Казан Кремле
план-конспект урока (4 класс) на тему

Ачык дәрес.

Тема: “Казан Кремле.”

                                        Үткәрде: Төхбәтуллина А.Ф.

                                       Үткәрү вакыты: 21.10.

Яшел Үзән -2014

4 класс рус төркеме өчен

Дәрес план конспекты.

                                    Тема: Казан Кремле.

Максат:

• Укучыларың бәйләнешле сөйләм телен үстерү;
• Уку һәм тәрҗемә итү күнекмәләрен камилләштерү;
• Укучыларның сүзлек байлыгын арттыру;
• Казанның тарихи һәм истәлекле урыннары белән таныштыру;
• Туган якка, табигатькә мәхәббәт тәрбияләү һәм күзәтүчән булырга  өйрәтү.

Җиһазлау: Дәреслек, слайдлар, компьютер, рәсемнәр.

I.  Дәресне оештыру. 

1. Кагыйдәләрне искә төшерү:

Һәр  дәрестә без куллана торган, буген дә без онытмаска тиешле булган 3 кагыйдә:

• Тулы җөмләләр белән сөйлә.
• Игътибар белән тыңла, бүлдермә.
• Кеше фикерен кабатлама. Үз фикереңне әйтә бел.

2. Дежур укучы белән әңгәмә кору.

• Бүген кем дежур?
• Бүген ничәсе?
• Атнаның нинди көне?
• Дәрестә кем юк?

II. Актуальләштерү.

2. Көз фасылы турында сөйләшү. (Слаид күрсәтелә)

• Бу нинди ел фасылы?
• Көз айларына нинди айлар керә?
• Көз билгеләрен санап үтик әле?

                 3. Сорау-җавап.  (Слайдлар күрсәтү).

•  Син кайсы республикада яшисең?
• Татарстан республикасының башкаласы нинди шәһәр?
• Казанның иң матур урыны нәрсә?
• Казан Кремле кайда урнашкан?
• Кремль янында нинди биналар урнашкан?

III. Яңа материалны өйрәтү.

Балалар, хәзер без сезнең белән шул истәлекле урыннарга сәяхать итәбез. (Слаидлар күрсәтү).

4. Дәреслек белән эшләү.

5 күн. 44,45 бит. “ Казан Кремле” текстын сәнгатьле уку һәм тәрҗемә итү.

5. Сүзлек эше.

*Истәлекле урыннар-памятные места.

*Тарихи һәкәлләр-исторические памятники 

 *Башкала- столица.

 *Мәчет- мечеть.

* Манара-башня.

 *Сарай-дворец

 *Үзәгендә урнашкан- расположен в центре.

* Кат-этаж

 *Мәйдан-площадь

6. Физ. минутка уздыру.

7. Сораулар өстендә эшләү. 6 күн. 45 бит.

1. Казан Кремле нинди?

2. Сөембикә манарасы нәрсәдән төзелгән?

3. Спас манарасы нинди төстә?

4. Казан кунакларына нәрсәләр ошый?

5. Татарстан җире нинди һәйкәлләргә бай?

8. Диалогик сөйләм күнекмәләрен камилләштерү.

Ситуация тәкъдим ителә. Әйтик , безгә, Казанга студентлар киләчәк, алар Казан белән кызыксыналар.

• Татарстанның башкаласы нинди шәһәр?
• Татарстанның башкаласы – Казан.
• Казанның үзәгендә  нәрсә урнашкан?
• Казанның үзәгендә Кремль урнашкан.
• Кремльдә нәрсәләр бар?
• Кремльдә Татарстан Республикасы Президенты сарае, Сөембикә манарасы, Благовещение соборы, Кол Шәриф мәчете һәм башка биналар бар.

Балалар өч төркемгә бүленә. Һәр группага конверт бирелә. Конвертларда җөмләләр төзү өчен сүзләр язылган карточкалар салынган. Укучылар җөмләләр төзиләр һәм  русчага тәрҗемә итәләр.

                   Татарстанның башкаласы- Казан.

                  Казан – тарихи  һәйкәлләргә бай шәһәр.

                       Сөембикә  манарасы  кызыл  кирпечтән төзелгән.

          9. ”Казан”  кроссвордын  чишү.

                                    1

2

        3

        4

        5

1. Башкалабызның үзәгендә нәрсә урнашкан?
2. Сез кайсы республикада яшисез?
3. Кремль нинди елга янында төзелгән?
4. Ак төстәге манара ничек дип атала?
5.  Спас, Сөембикә- болар нәрсәләр?

7. Тест сорауларына җавап бирү. 

1) Дәрестә сез нәрсә турында сөйләштегез?

   а) тәмле ризыклар

   б) тарихи урыннар

   в) матур киемнәр

2) Башкалабызның  үзәгендә нәрсә урнашкан?

    а) Шишкин музее

    б) КамАЗ

    в) Кремль

3) Казан Кремле каршында нинди һәйкәл бар?

    а) Г.Тукай һәйкәле

    б) А.С.Пушкин һәйкәле

    в) М.Җәлил һәйкәле

4)  Сөембикә манарасы ничә катлы?

     а) 7 катлы  

     б) 5 катлы  

     в) 10 катлы

I V. Йомгаклау

1. –Дәрестә без нәрсә турында сөйләштек?

-Без сезнең белән ни өчен  Татарстанның истәлекле урыннары турында сөйләштек?(Үз илебезне яратырга, Ватаныбызның тарихын белергә һәм татар телендә сөйләшергә кирәк).

2.  Билгеләр кую.
3.  Өй эше: Текстның эчтәлеген сөйләргә өйрәнү.