Технологическая карта урока-проекта Тема: Письмо букв Ж, ж
план-конспект урока (1 класс)

Тема

Бага  ж үзэг бэшэлгэ. Проект бэлдэлгэ.

Багшын зорилго  

• Һурагшадые бага ж үзэг бэшэжэ һургалга;
• [ж] абяан тухай мэдэсэ үргэдхэхэ.

Буряад хэлээр үхибүүнэй шадабари

• Бага ж үзэг бэшэжэ һураха;
• Ондоо үзэгүүдээр зүбөөр холбожо, бэшэжэ һураха.

Үхибүүнэй өөрын

 хүгжэлтын дүнгүүд

Шэнэ юумэ ойлгохо дуратай байһанаа харуулха; хэшээлэй бүхы шатануудта эдэбхитэйгээр хабаадаха; харилсаха дуратай байха.

Метапредметнэ дүнгүүд

Бэеэ гуримшуулаад ябаха шадабари: багшатаяа хамта хэшээлэй зорилго табиха; өөрынгөө ажал багшатаяа сугтаа шалгаха; багшын үгэһэн түсэбөөр хүдэлжэ шадаха.

Оршон тойрониие шудалха шадабари: зураг адаглажа хараха; багшын табиһан асуудалнуудта харюусажа шадаха; багшатаяа хамта ажалай дүн гаргаха.

Харилсаха шадабари: багшаяа һайнаар шагнаха, классайнгаа үхибүүдтэй, багшатаяа хамта ажалаа эмхидхэхэ, хажуудахи хүнүүдээ шагнаха, тэдэнэй хэлэһые ойлгохо.

Хэшээлдэ хэрэглэхэ хэрэгсэлнүүд:

Компьютер, интерактивна самбар

Хэшээлэй

шатанууд

Багшын

 ажаябуулга

Хэшээлэй һуралсалай, хүмүүжүүлгын ба сэгнэлтын даабаринууд

Һурагшын ажаябуулга

I шата.

Эмхэдхэлгын үе

Багша үхибүүдээр танилсана.

Һурагшадые ажалда бэлдэнэ

- Би Валентина Намуевна гэжэ

нэрэтэйб. Таанадтай танилсахаяа би аяар Хурамхаанай аймагһаа хүрэжэ ерээб.

 Би баһа тан шэнги заахан үхибүүдтэ багшалдагби.

-Ажалаа эхилхэмнай гү?

 II шата.

Зорилго табилга.

Зорилго:  багшатаяа хамта хэшээлэй зорилго табиха

Зорилго табина.

Бүтээгдэһэн ном (образец) һурагшадта харуулна.

-Мүнөөдэр таанад ямар абяатай ба үзэгтэй танилсаабта? (слайд №1)

-Энэ хэшээлдэ юу хэхэеэ байнабди, хэн тухайлнаб? (слайд №2)

-Энэ үзэг бэшэжэ һурахын түлөө,бидэ  ном бүтээжэ гаргахабди.

- Таанар ямар номуудые мэдэхэбта?

-Үшөө ямар номууд бииб? (уншалгын, шэрдэлгын г.м.) (слайд №3)

-Номууд хүндэ ямар үүргэ дүүргэнэб?

- Номдо ямараар хандаха ёһотойб?

-Мүнөө энэ хэшээлдэ һурагша бүхэн иимэ ном бүтээжэ гаргаха. Номомнай 3 хуудаһатай байха.

- ж абяатай ба үзэгтэй

- шэнэ үзэг бэшэхэбди.

-һуралсалай номууд

-словарь, энциклопедия, сказки

-ном уншахадаа, хүн ухаатай, сэсэн, олон юумэ мэдэдэг болоно.

-номуудаа сэбэрээр бариха, гадар хэхэ, хахалхагүй.

III шата.  Гар һорилго.  

Номой 1-хи хуудаһа бүтээлгэ

Номой гадар харуулна.

«θөрыгөө сэгнэ» гэжэ нэрэтэй сэгнэлтын хуудаһа харуулна.

Түрүүшын хуудаһатай танилсуулна. Тэндэ иимэ зурагууд зураатай байна: сана, валенка, ёлко, жэмэс, саһахан.

- Үхибүүд, ямар һайндэр дүтэлжэ байнаб?

-Шэнэ жэлдэ хэн үхибүүдтэ бэлэг асардаг бэ? (слайд №4)

- Номой гадарта Жабар Үбгэн маниие угтажа байна, тиимэһээ номнай үбэлэй сагта зорюулагдана.

Танай урда бүтээхэ хуудаһанууд  байна. Энэ хуудаһанууд дээрэ зурахабди, бэшэхэбди.

-Үхибүүд, танай урда иимэ хуудаһанууд байна. Энэмнай «θөрыгөө сэгнэ» гэжэ нэрэтэй сэгнэлтын хуудаһан.  Хэшээлэй үедэ хэр зэргэ хүдэлһэнөө

Өөрыгөө сэгнэжэ байхат.

Булта 1-хи хуудаһа нээгты.

- Номой түрүүшын хуудаһа бүтээхэмнай.

- Зурагуудые анхаралтайгаар харагты. Тэдэниие нэрлэгты. (слайд №5)

- «Ж» абяан ямар үгэ соо дуулданаб? (жэмэс)

-Карандашуудаа баригты. Энэ зураг соо зурлаануудые татагты: хүбүүд-дээрэһээ доошонь, басагад – хажуу тээшэнь.(заштриховать)

Бэрхэнүүд. Номоймнай 1-хи хуудаһан бэлэн болобо.

- Шэнэ жэл

-Жабар Үбгэн

-Сана, валенка, ёлко, жэмэс, саһахан.

-жэмэс

IV шата.

Шэнэ темэтэй танилсалга.

Зорилго:

 Шэнэ үзэг гуримаар бэшэжэ һургалга.

Номой 2-хи хуудаһа бүтээлгэ

Үзэгэй элементнуудые харуулна.

(Слайд)

Багша үхибүүдые ж үзэгэй бэшэлгын гурим гаргажа һургана.

Самбарта бэшэнэ,

Самбарта 4 үгэ үлгэгдэнэ.

Самбарта бэшэнэ

2-хи хуудаһан дээрэ ажаллалга. (ж үзэг бэшэлгэ)

-Мүнөө саашань номоо иража, 2-хи хуудаһанда гаранабди. Энэ хуудаһа харагты.

Номой 2-хи хуудаһан дээрэ жэшээтэ үзэг  үгтэнэ.

- Бага ж үзэг хайшан гэжэ бэшэгдэнэб гэжэ анхаралтайгаар харагты.

-Хэды элементһээ энэ үзэг бүридэнэб? 

-Энэ үзэг ямар гуримаар бэшэхэбди гэжэ самбарта харуулхамни. Анхаралтайгаар харагты.

1. Бага ж үзэг бэшэлгын гурим гаргалга.

1. Точко дээрэ ручкаяа табинабди. Баруун тээшээ түхэреэлэн ажалай мүрэй дээдэ шугамда хүрэнэбди, ручкаяа эрьюулжэ доошоо хэлтылгэн зурлаагаар буунабди, һүүлээрнь түхэреэлнэбди.

2. Бэшэһэн элементһээ һөөргөө ябажа, дундань хүрөөд, баруун тээшээ зурлаа татажа, дээдэ шугамда хүрөөд, доошоо хэлтылгэн зурлаа доодо шугам хүргэнэбди, баруун тээшээ, ажалай шугамай дунда хүрэнэбди.

3. Тэндэһээ баруун тээшээ ажалай мүрэй дээдэ шугамда хүрөөд, түхэреэлнэбди, һөөргөө ябажа, доошоо ажалай мүрэй доодо шугамда хүрөөд, түхэреэлнэбди.

2. Ж үзэг бэшэлгэ. (Номой 2-хи хуудаһанда жэшээтэ үзэг, багшын бэшэһэн жэшээтэ үзэг, пунктираар бэшэгдэһэн үзэг)

1) агаарта бэшэлгэ

- Ручкаяа зүбөөр барижа, ж үзэгөө агаарта бэшэе. (2 дахин)

2)  жэшээтэ үзэг даража бэшэлгэ

- Мүнөө номойнгоо хуудаһанай буланда жэшээтэ  үзэг бэшээтэй байна. Энэ үзэг дээрэһээнь даража бэшэе.

3) пунктираар бэшэгдэһэн үзэг бэшэнэ

-мүнөө пунктираар бэшэгдэһэн үзэг бэшэе.

4)үргэлжэлүүлэн нэгэ мүртэ бэшэнэ.

3. Үе бэшэлгэ

Зураг дээрэ 60 тоон бэшээтэй. (слайд №6)

- Юун бэшээтэй байнаб? Нэрлэгты.

- Хэды үетэй үгэб?

- Түрүүшын үе нэрлэгты, хоёрдохи үе нэрлэгты.

- Түрүүшын үе хуудаһан дээрэ ологты. Үргэлжэлүүлэн бэшэгты.

5) Үгэнүүдые бэшэлгэ.

- Самбарта үенүүд үгтэнэ (жэр, ха, зү, жуур, хи, гы, зөө, хэй). Уншагты. (слайд№7)

- Эдэ үенүүдһээ үгэнүүдые суглуулагты.

- ж үзэгтэй үгэнүүдыень түүжэ бэшэхэбди. Би самбарта бэшэхэб, таанад һүүлээрнь хуудаһан дээрэ бэшэхэт.

- Бэрхэнүүд. Номойнгоо 2-хи хуудаһа бүтээбэбди.

-3 элементһээ

Агаарта бэшэнэ,

жэшээтэ үзэг дээгүүр ябуулна

Багшын бэшэһэн жэшээтэ үзэг, пунктираар бэшэгдэһэн үзэг бэшэнэ.

Үргэлжэлүүлэн нэгэ мүртэ бэшэнэ.

- жаран

- хоёр

-жа

- хажуур, зүгы, зөөхэй, жэрхи.

Хуудаһан дээрээ бэшэнэ. (жэрхи, хажуур)

Физминутка

V шата.

Бэхижүүлгын ажал

Дүн гаргалга

Номой 3-хи хуудаһан дээрэ ажаллалга

- Номойнгоо 3-хи хэхэмнай.  Нээгты. (слайд №8)

(Хуудаһан дээрэ Жабар Үбгэнэй амаршалгын бэшэг үгтэнэ.)

«Шэнэ жэлээр амаршалнаб! Энэ жэлдэ жэгдэ амгалан, дүүрэн жаргалтай ажаһуугты.

Жабар Үбгэн»

- Энэ хуудаһан дээрэ юу харанабта?

- Уншаад үзэгты.

- Юун гэжэ хэлэхэ байнат?

- Юундэ точконууд байнаб?

- Ямар үзэг табигдахаб?

-Зүб. Амаршалгын бэшэг дээрээ точконуудай орондо ж үзэгүүдые бэшэгты.

-Энэ даабари дүүргэхэдээ, хэр бэрхээр, зүбөөр, һайханаар ж үзэгөө бэшэжэ һураабиб гэжэ харахат.

-Иимэ гоёхон номуудые хэбэбди. Танда һайшаагдана гү?

-Энэ номоо гэртэхиндээ харуулаарайгты. Үшөө саашань үргэлжэлүүлхэдэтнай болохо. Һүүлээрнь өөрынгөө портфолио соо хээрэйгты.

-Амаршалгын бэшэг

- Үзэгүүд хүсэд бэшэ байна.

-ж

1 һайнаар уншадаг һурагша уншаха.

VI шата.

Хэшээлдээ хэһэн ажалай сэгнэлтэ. (Рефлексия)

3 нюурханууд (смайлики)

- Хэр зэргэ хэшээл дээрээ хүдэлһэнөө сэгнэе.  Амаршалгын бэшэг доро 3 нюурханууд зураатай байна. Таанад ямар сэгнэлтэ өөртөө үгэхэ байнат: эрхим ажаллаа һаа, түрүүшын нюурханиие ногооноор шэрдэгты, һайн хүдэлөө һаа – хоёрдохи нюурханиие шара үнгөөр шэрдэхэ. Дунда зэргэ ажаллаа һаа – гурбадахи нюурханиие улаанаар шэрдэгты.

VII шата. Гэрэй даабари

- Номойнгоо 2-хи хуудаһанай зурагуудые шэрдэхэ.

-Хэшээлэймнай дүүрэхэ саг дүтэлбэ.Би таанадаар танилсаһандаа ехэ баяртай байнаб. Ехэ бэрхэ, ажалша, һонор ухаатай үхибүүд байнат. Дахин уулзатараа баяртай!