1 нче сыйныфта математикадан дәрес эшкәртмәсе
методическая разработка (математика, 1 класс) по теме

1 сыйныфта  математика фәне өчен ачык дәрес конспекты.

УМК “Перспектива”

Дәреслек авторлары: Г.В. Дорофеева, Т.Н. Миракова.

Тема:     Сантиметр.

Максат: Укучыларны озынлык үлчәү берәмлеге сантиметр белән                                

                таныштыру. Логик фикерләү сәләтләрен үстерү.

                Телдән исәпләү күнекмәләрен    камилләштерү. Иптәшләренә

                 карата ярдәмчеллек тәрбияләү.

Дәреснең бурычлары:

1. Озынлык үлчәү берәмлеге- “сантиметр” төшенчәсен бирү;
2. Линейка ярдәмендә үлчәргә өйрәтү;
3. Практик күнекмәләрен үстерү;
4. Укучыларның игътибарлылыкларын, хәтерләрен үстерүгә җирлек тудыру;
5. Математика фәненә мәхәббәт тәрбияләү;
6. Парларда, төркемнәрдә һәм компьютерда  эшли белү күнекмәләрен камилләштерү;
7. Үзбәя бирү.

Дәреснең тибы:  яңа  материалны өйрәнү.

Укыту методлары:

1. проблемалы;
2. күрсәтмәле;
3. өлешчә-эзләнүле

Материал:УМК «Перспектива»  «Математика» 1 класс,  Рабочая тетрадь  2

                   часть.

Җиһазлау:күрсәтмә материал, линейка, төсле ленталар,  

презентация, мультфильм.

Ирешелергә тиешле нәтиҗә: сантиметр белән  озынлык үлчәү берәмлеге

                                                  буларак дөрес куллана алулары; линейка      

                                                  ярдәмендә турыларны үлчи һәм сыза алулары.

                                                Дәрес барышы.

I . Оештыру өлеше.

    -Балалар, бүген безнең гади генә дәрес түгел. Бездә бүген кунаклар бар. Сез аларга игътибарыгызны юнәлтмичә, башка көннәрдәге кебек тырышып эшләрсез дип ышанып калам.

 II. Уңай психологик халәт тудыру.

-Дәресебезне психологик гимнастикадан башлап җибәрик.  Бик үзенчәлекле серле утрауда яшәүчеләр бер-берләренә һәрчак яхшылык бүләк иткәннәр.  Ә ничек дисезме? Бик гади. Алар кул бирешкәндә, уч төпләре очрашуга, аннан нәни генә очкын – кечкенә кояшчык кабынган. Ул бик нәни булганлыктан кулларын пешермәгән, ә уч төпләрен җылыткан гына. (Музыка уйный)Хәзер сез дә янәшәгездә утырган иптәшегез белән  җылылык бүләк итешегез әле. Бер-беребезгә карадык, кулларны кулга алдык, елмайдык. Җылылык тоясызмы? Кәефләрегез ничек?  Шушы җылылык сезнең һәм безнең арада дәрес буе саклансын.

III.Актуальләштерү. (Ноутбук белән)

-- Ә хәзер сезнең телдән исәпләү күнекмәләрегезне тикшерерү максатыннан “Отличник”  уенын төркемнәрдә эшләрбез.

IV. Проблемалы ситуация. Яңа темага әзерлек.

-Барыгыз да күзләрегезне йомыгыз. Сезнең алда мин бүген гади укытучы гына түгел, ә бер һөнәр иясе булачакмын. (Күзләрен ачалар)

- Мин кем инде балалар?

-...

-Җир йөзендә һөнәрләр бик күп, тегүче – иң кирәк, мактауга лаек һөнәр ияләренең берсе. Тегүче нинди  сыйфатларга ия булырга тиеш?

-...

- Әйе, балалар тегүче дөрес итеп үлчи, кисә һәм матур ите тегә белергә тиеш.

Бүген мин – тегүче, ә сез минем булышчыларым булырсыз. Сез ризамы?

-...

Яхшы, рәхмәт. Ә хәзер минем мастерскоема рәхим итегез. Монда төрле төстәге ленталар эленгән.( Ленталарның тигез озынлыкта булуына басым ясала.) Һәр партадан берәр кеше чыгып 1 лента аласыз һәм парта өстендәге кәгазь тасмалар белән үлчисез. Тасманың озынлыгын кәгазь тасмаларга карандаш белән язып куясыз.

-мультиктан өзек “38 попугай”(“Еланны үлчәү”)

-Менә сезгә 2 очрак. Тасмалар һәм елан. Ике очракта да үлчәмнәр төрле-төрле чыкты. Ни өчен дип уйлыйсыз?( Ленталарны чагыштырулары)

-......

-Тасма кыскарак булган саен күбрәк, ә озын булгада сан әзрәк чыкты. Ә мультфильмда иң зур хайванныкы иң аз, ә иң кечкенә попугайныкы иң күп чыкты. Я, нинди нәтиҗә чыга инде?

-...

-Әйе, балалар. Үлчәмнәр бер төрле булырга тиеш. Математика төгәллекне ярата. . Димәк, безнең саннар бер төрле чыксын өчен нәрсә кулланырга кирәк?

-.......(линейка)

- V.Яңа тема белән танышу.

    -Шуның өчен без бүген озынлык үлчәү берәмлеге-сантиметр белән танышырбыз. Ул кыскача болай языла – СМ.  Озынлыкны 0 дән башлап үлчибез.  Без алдагы дәресләрдә дә линейка куллана идек. Аның белән ниләр эшләдек?

-.....

 -Без бүгеннән  линейка ярдәмендә геометрик фигураларның озынлыкларын үлчи һәм сызарга  өйрәнәчәкбез.

1. 1 см. ничә дәфтәр шакмагы булыр икән? Линейкалар белән үлчәп карыйк әле.
2. ...
3. (Парларда эш) Ә хәзер таякчыкларның озынлыгын үлчибез.
5. Бик борынгы заманнарда линейка һәм башка приборлар булмаганда, кешеләр нинди үлчәүләр кулландылар икән?
6. ...
7. Алар гәүдәләренең төрле өлешләрен озынлык үлчәүдә оста куллана белгәннәр. Ә без дә бит һәрчак үлчәү өчен җайланмалар алып йөри алмыйбыз. Моны белеп тору бер дә комачау итмәс.
8. Чирек –баш һәм имән бармак арасы
9. Терсәк- терсәктән урта бармак башына кадәр ара.
10. Аршин- кулны колачлагач, бер бармак очыннан икенче бармак очына кадәр ара.
11. Фут- үкчәдән бармак башына кадәрге аралык.

VI. Ныгыту.

      -Дәреслек белән эш.

№4 3 квадрат сыздыру.

Мәсьәлә № 8 (телдән)

-----Физкультминутка

                                 “Колобок”

Дәфтәрләрдә эш.

№1, №2

“Күлмәк тегү” уены.

VII.     Белемнәрен тикшерү.

-Ә хәзер сезгә ничә яшь, шул кадәр озынлыкта кисемтә сызыгыз.

VIII.  Дәресне йомгаклау.

-Без бүген дәрестә нәрсәләр белдек?

-Озынлык үлчәү берәмлекләре ни өчен кирәк?

-Тормышта кайчан кирәк булырга мөмкин?

IX.    Рефлексия.

    Сез бүгенге дәрестә үзегезгә нинди бәя бирерсез икән? Сезнең өстәлләрдә өч төрле  төймә бар-яшел, сары, кызыл. Әгәр  бүгенге дәрестә сез барысын да яхшы аңладыкдип уйласагыз яшел төймә күтәрәсез.

  Әгәр инде кайбер өлешләрдә авырлык тойгансыз икән сары төймә күрсәтәсез.

 Ә бер ни дә аңламасагыз  кызыл төймә күтәрәсез.

.