Сыйфат,сыйфатның мәгънәсе,сораулары.
материал (3 класс) по теме

Тема:Сыйфат,сыйфатның мәгънәсе,сораулары.

Максат:1.Сыйфат һәм аның сөйләмдәге роле белән таныштырырга.

                2.Фикерләү сәләтләрен үстерү өстендә эшләргә.

                3.Татар теленә мәхәббәт тәрбияләргә.

Җиһазлау:дәреслек Татар теле,3 нче сыйныф,70-73 нче битләр.З.И.Җамалетдинова;С.Г.Вагыйзов”Кызыклы грамматика”,ИКТ.

                                 Дәрес барышы

I  Мотивлаштыру-ориентлаштыру.

1.Матур язу.

Әә ән әл әи нә ни

Әсма әнисен бик ярата.

2. Актуальләштерү.

-Сез нинди сүз төркемнәрен беләсез?

Бу сүз төркемнәре турында нәрсәләр белдегез?

3.Уку мәьсәләсен кую.(слайд)

Уен”Бел!”

Куркак,йомшак,ак ...

Явыз,усал,соры ...

Тырыш,эшчән,пөхтә ...

Суык,буранлы,җилле ...

_Бу сүзләр нәрсәне белдерә?(Предметның билгесен)

-Бу сүзләр ярдәмендә сез нәрсә белдегез?(Кем яки нәрсә турында сүз барганын.)

-Бу сүзләр нинди сүз төркеменә карый?Куркак,йомшак,ак..(Сыйфатлар)

-Димәк без бүген дәрестә нишләрбез?(Сыйфат сүз төркемен өйрәнербез)

(Үзбәя)

II  Уку мәсьәләсен өлешләп чишү.

1.Дәреслектәге 1 нче бирем өстендә эшләү(төркемнәрдә киңәшләшеп, нәтиҗә ясау)

-1 нче биремне укыгыз.

-Төркемнәрдә киңәшләшеп нәтиҗә ясагыз.

Нәтиҗә:

-Бу сүзләр нинди соравына җавап бирә?

-Алар сыйфат сүз төркеменә карый.

2.Дәреслектәге нәтиҗәне уку.(слайд)

-Дәреслектәге нәтиҗәне укыгыз.

-Төркемнәрдә,парларда үз-үзегезгә сөйләгез.

-Әйдәгез, бер укучы сөйләп күрсәтсен.(Үзбәя)

_Сыйфатлар нинди максат белән кулланыла?(Сыйфатлар безнең сөйләмне тулы ,матур итеп күрсәтергә ярдәм итәләр)

3.185 нче күнегү.

-Биремне укыгыз.

III  Физминутка(слайд)

Укытучы сүз төркемнәрен укый,укучылар хәрәкәтләр башкара.(исем -кулларны өскә күтәрәләр,фигыль-аякларны тыпырдаталар,сыйфат-кулларны чәбәклиләр)

Китап,яза,озын,кыш,йоклый,җиңел...

4.186 нчы күнегү.(слайд)        

(Парларда эшләү,тикшерү,үзбәя)

-Биремне укыгыз.

-Текстны укыгыз.

Ни турында?(Үксез кыз турында)

-Беренче җөмләне тагын укыгыз.Исемнәрне һәм аларның билгесен белдереп килгән сүзләрне табыгыз.Сорау куегыз.(Нинди? )тулган айга.

-Алга таба,парларда киңәшләшеп,шулай дәвам итегез.(Эшләрне слайд буенча тикшерү).

5.-Шулай ук төрле билгеләре буенча предметның исемен табып,нәрсә икәнен әйтеп була.(слайд)

-Табышмакны  укыгыз.

Түгел мамыклы һәм йомшак,

Булды хәзер ул ябышкак,

Күзәнәкле һәм сөрмәле...

Түгел чаңгыда йөрмәле.

Хәзер инде ул ак түгел,

Карасу,соры һәм юеш.

Ул карт хәзер,бозлы,сулы,

Челтәрле,елак һәм юаш.

Төрле билгеләре бунча предметның исемен табып буламы?(Була.Язгы кар.)

-Ни өчен язгы кар дип уйлыйсыз?(Чөнки язгы кар ябышкак,күзәнәкле,сөрмәле,ак түгел,карасу,соры,юеш.)

7.Кышкы карның билгеләрен язу.

-Сез язгы карның билгеләрен санап күрсәттегез,ә хәзер кышкы карның билгеләрен әйтеп карагыз.

-Дәфтәрегезгә сыйфатларын күрсәтеп,кар сүзен языгыз әле.(Нинди кар?Ак кар,йомшак кар,мамык кар,ябалак кар,җепшек кар...)

8.Уен”Исемнәрен табыгыз”(слайд)

Айлы    ....(төн).Кояшлы  ....(көн).Тирән   ...(су).Балыклы    ...(күл).Бөдрә  ...(чәч).Хәйләкәр   ...(төлке).Куркак   ...(куян).Усал   ...(бүре).

9.Сүзлек эш.

-Бу дәрескә бирелгән сүзләрне укыгыз.Сүздәге орфограмманы әйтегез.(Слайд)

IV  Рефлексив бәяләү.

1.Рефлексив кабатлау.

-Нәрсә эшләдек?(Сыйфат сүз төркемен өйрәндек.)

-Ничек эшләдек?(Сыйфатларны ,үзләре бәйләнеп килгән сүзләрне таптык,мәгънәсен ачыкладык).

-Экрандагы сорауларга җавап бирегез)(слайд)

2.Өй эше(сайлап алып эшләргә)(слайд)

а)Нәтиҗәне ныгытыгыз,188 нче күнегү.

б)189 нчы күнегү.