сӕ бандӕттыл)

Абон 21 февралы ӕппӕт адӕмы хӕттытӕ бӕрӕг кӕнынц мадӕлон ӕвзаджы бон. Алы адӕмыхаттӕн дӕр ис йӕхи взаг Мадӕлон взаг хонӕм цыцы ӕвзаг, кӕцы йын дзурынц нӕ мадӕлтӕ, нӕ фыдтӕ, нӕ нанатӕ ӕмӕ бабатӕ ӕмӕ йӕ кӕй зӕгъын хъӕуы сывӕллӕттӕ дӕр.

Сывӕллӕттӕ, ӕз уын ӕрбахастон тынг ахстиаг ӕмӕ хъӕугӕ дзаума.

Зӕгъут ма ацы дзаума цы хуыйны?

Сывæллæттæ: Ацы дзаума хуыйны глобус (зӕххы къопп)

Хъомылгæнæг: Глобус та цы у?

Сывæллæттæ: Нӕ зӕххы къори, ӕрмӕст къаддӕр хуызы райсгӕйӕ

Хъомылгæнæг: Тынг раст сабитӕ, нӕ зӕххы къори ахуырст у алы хуызон ахорӕнтӕй. Зонут сӕ алы ахорӕнӕн йӕ нысан цы у уый?

Сывæллæттæ: Ӕрвхуыз – денджызтӕ ӕмӕ фурдтӕ, кӕрдӕгхуыз – хъӕдтӕ ӕмӕ быдыртӕ, бур ӕмӕ морӕ та – хӕхтӕ ӕмӕ ӕдзӕрӕгрӕттӕ (пустыня)

Мах ма дзы ноджы уынӕм алыхуызон паддзахадтӕ.

Сывӕллӕттӕ зонут мах цы паддзахады цӕрӕм уый куыд хуыйны уый?

Сывæллæттæ: Мах цӕрӕм Уӕрӕсейы паддзахады.

Хъомылгæнæг: Тынг раст. Бакӕсут ма экранмӕ (презентация).

Экраны лис Уӕрӕсейы картӕ. Нӕ райгуырӕн бӕстӕ. Иннӕтимӕ абаргӕйӕ Уӕрӕсе у се’гасӕй дынджырдӕр паддзахад. Уӕрӕсейы картӕйыл алы хуызтӕй бӕрӕг сты республикӕтӕ ӕмӕ горӕттӕ. Нӕ паддзахадон арӕнтӕ та нысангонд сты сырх хуызӕй. Уӕрӕсейы сӕйраг горӕт у Мӕскуы. Махӕн дӕр нӕ республикӕ ис Уӕрӕсейы зӕххыл.

Зӕгъут ма сабитӕ, нӕ республикӕ цы хуыйны?

Сывæллæттæ: Нӕ республикӕ хуыйны Цӕгат Ирыстон Алани.

2 слайд: Цӕгат Ирыстоны картӕ. Тырыса, герб.

Хъомылгæнæг: Тынг раст загътат. Ацы картӕ та у нӕ республикӕйы. Сымах мын дзурут нӕ горӕтты нӕмттӕ, ӕз та уын сӕ картӕйыл амондзынӕн.

(Амоны 6 горӕты картӕйыл ӕмӕ хъӕутӕ дӕр)

Хъомылгæнæг: Цӕмӕн хонӕм Ирыстон нӕ райгуырӕн зӕхх. Алы адӕмыхаттӕн дӕр йӕ нацийы бӕрӕггӕнӕнтӕ сты йӕ мадӕлон ӕвзаг, культурӕ, цардыуаг, зондахаст ӕмӕ цӕрӕнбынат. Уыдонӕй се’ппӕтӕй сӕйрагдӕр у мадӕлон ӕвзаг.

Ӕмдзӕвгӕ «Ирон ӕвзаг» бакӕсдзӕн Алина

Ирон ӕвзаг, цӕй диссаг дӕ!

Ӕвзӕгты хсӕн куыд аив дӕ!

Куыд зынаргъ дӕ ирон лӕгӕн

Ныййарӕгау мын адджын дӕ.

Ирон ӕвзаг мӕ цӕсты рухс

Нӕртон ӕвзаг, дӕуӕй дӕн буц

Ӕз райгуырдтӕн дӕ зӕрдӕйӕ

Хӕссыс мын фарн ныфс дӕтгӕйӕ.

Зарӕг «                  »

Хъомылгæнæг: Сывӕллӕттӕ ныр та нӕм ис викторинӕ. Фӕдих ма уӕм дыууӕ къордыл.

1 къорд – стайтӕ

2 къорд – фыранктӕ

Нӕ размӕ ис ӕртӕ хӕслӕвӕрды

Байхъусут фыццаг хӕслӕвӕрдмӕ:

Зӕгъ сӕ иу дзырдӕй цы сты уый.

1 къордмӕ:         фаткъуы, алтъами, чылауи, кӕрдо

цырыхъытӕ, уатдзабыртӕ, туфлитӕ

хуырх, дзӕбуг, зӕгӕл, фӕрӕт

къус, тӕбӕгъ, агуывзӕ

2 къордмӕ:         джитри, булкъ, цывзы, картоф

къаба, хъуырбӕттӕн, хӕдон, худ

бӕх, хъуг, куыдз, фыс

арс, бирӕгъ, уызын, рувас

Дыккаг хӕслӕвӕрд

Ӕз уын дзурдзынӕн дзырд, сымах та йын ыссарут йӕ ныхмӕвӕрд дзырд.

1 къорд:        Дынджыр – гыццыл

                Адджын – туаг

                Уӕрӕх – нарӕг

                Бӕрзонд – ныллӕг

                Рӕсугъд – фыдуынд

2 къорд:        Хъӕлдзӕг – ӕнкъард

                Бон – ӕхсӕв

                Уазал – хъарм

                Тагъд – сабыр

                Фӕлмӕн – хъӕбӕр

Ӕртыккаг хӕслӕвӕрд

Базон аргъау.

1 къорд:

• Мыстмӕ куы фӕдзырдтой, уӕд цавӕр халсар ыстыдтой бинонтӕ? (булкъ)
• Сызгъӕрин айк чи асаста?
• Хӕдзары цӕрӕгойтӕ куы арбацыдысты уӕд байӕфтой ӕнӕфснайдӕй ӕмӕ ма бандон   дӕр састӕй. (ӕртӕ арсы)
• Мыст хъӕды гӕнахы куы ӕрцард уӕд дзы дыккаг чи ӕрбахоста дуар? (хӕфс)
• Ӕртӕ хъыбылы мад дон хӕссынмӕ куы ацыд, уӕд ыл чи сымбӕлд? (бирӕгъ)

2 къорд:

• Зӕронд бирӕгъ фӕстагмӕ кӕй бахъавыд бахӕрынмӕ? (дыгӕрдыг)
• Кӕмӕн атадис уалдзӕджы йӕ хӕдзар? (рувасӕн)
• Аргъауы архайджытӕй уыдис се’гасӕй тымбылдӕр ӕмӕ адджындӕр. (тыппырон)
• Ӕртӕ хъыбылы (наф-наф, ниф-ниф, нуф-нуф) цӕмӕй скодтой хӕдзӕрттӕ?
• Арс ма кӕй хаста чыргъӕды гуылтимӕ? (Машӕйы)

Хъомылгæнæг: Тынг хорз сабитӕ, бирӕ аргъӕуттӕ зонут. Ӕмӕ ӕмбисӕгндтӕ та зонут? Мадӕлон ӕвзаджы тыххӕй?

Хъазт:

• Мадӕлон ӕвзаг, мады ад кӕны. Лаура
• Не взаг – нӕ хӕзна. София
• Мадӕлон ӕвзаг, хуыцауы лӕвар. Мария
• Нӕ иудзинады нӕ хъару. Алибек
• Нӕ иумӕйаг зӕхх, нӕ сой у. Захар
• Ахуыр кӕн ӕцӕгӕлон ӕвзаг, дӕхи ӕвзагӕн та аргъ кӕн! София
• Чи цал ӕвзаджы зоны, уал тыхджын у!

Хъомылгæнæг: Уӕ цӕрӕнбон бирӕ сывӕллӕттӕ, мӕ зӕрдӕ тынг барухс.

Ӕмдзӕвгӕ: бакӕсдзӕн Дана

Нӕ фӕцӕрин ӕз иу бон дӕр нӕ зӕххыл

Куы нӕ уаид мӕ мадӕлон ӕвзаг

Куы ауайынц нӕ урс хӕхтӕ мӕ цӕстыл

Кӕйдӕр бӕстӕ мын фесты уӕд знаг!

Дӕ кад мӕнӕн ӕрвон хурау зынаргъ у

Дӕ рӕвдыдӕй мӕ зӕрдӕ хайджын у

Нӕ фыдӕлты ӕмбисонд мын цырагъ у

Дӕ таурӕгъ та – мыдау мын адджын у!

Хъомылгæнæг: Ахӕм рӕсугъд рӕнхъытӕй мах фӕуыдзыстӕм нӕ бӕрӕгбон. Сывӕллӕттӕ, уӕ зӕрдыл дарут, нӕ мадӕлон ӕвзаг нӕ хъӕзныгдзинад кӕй у уый, нӕ сӕр бӕрзонд кӕмӕй хӕссӕм уыцы взаг. Ӕмӕ йӕ ма рох кӕнут, цӕсты гагайау ӕй хъахъхъӕнут.

Хӕрзбон!