Мастер-класс «Технология оценивания образовательных результатов обучающимися»
методическая разработка

МУНИЦИПАЛЬНОЕ БЮДЖЕТНОЕ ОБЩЕОБРАЗОВАТЕЛЬНОЕ УЧРЕЖДЕНИЕ
«БАРАГХАНСКАЯ СРЕДНЯЯ ОБЩЕОБРАЗОВАТЕЛЬНАЯ ШКОЛА»

___________________________________________________________________________________

671642, Республика Бурятия, Курумканский район, с. Барагхан, ул.Ленина, 35. Тел. 8(30149)92-2-94

e-mail: baraghanschool@yandex.ru

Межрайонный семинар-совещание учителей бурятского языка и литературы

«Перспективы сохранения и расширения преподавателей бурятского языка в школах Курумканского и Баргузинского районов»

Организаторы: ГКУ РЦ «Бэлиг», кафедра бурятского языка и методики преподавания ВИ БГУ,

МБОУ «Барагханская СОШ»

Мастер-класс

Тема «Технология оценивания образовательных результатов обучающимися»

Разработала: Очирова Валентина Намуевна,

учитель начальных классов МБОУ «Барагханская СОШ»

Курумканского района

Барагхан

2017

Мастер – класс 4-хи класста

Сэдэб: Һурагшадай бэеэ гуримшуулаад ябаха шадабари бүридхэлгэ: өөрынгөө ажал багшатаяа сугтаа урид зохёогдоһон тусхай критеринүүдээр шалгаха.

Зорилго: Һурагшадые өөрынгөө ажал шалгажа һургаха, тусхай критеринүүдые бүридхэжэ һургаха, тэрэ критеринүүдээр ажалаа сэгнэжэ һургаха.

Мастер классай ябаса:

1 шата. Эмхидхэлэй үе.

Багша: Сайн байна, үхибүүд! Мүнөө Хурумхаан аймагай  түб ерээд, таанадаараа уулзаһандаа би аргагүй баяртай байнаб.

- Би мүнөө тандаа карточканууд дээрэ бэшээтэй үгэнүүдые ба тэмдэгүүдые харуулхаб. Тэдэниие хараад, мүнөө хэшээлдээ юу хэхэбибди гэжэ таанад өөһэдөө тааха ёһотойт.

- Хэн таагааб? Юу хэхэбибди мүнөө хэшээлдээ? (Өөрынгөө ажал шалгажа, сэгнэжэ һурахабди.)

- Тон зүб. Өөрынгөө хэһэн ажал шалгаад, сэгнэжэ һурахабди, мүн тусхай критеринүүдые бүридхэжэ һурахабди.Тиимын түлөө танай хүн бүхэнэй урда «Сэгнэлтын хуудаһан» үгтөөтэй байна. Энэ хуудаһан соо таанад өөрынгөө ажал шалгаад, сэгнэлтэ табижа байхат. Сэгнэлтын ондо ондоо арга хэрэглэхэбди. (Багша «Сэгнэлтын хуудаһантай» һурагшадые танилсуулна)

2 шата.

1-дэхи даабари.

Танай урда текст үгтэнэ. Уншагты. Доро үгтэһэн даабарини дүүргэгты.

Талын жэргэмэл

Жэргэмэл тухай дуулаа һэн гүт? Тэрэ шубуухай борбилоогой шэнээн бэетэй, сагаахан үбсүүтэй, борохон үнгэтэй юм.

Жэргэмэл хүдөө тала газарта байрладаг. Поли дээгүүр ниидэжэ, аяар дээрэ аятай хүхюунээр жэргэдэг.

Жэргэмэл үбһэ ногооной узуурта, хонхосог соо уургайгаа заһаба. Тэрээн соогоо газарай үнгэтэй үндэгэнүүдые гаргаба.

Текстэдэ тусэб табигты:

1.

2.

3.

Шалгалта ба сэгнэлтэ.  Самбарта:

1. Жэргэмэл  ямар шубуун бэ?

2. Жэргэмэл хаана байрладаг бэ?

3. Жэргэмэлэй уургай.

Багша: Шалгагты. «Сэгнэлтын хуудаһан» соо түсэбэйтнай нэгэдэхи (хоёрдохи, гурбадахи) пункт зүб һаань, ногоон үнгөөр шэрдэгты, буруу һаань, улаан үнгөөр шэрдэгты.

2-дохи даабари.

Багша: Энэ текст сооһоо 2-хи мэдүүлэл буулгажа абагты. Энэ ажал хэхэһээ урид буулгажа абалгын тусхай критеринуудые гаргая. Ямараар бэшэхэбди? (Һурагшадай харюу)

Критеринууд:

1. Зүбөөр, алдуугүйгөөр;
2. Үзэгүүдые, үгэнүүдые гээхэгүй;
3. Сэбэрээр бэшэхэ.

Багша: Гаргаһан критеринүүдээ баримталан бэшэгты.

Шалгалта ба сэгнэлтэ. Нүхэртэйгөө дэбтэрээ андалдан, шалгагты. Хажуу тээ үгтэһэн Шугам дээрэ сэгнэгты.

3-дахи даабари.

Багша: Мүнөө 2 бүлэг болоод ажаллахабди. Бүлэг бүхэндэ карточка дээрэ даабари үгтэнэ. Иимэ асуудалда харюусагты: Жэргэмэлэй үндэгэнүүд юундэ газарай үнгэтэй байгаа хаб? Энэ даабарида хахад минута үгтэнэ.

Шалгалта ба сэгнэлтэ. Самбарта:

Юундэб гэхэдэ, жэргэмэлэй үндэгэнүүд газар дээрэ обёоржо харагданагүй.

Багша: Зүб харюу үгөө һаа, «Зүб» гэһэн үгэ доогуурнь зурагты, буруу харюу үгөө һаа, «Буруу» гэһэн үгэ доогуурнь зурагты.

4-дэхи даабари.

Багша: Карточканууд дээрэ текст үгтэнэ. Зурлаагай орондо таараха дахуул үгэ табигты.

Онголо шубуун __________ мэдэхэ гүт? Тэрэ ой соо, хуша модон ________ байрладаг. Үбэлдөө эдихэ һамараа набша намаа ___________ нюудаг. Заримдаа тэрэнээ олодоггүй. Тиимэһээ онголо _________ хуша модо таридаг шубуун болоно.  

Шалгалта ба сэгнэлтэ.

Багша: Танай урда 5 табсантай гэшхүүр. Юундэ 5 табсан бэ? Юундэб гэхэдэ, 5 дахуул үгэнүүдые табиха ёһотойт. Нэгэ һурагша самбарта гаража, дахуул үгэнүүдые байраарнь табина. Таанад өөрыгөө шалганат.

Багша: 5 дахуул үгэнүүдые зүбөөр табяа һаа, 5-дахи табсанда гарахат и т.д.

5-дахи даабари.

Багша: Мүнөө танай анхаралда заахан викторина дурадхахамни. Викторинын асуудалда «зүб» али «буруу» гэһэн харюунууд байха. Таанад анхаралтайгаар шагнаад, «Сэгнэлтын хуудаһан» соогоо «зүб» гэһэн харюу болболнь «+» тэмдэг табихат, харин «буруу» гэһэн харюу болболнь «-» тэмдэг табихат.

1. Тоншуул мододые аргалдаг шубуун. («зүб»)
2. Хараасгай уургайгаа ногоон соо зохёодог. («буруу»)
3. Турлааг намартаа дулаан орон руу ниидэдэг. («буруу»)
4. Шара шубуун һүниндөө һайнаар харадаг. («зүб»)
5. Борбилоо – эгээ заахан шубуун юм. («буруу»)

Приложени