Рабочая программа по родному языку для 3 класса.
рабочая программа (3 класс)

“Каралды”                                 “Килешенде”                            “Раслыйм”  

Лицейның татар                         2 нче лицейның                         2 нче лицей директоры

Теле укытучылары                    укыту-тәрбия эшләре                 ___/Г.З.Сафина/

МБсе җитәкчесе                        буенча директор                         Боерык №390

__/Р.В.Шәрипова/                      урынбасары                                  “01”нче сентябрь 2014

Беркетмә №                                  ___/З.Н.Исламова

“28”нче август 2014нче ел        “01”нче сентябрь 2014нче ел

Төзүче: 2 нче лицейның татар теле һәм әдәбияты укытучысы Муллагалиева Энҗе Рәшит кызының рус телендә аралашучы 3 нче сыйныф укучылары өчен “Күңелле татар теле” укыту – методик комплекты буенча эш программасы.

2014нче  - 2015нче уку елы

Аңлатма язуы.

Эш программасы статусы.

Программа нигезенә Федераль дәүләт башлангыч белем бирү стандарты салынды, ТР Мәгариф министрлыгы тарафыннан расланган, авторлары: К.С.Фәтхуллова, Ф.Х. Җәүһәрова. “Рус телендә урта (тулы) гомуми белем бирү мәктәбендә татар телен һәм әдәбиятын укыту программасы” на (2010 нчы ел) нигезләнеп төзелде.

Сәгатьләр саны: татар теле – 105 сәгать (атнага – 3сәгать), уку – 105 сәгать (атнага – 3сәгать).

Эш программасы түбәндәге документларны исәпкә алып төзелә:

1.Татар теленнән һәм әдәбиятыннан вакытлы дәүләт стандарты (ТРсы  Мәгариф һәм фән министрлыгының 499 нчы боерыгы белән 2009 нчы елның 4 нче мартындарасланган).

2. “Мәгариф турында” Россия Федерациясенең Законы (“Закон об образовании” Закон Российской Федерации).

3. “Мәгариф турында” Татарстан Республикасы Законы.

- 6 статья - белем алу теле (телләре)

- 7 статья – мәгарифнең дәүләт стандартлары

- 10 статья – уку-укыту программалары

- 32 статья – мәгариф учреҗдениесенең вәкаләтләре һәм җаваплылыгы.

4. Гомуми белем эчтәлегенең мәҗбүри минимумы (ТР Мәгариф министрлыгының 478 номерлы боерыгы .05.07. 2000 ел).

5. Санитарно – эпидимиологических требований к условиям и организации обучения в ОУ (утверждены постановлением Главного государственного санитарного врача РФ от 29. 12. 2010г. №189)

6. Образовательной прграммы МАОУ – лицея №2 г.Альметьевска.

7. Базисного учебного плана РТ

8. Учебного плана МАОУ – лицея №2 на текущий учебный год:

9. Положения “О рабочей программе учителей предметников  МАОУ – лицея №2”

10. Р.З Хәйдарова, Г.М.Әхмәтҗанова, Л.Г.Гыйниятуллина “Күңелле татар теле”, рус телендә белем бирүче дүртьеллык башлангыч мәктәпнең 3 нче сыйныф рус балалары өчен татар теле һәм уку дәреслегенә (ТРсы һәм фән министрлыгы тарафыннан рөхсәт ителгән. 2 кисәктә, Казан, “Татармультфильм”нәшрияты,2013).

Эш программасы структурасы

Татар теленең эш программасы өч өлештән тора: аңлатма язуыннан, төп бүлекләрне, белем һәм күнекмәләрне үз эченә алган программаның эчтәлегеннән , укучыларның әзерлек дәрәҗәсенә таләпләреннән.

Эш программасының эчтәлеге.

Рус телендә сөйләшүче балаларны татар теленә укытуның төп максаты һәм бурычлары.

Рус телендә сөйләшүче укучыларга татар телен дәүләт теле буларак укытуның төп максаты телне аралашу чарасы буларак үзләштерүне тәэмин итү, көндәлек тормышта, полиэтник җәмгыятьтә үзара аңлашу һәм хезмәттәшлек итү күнекмәләрен формалаштыру.

“Күңелле татар теле” УМК татар телен дәүләт теле буларак өйрәнү түбәндәге максатларны күзаллый:

• башлангыч мәктәп укучысының аралашу даирәсен , аралашу ситуацияләрен исәпкә алып, сөйләм эшчәнлегенең барлык төрләре (тыңлап аңлау, сөйләү, уку, язу) буенча укучыларда коммуникатив компетенция (аралашу осталыгы) формалаштыру;
• укучының танып белү мөмкинлекләрен, гомуми уку күнекмәләрен, сөйләм культурасын үстерү;
• укучыларның күпмилләтле җирлектә аралашу культурасын формалаштыру, татар халкының мәдәниятен, милли үзенчәлекләренә карата хөрмәт хисе, мәдәниара диалогка осталык кебек универсаль шәхси күнекмәләр формалаштыру;
• укучыларны рухи һәм әхлакый яктан тәтбияләү.

3 нче сыйныф рус телендә сөйләшүче балаларның грамматик белем -  күнекмәләренә таләпләр:

1. Без, сез, алар алмашлыкларын сөйләмдә куллану.
2. Исемнең төшем килешендә төрләнеше белән таныштыру.
3. Кем? Нәрсә? Кайда? Нинди? Ничек? Ничә? сорауларына җавап бирә, аларны кулланып, сораулар бирә белү.
4. Исемнәрнең берлек санда тартым белән төрләнешен гамәли үзләштерү.
5. Әле, бик кисәкчәләрен сөйләмдә куллану.
6. Боерык фигыльнең барлык, юклык формалары белән таныштыру.
7. Хәзерге заман хикәя фигыльнең 1, 3 зат юклык формасын сөйләмдә куллану.
8. Астында, өстендә бәйлек сүзләре белән таныштыру.
9. Хәзерге заман хикәя фигыльнең 1,2,3 зат күплек формасын сөйләмдә куллану.
10. 11 дән 100 гә кадәр саннарны сөйләмдә куллану.
11. Сабын белән юына төзелмәсен куллану.
12. Сыйфатның гади дәрәҗәсен сөйләмдә куллану.
13. Кирәк, кирәк түгел, ярый, ярамый, сүзләрен сөйләмдә куллану.

3 нче сыйныфны тәмамлаучы рус телендә сөйләшүче балалар үзләштерергә тиешле белем – күнекмәләр.

Грамматик минимум.

1. Исемнең иялек килешендәге төрләнеше белән таныштыру.
2. Зат алмашлыкларын күплек санда юнәлеш килешендә сөйләмдә куллану.
3. Билгеле үткән заман хикәя фигыльнең барлыкта зат – сан белән төрләнеше.
4. Билгесез үткән заман хикәя фигыльнең барлык һәм юклык формасы белән текст аша танышу.
5. Нишләргә яратам? Конструкциясе белән таныштыру.
6. Синоним һәм антоним сыйфатларны сөйләмдә куллану.
7. Янында, алдында, астында, артында, өстендә бәйлек сүзләрен һәм турында бәйлеген сөйләмдә куллану.
8. Ләкин, чөнки, шуңа күрә теркәгечле кушма җөмләләрнең эчтәлеген аңлап, аларны сөйләмдә куллану.
9. Чагыштыру дәрәҗәсендәге сыйфатлар белән танышу.
10. Сүзнең тамырын күшымчасын аера белү.
11. – чы/ -че ясагыч кушымча белән танышу.
12. Кебек бәйлеген сөйләмдә куллану.
13. Казан шәһәре кебек төзелмәләр белән танышу.
14. Аннан соң рәвеше һәм һәр, һәркем, барлык, барысы алмашлыклары белән таныштыру.

Орфографик һәм орфоэпик минимум.

1. Өйрәнелгән лексик берәмлекләрне орфоэпия нормаларына туры китереп әйтүне ныгыту.
2. Алынма сүзләрне, дөрес әйтелешен саклап, сөйләмдә кулланырга күнектерү.
3. Укучыларның язу һәм сөйләм күнекмәләрен камилләштерү эшен дәвам итү.
4. Ике бертөрле тартык янәшә килгән сүзләрне дөрес әйтү һәм язу күнекмәләрен булдыру.
5. Я,ю, е хәрефләре кергән сүзләрнең әйтелешен һәм язылышын истә калдыру.
6. О, ө хәрефләренең беренче генә иҗектә язылуы.

3 нче сыйныф өчен тәкъдим ителгән дәреслек башлангыч этапта 1 – 2 нче класста алынган белемнәргә таяна. Темалар һәм грамматик материал дәүләт стандартына нигезләнә. Лексик материал гамәлдәге программа нигезендә 1 - 2 нче класста үтелгән иң актив кулланышлы сүзләрне ныгыту максатында сайлана һәм яңа сүзләр белән баетыла. Лексиканы сайлаганда игътибар үзәгенә аның күләме түгел, ә табигый сөйләмдә куллану ешлыгы куелган. Күнегүләр методик таләпләр нигезендә билгеле бер тәртиптә һәм эзлеклелектә, гадидән катлаулыга таба бирелә. УМК татар теле белән укуны берләштереп , укытуны күздә тота.

Федераль дәүләт стандартларының төп таләпләрен һәм психология, педагогика фәннәренең яңа казанышларына таянып, шулай ук телгә өйрәтү процессында методик стандарт итеп кабул ителгән коммуникатив укыту технологиясенә нигезләнә. Анда укучыларның яшь үзенчәлекләрен исәпкә алып, санамышлар, тизәйткечләр, төрле кызыклы уеннар, татар сөйләме этикеты үрнәкләре, өстәмә кызыклы материал бирелгән.

Дәресләрдә, коммуникатив технологияләр, күмәк, группада, уен технологияләрен, информацион, компьютер технологияләрн, индивидуаль эш формаларын куллану бик отышлы.Телне ятлап түгел, ә актив фикерләп өйрәнү принцибын кулланырга кирәк. Моның өчен аралашу ситуациясе һәм коммуникатив бурыч аша сөйләм үрнәгенә чыгу сорала. Дәресләрдә кызыклы сораулар, чагыштыруны, анализлауны, логик фикерләүне таләп иткән төрле биремнәр куллану уңай нәтиҗә бирә.

3 нче А сыйныфы укучылары, исемне күплек санга кую үзенчәлекләрен беләләр.  Әйе, мин укыйм яки юк, мин укымыйм дип уңай һәм тискәре җаваплар бирә, боерык,хикәя, сорау,боерык җөмләләр төзи беләләр. Үтелгән темалар буенча рәсемнәр кулланып, монологлар төзеп, үзләре һәм гаиләләре турында сөйли беләләр.

Телдән һәм язмача аралашу темалары.

1. Белем бәйрәме.
2. Көндәлек режим.
3. Ашханәдә.
4. Без әти – әниләргә булышабыз.
5. Туган якка кыш килде.
6. Шәһәрдә һәм авылда.
7. Әдәпле булыйк.
8. Кечкенә дусларыбыз.
9. Күңелле җәй.

Өченче сыйныфта укучы рус телле балаларга тәкъдим ителгән укыту-методик комплекты түбәндәге компонентлардан тора:

1. Дәреслек.
2. Мультимедиа.
3. Язу дәфтәре.
4. Ишетеп аңлау күнегүләре
5. Дәресләрне планлаштыру.

Укыту прграммасының үзләштерелүен тикшерү.

1. А.Н.Газизова. Башлангыч сыйныфлар өчен диктантлар җыентыгы (рус телендә сөйләшүче балалар өчен). “Яңалиф”, 2007.
2. Н.Г. Галиева, Л.Ә. Гыйниятуллина. Тестлар. Рус телендә белем бирүче дүртьеллык башлангыч мәктәпнең 3 нче сыйныфы өчен.2009. ТРсы Мәгариф һәм фән министрлыгы тарфыннан тәкъдим ителгән.

3 нче сыйныфта рус төркеме укучыларына язма эшләрнең күләме һәм белем осталык, күнекмәләрен бәяләү нормалары.

Язма эшләр саны:

Бүлек буенча контроль эш, тест – 7

Хикәяләү сочинениясе – 3

Сүзлек диктанты – 7

Контроль күчереп язу – 4

Контроль күчереп язуны бәяләү.

Пөхтә төгәл һәм орфографик хатасыз язылган эшкә “5”ле куела.

Пөхтә, төгәл язылган, әмма 1-3 төзәтү яки 1-2 орфографик хатасы булган эшкә “4” ле куела.

Пөхтә һәм төгәл язылмаган, 4-5 төзәтү яки 3-5 орфографик хатасы булган эшкә “3”ле куела.

Пөхтә һәм төгәл язылмаган, 6 яки артыграк орфографик хатасы булган эшкә “2”ле куела.

Диктант текстларын сайлаганда, түбәндәгеләр истә тотылырга тиеш:

текстның укучыларның танып – белү сәләтен үстерүдәге роле; аның шәхесен формалаштыруга, аны тәрбияләүгә йогынтысы; укучының гомуми үсешенә һәм аны тәрбияләүгә уңай тәэсире; рус балаларының әзерлек дәрәҗәсенә туры килүе, алар өчен кызыклы булуы.

Рус телле укучыларның белем һәм күнекмәләрен бәяләгәндә, эш төрләре түбәндәгечә бирелә.

1. Тыңлап аңлау (аудирование) – 0,2 -0,4 мин.
2. Диалогик сөйләм (репликалар саны) – 5 реплика
3. Монологик сөйләм (фразалар саны)- 6 фраза
4. Уку (сүзләр саны) – 35 -45 сүз.
5. Язу

а) Күчереп язу (җөмлә саны) – 4- 5 җөмлә, 25 – 30 сүз.

б)Сүзлек диктанты (сүзләр саны) – 7-8 сүз

в) Сочинение өйрәнү характерында) – 4-5 җөмлә.

Татар теленнән календарь – тематик план.

Уку буенча календарь – тематик план.